Joshua 13:16 - Ohiatonhseratokénti

¹⁶ Ne rahotinakeráhsera iéhio ne Aroer (né꞉ne tsi ieiotʼthe ne Arnon ahonráhkwakon) tánon ne kwáh asénhnon nón꞉we nikaná꞉taien né꞉tho ahonráhkwakon ó꞉ni thóh í꞉kare akwé꞉kon ne ionhthonhontsakwahríhshion aktónhties ne Medeba.

Joshua 13:16 ပူးပေါင်းရင်းမြစ်များ

2 Samuel 24:5

Iathatiʼiá꞉iake ne Jordan kaniataratátsie thóh iahonthatoserotónhnion ne Aroer entiéne nòkwah ne Aroer tánon ne thóh kanatowanénhke ne kwáh asénhnon nón꞉we níken nahonrá꞉kwakon, tsi nieiawénon ne Gad ó꞉ni tsi nieiawénon ne Jazer.

1 Chronicles 19:7

Né áhsen-niwáhsenh-tékeni niʼwenniawehetsherásen nikaseréthakes notsiónkwahs ne ronatenhnahonhne tánon ne ronhterí꞉ios ne ronnontí꞉io raoʼtsiókwas né꞉ne Maacah nón꞉we nontahónhne tánon ákta ne Medeba nón꞉we nahonthatoseró꞉ten. Né Ammonró꞉nons ronónha ó꞉ni tahatiʼiakénhseron ne tsi kanatowanénhkes tánon wahontateweienénhtane nahonterí꞉io.

Isaiah 15:4

Heshbon tánon Elealeh nón꞉we watsiaʼkohénreʼte, iaʼtehatiʼwenhnaniháras kwáh tsi nió꞉re ne Jahaz; né káti aoríhwa ne ronterí꞉ios ne raotsió꞉kwa ne Moab wahotiʼhiatíshonkwe; ne raotónnhets wationwíshonkwe.

Numbers 21:26

Ne Heshbon né nènhne ne kanatakwení꞉iokwe thóh ranákere ne ronhnonhtí꞉io Sihon, né nènhne ronateriʼióhon ne thonhnonhtí꞉iokwe ne Moab tánon akwékon rotieronhkwe ne rahontsakénhʼen kwáh tsi nióre ne Arnon Kaniataratátie.

Deuteronomy 3:12

“Nó꞉nen sahakwaʼtié꞉nawatste nonhóntsa, né꞉ne Reuben tánon ne Gad nahotiʼtaró꞉tens takhé꞉ion né꞉ne kanakerá꞉sehra nothorè꞉ke nokwá꞉ti tsi kaná꞉taien ne Aroer ákta ne Arnon Kaniataratátie tánon iowénhte ne tsi ionónhte ne Gilead, tshiewakwé꞉kon ne kanataʼsónhas.

Joshua 12:2

Saiáta né꞉ne Sihon, né꞉ne Amorʼró꞉nons ronhnontí꞉io né꞉ne Heshbon nón꞉we nihotkorastónhne. Ne rahonakeráhsera thóh kárakwe asénhnon ne Gilead: iéhio ne Aroer (né꞉ne tsi ieiò꞉the ne Arnon ahonráhkwakon) tánon thóh nitsawé꞉non ne kanatowá꞉nen kanathaiénthakwe nasénhnon nón꞉we kén꞉ne né꞉tho ahonráhkwakon, kwáh tsi nió꞉re ne Jabbok kaniataratátie, tsi ieiotʼte ne Ammon;

Joshua 13:15

Ne Mahís ostónha shakahontsá꞉wi ne kahwá꞉tsires ne rahotitióhkwas ne Reuben nahonawenhkhón꞉weke.

Joshua 13:17

Iekakwékthon ne Heshbon tánon akwé꞉kon ne kanatowá꞉nens ne tsi nonhwésons ne iontonhontsakwahríhshions: né꞉ne Dibon, Bamoth, Baal, Beth Baalmeon,

Joshua 13:9

Ne rahotinakeráhsera ióhio ne Aroer (né꞉ne tsi iehiotʼthe ne Arnon Ahonráhkwakon) tánon kwáh asénhnon nón꞉we nikaná꞉taien ne kanatowá꞉nen ne thóh ahonráhkwakon tánon thóh í꞉wa akwé꞉kon ne iotonhontsakwaríhshions ne tsi nitiawé꞉non ne Medeba nón꞉we tsi nió꞉re ne Dibon.

Joshua 14:3

Ne Mahís ó꞉nenk nénhne teshakowí꞉hon nonhóntsas ne tehotitióhkwakes tsiatesewasénhnon ne tsitʼkarahkwí꞉nekens nokwá꞉ti ne Jordan. (Ne tsi nitotwatsiríhnon ne Só꞉se tehothinenratʼkháshion tekentióhkwake iehonathónhon: né꞉ne Manasseh tánon ne Ephraim.) Ethosà꞉ne, ne Mahís iáh nénhʼne thén꞉en theteshakó꞉wi ne Levites nasakorakwén꞉ni ne kanakeráhsera. Khé꞉kok, ne wahatiié꞉na ne tsi kanatowá꞉nens nón꞉we nahathiʼterón꞉take, tánon ó꞉ni ne kahenthá꞉kes ne nénhne ne rahotiʼtshenenhó꞉kons akonwatiʼteronhthákwake.

Joshua 18:7

Ne Levites, ethosà꞉ne, iáh nénhne thé꞉nen thatehonathénhtion nahathiienà꞉seron nonhóntsas tsi ní꞉ioht ne sewatiákes, tiorì꞉wa né꞉ne tehonathéntion nahonwahiò꞉tenhse ne Roiá꞉ner tsi rotikhá꞉res akénhake. Tánon ki ó꞉ni, ne rahotitióhkwas ne Gad, Reuben, tánon ne tsitkarahkwí꞉nekens nokwá꞉ti ne Manasseh ó꞉nenk nénhne rothiienà꞉serons tsi naʼtehonathèn꞉tsons né꞉ne tsitkarahkwí꞉nekens nokwá꞉ti ne Jordan, né꞉ne Mahís, né Roiá꞉ner rahonhátshera, teshakowí꞉hon.”

Judges 11:26

Asèken áhsenh tewenhniáwe nihiosehráke nʼIsraerʼró꞉nons ronatsenawásthonhne ne Heshbon tánon ne Aroer, tánon ne akthatsesónhas kanataiénthonhkwe, tánon ne atsiatʼthontse ne Arnon Kaniatarathátse. Onhnonhtséren tsi iáh nonhwénhton tsietsisáha ónhwak ónenh?

1 Samuel 30:28

thóh nón꞉we Aroer, thóh nón꞉we Siphmoth, thóh nón꞉we Eshtemoa,