Joshua 15:11 - Ohiatonhseratokénti

¹¹ Ne tsi karistatátie thóh nionhsáwe tsi ionhniarónhnion ne othorè꞉ke nokwá꞉ti ne Ekron, hiatkahiósaien ne Shikkeron, hiahontó꞉hetste ne tsi Ionónhte ne Baalah, thóh nionhsáwe Jamnia. Iat꞉taʼne ne Mediterranean Kaniatarakeʼkó꞉wa,

Joshua 15:11 ပူးပေါင်းရင်းမြစ်များ

2 Kings 1:16

tánon wahawénhase, “Kén kíʼ nahó꞉ten ne Roiá꞉ner ráton: ‘Né tsioríhwa tsi iasehiathénieʼthe ne ratirihwakarénies niaʼhonwanikonhríhsake ne Baalzebub, né raní꞉io ne Ekron—tsi shí꞉ken ní꞉ioht ne iáh othènen tekaniʼioseráien Nisraerʼró꞉nonke nahonwanikonhríhsake—iáh kíʼ tahonshasatʼkwahtháko; kwáh kíʼ ensí꞉heie!’”

2 Kings 1:6

Watʼthatirihwaseráko, “Rónhkwe watsiakwatéraʼne rahónha wasonhkwahró꞉ri ne tahonthahiakwaké꞉te tánon nakwahró꞉ri nètho Roiá꞉ner tsi iarihwanonhtónhnis, ‘Onh nonhtséren tsi iasheiathénieʼthe ne ratirihwakariénies nahonwarihwanónhtonhse ne Baalzebub, ne raníio ne Ekron? Né kén aoríhwa tsi í꞉shere iáh tekaniʼioseráien Nisraerʼró꞉nonke? Kwáh kíʼ iáh thatahontahioiánerenhne tsi nisakarewáthon; kwáh kíʼ enshí꞉heie!’”

2 Chronicles 26:6

Né Uzziah wahonterí꞉io ne Philistiaró꞉nons. Wahashontarihʼshiónko ne kanatowanénhke Gath, Jamnia, tánon ne Ashdod, tánon wahatenhenhronhniánions tsi watanathanátʼkons ne kanatowánens ákta ne Ashdod tánon ne kén iotsétons ne Philistiaró꞉nonhke.

Numbers 34:6

“Né꞉ne tsi iatewatʼsénhthos tkaristhatátie né Mediterranean Kaniatarakheʼkówa.

Joshua 15:10

Tsi nón꞉we iehiokakwénhtaien tsi iaʼtewatsénhtos nokwá꞉ti ne Baalah eʼnietsawé꞉non tsi tsionhniarónhnions ne tsi kanakerahserá꞉ien ne Edom, iehiothasónhtere ne othorè꞉ke nokwá꞉ti ne tsi Tionhnónhte ne Jearim (tó꞉ka ó꞉ni né꞉ne Chesalon), ietsiononhtatsnénhton ne Beth Shemesh, tánon thóh ietiotohétston ne Timnah.

Joshua 15:12

ne onhtenà꞉thonkwe ne tsi iaʼtewatséntos karistatátie. Ne tsi nón꞉we nikaristatátie ratiʼterónhthakwe nonhkweshón꞉ʼas né꞉ne rahothiwá꞉tsires ne Judah.

Joshua 15:45

Ne ó꞉ni ne Ekron nahonataʼshón꞉as tánon ne kenʼnikanatà꞉sas,

Joshua 15:9

Thóh tetsioténhtion ehnietsawé꞉non ne tsi tsionáwerothe ne Nephtoah tánon ietsiohiakén꞉en ne tsi kanatowanénhkes ákta ne tsi Ionónhthe ne Ephron. Thóh nón꞉we iaʼtehiokwáhtase Baalah nietsawé꞉non (tó꞉ka ó꞉ni Kiriath Jearim),

Judges 1:18

Né Roiá꞉ner washakoiénawaʼse nonhkweshón꞉as ne Judahró꞉nons, tánon wahontsénawasʼthe ne ionhniarónhnion kanakerahserá꞉iens, ó꞉ni ne Gaza, Ashkelon, ó꞉ni ne Ekron ó꞉ni ne aktónhtse kanakeraseraʼkérons. Ki ken onhkweshón꞉as ne kaniataratʼthontse ratinakerénions né nènhne rothiserethaiéntons ne karístatis otsónkwas, káti ne Judahró꞉nons iáh kíʼ tehothikwénion nashakotihiatinekénʼen.

1 Samuel 17:52

Ne konwaterí꞉iose Israeronónke ó꞉ni ne Judah tontahatítahne tsi nathotihénrehte tánon wahonwatísehre ne Philistiaró꞉nons kwáh tsi niʼió꞉re ne Gath tánon ne tsi tsiotenhenrakaróntons ne Ekron, káti nèthoh ne ronatʼkaréhwatons ne Philistiaró꞉nons wahatiʼiatsenénhseron tsi nihiohá꞉hes thóh tontáhsawen Shaaraimʼke kwáh tsi niʼió꞉re ne Gath ó꞉ni Ekron.

1 Samuel 5:10

Káti Ekron nón꞉we iahonténieʼte ne raoneró꞉kwa ne sakoʼNí꞉io NʼIsraerʼró꞉nons. Ók nó꞉nen ne raoneró꞉kwa ne Ní꞉io iahón꞉we Ekron, nonkweʼókons ne Ekron kwáh watsiakohénrete, “Nontiéren tsi ontsónhake nontahatíhawe ne raoneró꞉kwa ne sakoʼNí꞉io NʼIsraerʼró꞉nons ne kén naionkhinonwarhiákhon ó꞉ni nontsonkwetaʼókons?”

1 Samuel 5:8

Káti iahonwanaténieʼte tánon ashakotiʼiataró꞉rohke ratikwé꞉kon ne Roʼtiiá꞉ners ne Philistines, tánon wahonní꞉ron, “Ó꞉kwa nahitewá꞉iere ne raoneró꞉kwa ne sakoʼNí꞉io NʼIsraerʼró꞉nons?” Ne Gath nón꞉we nihatinákere wathatiriwaserá꞉ko, “Há꞉ʼo ne raoneró꞉kwa ne Ní꞉io kénʼen niekahá꞉hak tsi tewaná꞉kere.” Sók kiʼ ne raoneró꞉kwa ne sakoʼNí꞉io NʼIsraerʼró꞉nons Gath niahatíhawe.

1 Samuel 7:14

Ne kanatowá꞉nenhs nètho Philistines ronwaʼtíkwen ne Israerʼró꞉nons Roiá꞉ner thontaʼsakáwen NʼIsraerʼró꞉nons, thóh tontá꞉sawen Ekron iaʼhón꞉we ne Gath; tánon ne Israerʼró꞉nons sahatiʼiéna ne raotiʼnakerá꞉sera thonsahonwatiʼshiotarísi ne Philistines. Kwáh kiʼ skénnon shón꞉ton tsi natehón꞉tere ne Israerʼró꞉nons tánon ne Amorʼró꞉nons.