Joshua 13:27 - Ohiatonhseratokénti

²⁷ Nahonráhkwakon ne Jordan nón꞉we thóh í꞉kare ne Beth Haram, Bethnimrah, Sukkoth, ó꞉ni ne Zaphon, ne iothaténrons ne rahononhtiiótsera ne ronhnonhtí꞉io Sihon né꞉ne Heshbon nón꞉we. Né꞉ne tsi ronateristatátie ne tsi iaʼtewatsénhtos nokwá꞉ti thóh kaniataratátie ne Jordan tsi nió꞉re ne othorè꞉ke ne tkaniátaro ne Galilee.

Joshua 13:27 ပူးပေါင်းရင်းမြစ်များ

Genesis 33:17

Ók ne Jacob Sukkoth ne nón꞉we niaháre, thoʼnónwe iahathatenonshion꞉nien, tánon wahsakoskwahérase ne tionhnónskwahrons; ne ká꞉ti aoríhwa ne nón꞉we ne konwanatónkwa Sukkoth.

1 Kings 7:46

Ne ronhnonhtí꞉io akwékon thóh nónhwe nihothenhnáhon nah ionhníhake ne tsi rathiwisthanahwenhthákwa ne Sukkoth tánon ne Zarethan nónhwe, né꞉ne Jordan ahonrakwáhkon.

Psalms 60:6

Rawenni꞉io rorahráts꞉ton thóh raoʼnonsatokentiʼkówaʼne: “Né꞉ne watsenhnonniatserowáʼnen tsi ní꞉ioht tsi thenkhekháshion ne Shechem, tánon enkatenientennion tsi iahonrá꞉kwahien ne Sukkoth.

Numbers 32:3

“Kí kénʼen iokwénhraʼre né tsi nishakosniénon ne Roiá꞉ner NʼIsraerʼró꞉nons nahontiénawasthe—né tsi kanátaiens ne Ataroth, Dibon, Jazer, Nimrah, Heshbon, Elealeh, Sibmah, Nebo, tánon ne Beon—tsi niʼiohontsí꞉io ne kontiʼtshénen aotiʼrihwáke, tánon tsi nihionatsiokowánen hionkwahnáskwahien.

Numbers 32:36

Beth Nimrah, tánon ne Beth Haran.

Numbers 34:11

Kwáh ethòne entiéne nienhénsewe tsi nióre ne Harbel, né꞉ne tsitkarakwínekens nokwáhti ne Ain, tánon tsi hionhnontarónnions nienhénsewe né꞉ne tsitʼkarakwínekens atsakʼtónhtie tsi kaniátaro ne Galilee,

Luke 5:1

ONEN are kentiokoȣanen ȣahonȣaiatorenne iontaonsatathe ne Niio raoȣenna, Genesareth kaniataraktatie shire.

Deuteronomy 3:17

Ne tsi iaʼtewatsénthos nokwá꞉ti iotohetsʼtákwen ne rahotinakerásehra ié꞉was ne Jordan Kaniataratátie, Tsi Kaniá꞉taro ne Galilee tiotá꞉shawen tsi nió꞉re ne othorè꞉ke nió꞉re niehiawé꞉non né꞉ne Dead Sea nentiè꞉ne nokwá꞉ti iotohetstákwen tánon ne tsi iaʼtewashì꞉taien ne tsi Ionónhte ne Pisgah né꞉ne nà꞉konh nokwá꞉ti iotohetstákwen.

Joshua 11:2

tánon ne ronhtinonhtí꞉ios ne tsi iononhtharón꞉nions kanakerahseraké꞉rons ne othorè꞉ke nokwahtíson, nahonráhkwakons ne Jordan nentiè꞉ne nokwá꞉ti ne tsi kaniátaro ne Galilee, ne tsi iohnonhthaientàhons, ó꞉ni ne atsakthónties ákta ne Dor.

Joshua 12:3

thóh nietsawè꞉non ne tsit kaniátaro ne Galilee ne nentiè꞉ne nokwá꞉ti ne Beth Jeshimoth (né꞉ne tsitkarahkwí꞉nekens nokwá꞉ti ne Dead Sea) tánon thóh nietsawè꞉non tsi Tionónthe Pisgah.

Joshua 13:26

ne rahononhóntsa et tsioténhtion ne Heshbon né꞉ne Ramath Mizpeh nietiawé꞉non tánon ne Betonim, tsi naʼtetiawé꞉non ne Mahanaim tsi nió꞉re ne tkaristatátie ne Lodebar.

Joshua 13:28

Ne kí꞉ken ne kanatowá꞉nen ó꞉ni ne kanataiéntons thonwanawíhon ne rahothiwá꞉tsires ne rahotitióhkwas ne Gad ne nahonawenhkón꞉weke.