Joshua 14:9 - Ohiatonhseratokénti

⁹ Ne tsi thóh nátiere, Mahís wahakararátsten ne kheienʼokónhas tánon ní꞉i tsi kwáh oriwihiohón꞉we tsi enhiakwaié꞉na nahionkwawenhkónhweke nonhóntsa tsi nón꞉we nonhtháke nón꞉wa.

Joshua 14:9 ပူးပေါင်းရင်းမြစ်များ

Psalms 37:9

Asèken ne ronhnonkwetahét꞉kens kwáh kíʼ nenhné꞉e enhonwaʼnátonʼte, ók tsi nihiákon ne Roiá꞉ner thonwethákwen kwáh kíʼ enhontsatakweʼní꞉ioste nonwéntsia.

Numbers 13:22

Né tahontiérenhte entiéne nokwáhti niahónhne ne tsi ionhontsáien tánon Hebron iahónhnewe, thóh nónhwe ne rahotitiókwas ne Ahiman, Sheshai, tánon ne Talmai, nihatinákeres né tahatiwatsiratátie ne ratiʼkowánenskwe ne ronhwatinatónkwah Anakim, nihatiʼnákerekwe. (Ne Hebron tsáta nihioserá꞉ke né ohénton nikanatónhni tsi ní꞉ioht ne Zoan né Egypt nónhwe.)

Deuteronomy 1:36

Ne kók ne Caleb né꞉ne roiénha ne Jephunneh ienhataweià꞉te. Roteriwatokénhston nakonhà꞉ke, tánon enʼthí꞉ion tánon tsi nienhatwatsì꞉rine tsi nónhwe natehotawénhrie.’

Deuteronomy 11:24

Akwé꞉kon nonhontsà꞉ke tsi nón꞉we niensewenhnèn꞉rine í꞉se sewáwenhk enwá꞉ton. Ne sewanakeráhsera entiè꞉ne nokwáti ne iahonwentsathèn꞉ke entewatáhsawen né꞉ne tsi ionontahrón꞉nions ne Lebanon nothorè꞉ke nokwá꞉tis ienhénwe, tánon né꞉ne nà꞉kon nokwá꞉ti ne Euphrates kaniataratátie entewatáhsawen iénwahwe ne tsi iaʼtewatshénthos nokwá꞉ti ne Mediterranean kaniatarakheʼkó꞉wa.

Joshua 1:3

Tsi ki nihiró꞉ri ne Mahís, tkhonhiáwi ní꞉se tánon ratikwé꞉kon nakonhkweʼtashón꞉as kwáh ohontsakwé꞉kon tsi thóh niensewanenhrahsherón꞉ni.

Joshua 14:10

Ók nón꞉wa, Satkátho. Ó꞉nen kaié꞉ri-niwáhsen-wísk nihioserá꞉ke tsi náhe ne Roiá꞉ner thoró꞉ri ne Mahís. Thóh shikahá꞉wi ne Israerʼró꞉nons iahonwentsathèn꞉ke niehoné꞉non, tánon ne Roiá꞉ner, tsi ki nihorarátston, tonáhe sihakónhnetie. Tatkenhénhion! Shaʼté꞉kon-niwáhsen-wísk naʼtewakoserià꞉kon

Judges 1:20

Tsi kíʼ nihorihwíson ne Mahís, Ne Hebron Caleb nènhne ronhwáh꞉wi, tsi rahón꞉ʼa shakoʼhiatinekénʼen ne kanatowanénhke ne áhsen nihothitárake ne Anak.