Joshua 13:30 - Ohiatonhseratokénti

³⁰ Ne rahotinakeráhseras iéhio ne Mahanaim tánon thóh í꞉kare akwé꞉kon ne Bashan—kanakerahserakwé꞉kon ne Og, né꞉ne ronhnonhtí꞉io ne Bashan, tánon ó꞉ni akwé꞉kon ne iá꞉iak-niwáhsen nikaná꞉takes ne Jair né꞉ne Bashan nón꞉we.

Joshua 13:30 ပူးပေါင်းရင်းမြစ်များ

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Numbers 21:33

Ethòne NʼIsraerʼró꞉nons thonshahontkaraténi tánon ne sahontʼthahítha ne Bashan nieiawénon, tánon ne Ronhnonhtí꞉io Og né Bashan nónhwe tahanenhríhnekenhwe ne rahonkwetashón꞉ʼas ronhterí꞉ios niashakotiatónhti ne Edrei nónhwe.

Deuteronomy 3:10

Akwé꞉kon niashakwá꞉kwa ne kanakerásheras ne ronhnonhtí꞉io Og ne Bashan nón꞉we: ne kanatakè꞉rons ne tsi tiotonhontsatón꞉nions nón꞉we, ne tsi iokwèn꞉rares ne Gilead ó꞉ni ne Bashan, kwáh tsi nió꞉re ne tsitkaraʼkwínekens nokwá꞉ti iotiéhton ne Salecah ó꞉ni ne Edrei.”

Deuteronomy 3:4

Tánon iahakwakonhtà꞉kwe wahakwaienásehron akwé꞉kons ne raonataʼshón꞉as—iáh nénska ne iáh tshiaionkwáhake. Noriwakwé꞉kon wahakwaié꞉na iá꞉iak niwáhsen nikaná꞉takes—kwáh tsi niwatenáskwa ne Argob, né꞉ne tsi nónhwe ne ronhnonhtí꞉io Og nihotkoráston.

Joshua 13:26

ne rahononhóntsa et tsioténhtion ne Heshbon né꞉ne Ramath Mizpeh nietiawé꞉non tánon ne Betonim, tsi naʼtetiawé꞉non ne Mahanaim tsi nió꞉re ne tkaristatátie ne Lodebar.

Joshua 13:29

Ne Mahís ostónhas teshakowí꞉hon nohóntsas ne rahotiwá꞉tsires ne shatehothitiohkwí꞉ien ne Manasseh nahonawenhkón꞉weke.

Joshua 17:6

tiorì꞉wa ne tionaʼthonwí꞉sen tsi nitionatwatsirí꞉nons ne ó꞉ni shá꞉ka ne rotiskenrakéhte tsi nitonatwatsirí꞉nons tonhwanawí꞉hon nonhóntsas. Ne tsi iohontsá꞉ien ne Gilead nón꞉we ne thonwaná꞉wi ne tsi nitotwatsirí꞉non ne Manasseh.

Joshua 21:38

Ne tsi ratiʼtá꞉raiens ne Gad kaié꞉ri nikaná꞉thakes wahatiienà꞉seron: né꞉ne Ramoth ne Gilead nón꞉we, thóh í꞉kare ne watenhenrowá꞉nen ne tsi konhwatiʼteronhtáhkwa ne rahotiʼtshé꞉nens (ne nénskat ne kanatowá꞉nens ne ronthasetáhkwakwe ne sohnateriwatewá꞉tons), né꞉ne Mahanaim,