Joshua 13:31 - Ohiatonhseratokénti

³¹ Thóh í꞉kare nasénhnon ne Gilead, ó꞉ni ne Ashtaroth ó꞉ni ne Edrei, né꞉ne kanathakweʼní꞉io ne kanatowá꞉nens ne Og kanakerahserá꞉kons ne Bashan nón꞉we. Akwé꞉kon kí꞉ken ne thonwanawí꞉hons ne asénhnon rahotiwá꞉tsires tsi nithonatwatsirí꞉non ne Machir ne roiénha ne Manasseh.

Joshua 13:31 ပူးပေါင်းရင်းမြစ်များ

1 Chronicles 6:71

Né kawátsires tsi ratiʼtáraiens ne Gershon né꞉ne tahonwanawíhon né kén iotséton kanatasónhas, ó꞉ni ne ionhontsaiéntons tsi konwatiʼteronhtákwas: Né꞉ne tsi kanakeraseráien né tsit-karakwínekens nòkwahti ne Manasseh: Golan, né Bashan nón꞉we, tánon ne Ashtaroth.

Psalms 60:7

Né Gilead Í꞉i nenhné꞉e akáwenk; Manasseh ó꞉ni; né Ephraim né nakanón꞉waʼrohre í꞉ken; né Judah né nakénia í꞉ken.

Joshua 12:4

Kwáh ó꞉ni wahonwasén꞉ni ne ronhnonhtí꞉io Og né꞉ne Bashan nón꞉we, rahonhà꞉a khók iatesothaténronhne ne rathikowá꞉nenskwe né꞉ne Rephaim; roʼkorásthonhne ne Ashtaroth nón꞉we tánon ne Edrei.

Joshua 13:12

Thóh í꞉kare ne rahonhnonhtihiótsera ne Og, né꞉ne iatesaonhà꞉a ne Rephaim, né꞉ne raónha thoniarotháronhne ne Ashtaroth ó꞉ni ne Edrei. Mahís kí꞉ken shakosénhnion ki onhkweshón꞉a tánon sakohiaʼtinekén꞉en.

Joshua 13:32

Thóh ki ní꞉ioht ne Mahís tsi tehonaríhtons nonhóntsas ne tsitʼkarahkwí꞉nekens nokwá꞉ti ne Jericho ó꞉ni ne Jordan nó꞉nen thóh shénreskwe ne iothonhontsakwaríhsons nón꞉we ne Moab.

Joshua 17:5

Ne ki aorì꞉wa ne Manasseh oieri nihiorihwà꞉ke sénha wé꞉so wahaié꞉na tsi ní꞉ioht ne Gilead ó꞉ni ne Bashan né꞉ne tsitkarahkwí꞉nekens nokwá꞉ti ne Jordan,

Joshua 17:6

tiorì꞉wa ne tionaʼthonwí꞉sen tsi nitionatwatsirí꞉nons ne ó꞉ni shá꞉ka ne rotiskenrakéhte tsi nitonatwatsirí꞉nons tonhwanawí꞉hon nonhóntsas. Ne tsi iohontsá꞉ien ne Gilead nón꞉we ne thonwaná꞉wi ne tsi nitotwatsirí꞉non ne Manasseh.

Joshua 9:10

Tánon tsi nishakoieráse ne teninonhtihioʼtserá꞉ke ne Amorʼró꞉nons né꞉ne ná꞉kon nokwá꞉ti ne Jordan: ne ronhnonhtí꞉io Sihon ne Heshbon ó꞉ni ne ronhnontí꞉io Og ne Bashan, ne raónha Ashtaroth nón꞉we nihanákereʼkwe.

Judges 10:6

Shé꞉kon kíʼ á꞉re nʼIsraerʼró꞉nons sahatirihwánerake tsi nòkwah ne Roiá꞉ner tsi konwatisénhnaiens ne Baal tánon ne Astartes, kwáh satehioiánere tsi ní꞉ioht tsi konhwatisénhnaiens ne Syria ahoniʼiohokónhas, ne Sidon, ne Moab, ne Ammon, ne Philistia. Wahonwatiathonhthákwahse ne Roiá꞉ner tanon wahóntkaʼwe tsi ronhwasénhnaiens.

Judges 5:17

Ne rahotitsiókwah ne Gad thóh wahontatíteron nákonh nokwáhti ne Jordan, tánon ne rahotitsiókwah ne Dan tsi konraróstha né kahonwehiakówas nónhwe nahonthatíteron. Né rahotitsiókwas ne Asher atsakʼthónhtse ne nónhwe nahonthatíteron; thóh ratiterónhthakwe natsakʼthóntse.

1 Samuel 12:10

Eʼthó꞉ne iathonséntʼtho rahonhá꞉ke ne Roiá꞉ner, tánon wahonhní꞉ron, ‘Ionkwarihwanerenhákskon, tsioríhwa tsi entsitewaʼtewenhthéton ne Roiá꞉ner, tánon ne waeʼthiʼió꞉tense ne Baal tánon ne Astartes; ók ó꞉nenh kiʼ saskwaniá꞉kenk ne rontsanákes ne ionkíswens, tánon í꞉se enskwaiótenʼse.’

1 Samuel 7:3

Eʼthóhʼne ne Samuel waʼsakawénhase kwáh tsi niaʼtekanonsákes NʼIsraerʼronónke, “Tó꞉ka thóh nionshesewenonhátie raʼhonháke ne Roiá꞉ner kwáh tisewerhiasáhaton, kwáh káti í꞉se iasewá꞉ti ne thiʼkaniʼioseráte í꞉ken ó꞉ni ne Astartes ne tsionhá꞉ke. Tesewatókenk ne sawé꞉ri raonháke ne Roiá꞉ner, tánon tsi sewaiótens rahón꞉ha khók kénhak, tánon rahón꞉ha kwáh entsetsisewaʼiatotarísi ne rontsaʼnákes ne Philistine.”