Joshua 12:5 - Ohiatonhseratokénti

⁵ Ne rahonhnontiiótshera thóh í꞉kare ne tsi Ionónhte Hermon, Salecah, ó꞉ni ne Bashan kwáh tsi nió꞉re ne tsitkaristhatátie ne Geshur, tánon ne Maacah, kwáh ó꞉ni asénhnon ne Gilead, tsi nió꞉re ne tsi thóh nakerahserá꞉ien ne ronhnonhtí꞉io Sihon né꞉ne Heshbon nón꞉we.

Joshua 12:5 ပူးပေါင်းရင်းမြစ်များ

2 Samuel 13:37

Ók ne Absalom rotèkwen, tánon tsi thénteron ne Talmai niahá꞉re ne ne roién꞉ha ne Ammihud, ne ronnontí꞉io ne Geshur nón꞉we. Ne Táwit wahotsiónhnionhse ne roiénha tsi niwenhniseraʼténion.

2 Samuel 15:8

Asèken i꞉i waʼkararátston tsi náhe thóh nón꞉we tkenákerehkwe Geshur thóh nón꞉we Aramke: Tó꞉ka ne Roiá꞉ner kwáh oriwiʼiohónwe ienshatiaténhawe Jerusalemke, ehʼthóhʼne kíʼ kwáh enhisénhnaien ne Roiá꞉ner thóh nón꞉we Hebron.”

2 Samuel 23:34

Ne Eliphelet ne roiénha ne Maacah; Eliam ne roiénha ne Ahithophel ne ne Giloró꞉non;

2 Samuel 3:3

ne tekeníhaton roién꞉ha ne ne Chileab, Abigail ne ronisténha, ne ne Nabal rotiniá꞉konhne, Carmel nón꞉we nitsiawénon; nasén꞉haton, roién꞉ha ne ne Absalom, Maacah ronisténha, ne sakoién꞉ha ne Ronnontí꞉io Talmai ne Geshur nón꞉we;

2 Kings 25:23

Nó꞉nen ne Judahró꞉non ratisennowánens tánon ne ronterí꞉ios tsi nihá꞉ti ne iáh tehonaʼnentsakwahríhshion wahatirihwáronhke kí꞉ken, Gedaliah wahonwatsiáʼtarahse né Mizpah nón꞉we. Kí꞉ken ratisennówanenskwe thó raiá꞉tare ne Ishmael né꞉ne roienkénʼen ne Nethaniah, ne Johanan né꞉ne roienkénʼen ne Kareah, ne Seraiah né꞉ne roienkénʼen ne Tanhumeth né꞉ne tsi kanatowanénhke ne Netophah raná꞉kerekwe, tánon ne Jezaniah né꞉ne tsi kanatowanénke ne Maacah nón꞉we nihanákerekwe.

1 Chronicles 5:11

Ne tsi ratiʼtsiókwahien ne Gad othorèhke nòkwahti ratinákerehkwe tsi iohontsáien ne Reuben né꞉ne Bashan raononhontsáke kwáh tsi niió꞉re ne tsist-karakwínekens nòkwahti ne Salecah.

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Deuteronomy 3:14

Ne Jair, né꞉ne Manasseh nahoʼtaró꞉ten, kwáh ohontsakwé꞉kon wahatié꞉nawatste ne Argob, né꞉ne, Bashan nónhwe, kwáh tsi nió꞉re tsit karistatátie ne Geshur ó꞉ni ne Maacah. Ne tsi nihosenhnò꞉ten né wahanà꞉tonkwe ne tsi kanataién꞉tons, tánon shé꞉kon ne konwatisenhnaienté꞉ris tsi kanataién꞉tons ne Jair.)

Joshua 11:3

Tánon ó꞉ni iashakoteriwaniéten ne Canaanites né꞉ne tetsarónhkwen nokwá꞉ti ne Jordan, ó꞉ni ne Amorʼró꞉nons, ne Hitró꞉nons, ne Perizró꞉nons, ó꞉ni ne Jebusites ne tsi ionhnontharón꞉nions kanakerahseraké꞉rons, ó꞉ni ne Hivró꞉nons né꞉ne tsi iononhthaienthàhon ratinákere ne tsi ionhnónte Hermon né꞉ne tsi wathonwenhtsá꞉ien ne Mizpah.

Joshua 12:1

Nonhkweshón꞉as Nisraerʼró꞉nonhke ó꞉nenk rotiienàhon ó꞉ni ronatiaʼthakweniióston nonhóntsa ne tsitkarahkwí꞉nekens nokwá꞉ti ne Jordan, tsi nió꞉re ne Arnon ahonráhkwakon tsi nieiawé꞉non ne Jordan ahonráhkwakon tánon tsi nió꞉re nothorè꞉ke tionónhte Hermon. Tekanontiiotsérake wahonwatisén꞉ni ne nón꞉we.

Joshua 13:11

Thóh í꞉wa ne Gilead, ne tsi kanakerahserá꞉iens ne Geshur tánon ne Maacah, akwé꞉kon ne tsi ionónhthe ne Hermon, tánon atenathakwé꞉kon ne Bashan kwáh tsi nió꞉re ne Salecah.

1 Samuel 27:8

Nón꞉wa ne Táwit tánon ne raonkwetashón꞉ʼahs iahónhne tánon ne wahonhnón꞉niate nahonwatiʼnenhrénhten ne Geshurites, ó꞉ne ne Girzites, tánon ne Amalekró꞉nons, asèken ronónha khók kí꞉ken ne thók tihonanataién꞉takwe tsi nieiáwe nónhne Shur tánon kwáh tsi nió꞉re ne tsi tiohontsá꞉ien ne Egypt, ne ne Telam nitonénon.