Joshua 11:3 - Ohiatonhseratokénti

³ Tánon ó꞉ni iashakoteriwaniéten ne Canaanites né꞉ne tetsarónhkwen nokwá꞉ti ne Jordan, ó꞉ni ne Amorʼró꞉nons, ne Hitró꞉nons, ne Perizró꞉nons, ó꞉ni ne Jebusites ne tsi ionhnontharón꞉nions kanakerahseraké꞉rons, ó꞉ni ne Hivró꞉nons né꞉ne tsi iononhthaienthàhon ratinákere ne tsi ionhnónte Hermon né꞉ne tsi wathonwenhtsá꞉ien ne Mizpah.

Joshua 11:3 ပူးပေါင်းရင်းမြစ်များ

Genesis 31:49

tánon ne kanáwaʼahte Mizpah, aseʼkénh wahén꞉ron, “Ne Roiá꞉ner ahatenʼnikón꞉raren tsi naʼtetiátere ní꞉se tánon ní꞉ʼi, ne nó꞉nen iáh skátne téteneʼs.

2 Samuel 24:16

Ók nó꞉nenh neraronhiakeró꞉non wathanéntseste iathatókente Jerusalem nahá꞉tonhte, ne Roiá꞉ner tonsahotiriwathénien ne tó꞉sa sénha ishiʼnónwe nahiontatréwate, tánon wahawénhase ne raronhiakeró꞉non tsi rahón꞉ha tahaháwine ne atkaronhniátsera rononháke nonkwé꞉okon, “Kwáh totʼnikónhak; thontashatsanónhnek.” Ne raronhiakeró꞉non ó꞉nenh thóh shières tsi tsetethákwas tkaswenhkarakwenhtaron ne Araunah ne Jebusite nónwe.

2 Samuel 24:7

tánon iahónhnewe tsi tewatenhénraien osténra ne Tyre tánon akwé꞉kon tsi kanatatowanénhkes ne Hivró꞉nons ó꞉ni ne Canaanronón꞉ke; tánon thóh nionsahón꞉ne Negeb ne ne Judah thóh nón꞉we Beer-sheba.

1 Kings 15:22

Ethòne ne Ronhnontí꞉io Asa iahaterihwánieʼthe tsikʼnonhwéson ne Judah ratikwékon sakorihwanontónhnis, né kwáh tsikhón꞉ka akénhake, nahiontsniénon né꞉ren ahonsahatiháwiʼte ne Ramah nonenhiasónhas ó꞉ni nonkonhré꞉tsas nètho Baasha róston tsi rothenhenronhniánions. Kí꞉ken okonré꞉tsas ne Asa né wárasthe tsi wahathenhenrónhni tsi wathanathánake ne Mizpah tánon ne Geba, né꞉ne kanatowanénhkes ne tsi kanakeraseráien ne Benjamin.

1 Kings 9:20

Né thitesakononhtónhni nahothihióten ne Solomon ne washakohióthenste tsi nitonatwatsiríhnon nonhkweshón꞉as ne Canaanró꞉nons né꞉ne ronónha Nisraerʼró꞉nons iáh teshakotinonhwarhiákon nó꞉nenh sahonwenhnonhontsákwah. Né kí꞉ken tsi niháti nétho rahtihiátare Amorʼró꞉nons, Hitró꞉nons, Perizró꞉nons, Hivró꞉nons, tánon ne Jebusró꞉nons, nètho tsi nithonatwatsiríhnon iehiokonhtákwen tsi ratináskwah íken shé꞉kon nónhwa nikaháwis.

Psalms 133:3

Kwáh né꞉ne tsi hioáweien tsi ionónte ne Hermon, thóh iehiosénhen tsi ionhniáhere ne Zion. Asèken thóh nón꞉we ne Roiá꞉ner nihorihwaniráton ne raoiatateríhtsera, ne natónnets ne ionhnehónwe.

Psalms 89:12

Í꞉se sarihwaʼkanonhníhon tsi nihioterihwaʼtséren notoré꞉ke tánon nenhtié꞉neʼ né Tabor tánon ne Hermon atʼtsenhnonhniaʼtsherákon tsi tetsiatenonhweráton ne sasénhna.

Song of Songs 4:8

Káts titiaterósen Lebanon nentí꞉teʼne, aktsikéta, Káts titiaterósen Lebanon nentí꞉teʼne. Enteshanonhtátsnenhte ne ononhtakenʼiáte ne Amana óni nonohtakénʼiate ne Senir ó꞉ni ne Hermon, nentèse tsi tionatʼtiónwaien ne kénreks óni nenhtèse tsitʼkontorisentákwa ne iotirakwahrónhnions tàkos.

Jeremiah 40:10

Nahkonhatsíwah Mizpah nónhwe nenhkiterónhthaʼke tánon enkonhiathatsiaséhake nónenh ne Babyloniaró꞉nons kénh nenhʼthónʼne. Ók enwáhthonʼkiʼ nasehróh꞉rohke ne kahiksónha ó꞉ni ne iaʼkenhiewáhtha kénhie, ó꞉ni notsítsa, tánon kanathakónhson tsiʼterónhtak tsi nónhwah nónhwe nishíteron.”

Jeremiah 40:6

Gedaliah tsi thóh nonhshó꞉te nónhwe iakáhtien ne ne Mizpah nónhwe tánon shaʼkhehiarískhoʼte nonhkweshón꞉a tsi nikáien ne iaʼtehonahthaténron né ionhwénhtsiaien.

Jeremiah 41:14

tánon wahthontkarahténi tánon iathonwahnahráhthaʼte.

Jeremiah 41:3

Ne Ishmael kwáh ó꞉ni rathikwékon ne Israerʼró꞉nons wahshakononhwahrhiakónnion tsi niháti rathikwekónhne ne Gedaliah ne ne Mizpah nónhwe ó꞉ni ne Babyloniaró꞉nons ronterí꞉ios ne thahiothohkéntahʼne thóh rónhnesʼkwe.

Numbers 13:29

Ne Amalekró꞉nons entiéne né nokwáhti iotohetstákwen nónwe nihatinákere; ne Hitró꞉nons, Jebusites, tánon ne Amorʼró꞉nons tsi iononhtarónhnion né tsi kanakeraseráien né nónhwe nihatinákeres; tánon ne Canaanites ákta nènhne ne Mediterranean Kaniatarakhekówa nónhwe nihatinákere tánon aktóntie ne Jordan kaniataratátie.”

Deuteronomy 4:48

Kí꞉ken ohóntsa iéhio tsi nió꞉re ne tsit kaná꞉taien ne Aroer, ne tsi iéhio ne Arnon kaniataratátie, kwáh tsi nió꞉re ne othorè꞉ke tsi tionón꞉te ne Sirion, né꞉tho né꞉ne, tsi ionón꞉te ne Hermon.

Deuteronomy 7:1

“Ne Roiá꞉ner saNí꞉io akwáh ieniahiaʼténhawe ne tsi tiohontsá꞉ien nakwáh ienshatiaʼtakweʼní꞉ioste, tánon kwáh iakotiohkowá꞉nen enshakohiaʼtínekenhwe ne nón꞉we. Tsi neinhénsewe, tsáta nihononhontsá꞉kes enshakohiaʼtínekenhwe ronatiohkowá꞉nen ó꞉ni sénha ratiʼshátstes tsi ní꞉se ní꞉ioht: né꞉ne Hitró꞉nons, ne Girgashró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, tánon ne Jebusites.

Joshua 11:17

Ne tsi kanakerahserá꞉ien thóh tsioténtion ne tsi Ionónhte ne Halak ne nenhtiè꞉ne ákta ne Edom, tsi nió꞉re ne Baalgad ne othorè꞉ke nokwá꞉ti, nahonráhkwakon ne Lebanon ne nenhtiè꞉ne nokwá꞉ti ne tsi Ionónhte ne Hermon. Ne Joshua né꞉ne karí꞉wes ronaterí꞉iokwe ne ronhnontí꞉io ne tsi kanakerahserá꞉ien, ók ratikwé꞉kon washakoié꞉na tánon washakononwarià꞉kon.

Joshua 11:8

Ne Roiá꞉ner thasaká꞉wen natesehniéntshera Nisraerʼró꞉nons tsi wahonwatishén꞉ni ne tehontaʼtsons; Nisraerʼró꞉nons iahonwanatiaʼtón꞉ti tánon sahonwatisehréson tsi nió꞉re ne othorè꞉ke nokwá꞉ti ne Misrephoth Maim tánon ne Sidon, tánon tsi nió꞉re ne nà꞉kon nokwá꞉ti nahonráhkwakon ne Mizpah. Nateriiósera iahontkónhthakwe tsi nió꞉re ne iáh ónhka tesrónhnhekwe ne tehontaʼtsons.

Joshua 13:11

Thóh í꞉wa ne Gilead, ne tsi kanakerahserá꞉iens ne Geshur tánon ne Maacah, akwé꞉kon ne tsi ionónhthe ne Hermon, tánon atenathakwé꞉kon ne Bashan kwáh tsi nió꞉re ne Salecah.

Joshua 13:5

ne rahononhontsà꞉ke ne Gebalró꞉nons; ohontsakwé꞉kon ne Lebanon né꞉ne tsitkarahkwí꞉nekens nokwá꞉ti, tánon ne Baalgad nitiawé꞉non, né꞉ne entiè꞉ne nokwá꞉ti ne tsi Ionónhte ne Hermon, tsi nió꞉re ne Hamath Iehiotohétston.

Joshua 15:38

Dilean, Mizpah, Joktheel,

Joshua 15:63

Ók kí꞉ken nonhkweshón꞉as ne Judah nón꞉we iáh tehothikwé꞉nion nashakotihiaʼtinekén꞉en ne Jebusites, ne Jerusalem nón꞉we nihatiʼterónhthakwe. Ne Jebusites shé꞉kon thóh ratì꞉teron skátke nonhkweshón꞉as ne Judah nón꞉we.

Joshua 18:26

Mizpah, Chephirah, Mozah,

Joshua 3:10

Tsi iensewahténhti, kwáh oriwihiohón꞉we tsi enshakotekwáhthe ne Canaanites, ne Hitró꞉nons, ne Hivró꞉nons, ne Perizró꞉nons, ne Girgashró꞉nons, ne Amorʼró꞉nons, ó꞉ni ne Jebusites. Kwáh ki ensewaterienʼtará꞉ne ne ronhnhehón꞉we Ní꞉io tsi kén꞉en í꞉res tewahiataʼtónhtie

Judges 20:1

Onhkwetaʼkwékon Nisraerró꞉nonhke né꞉ne Dan thontásawen tsi nióre né othoréke nòkwahti ne Beersheba niaháhe thó꞉ne enhtiéne nòkwahti nonhsáwe, kwáh ó꞉ni thóh nihioiánere ne tsi ionhontsáien ne Gilead né꞉ne ná꞉kon nòkwahti, wathatirihwásnieʼne. Énskak khók tsi nónhwe nahonteróhroʼke né rahohénton ne Roiá꞉ner né꞉ne Mizpah nónhwe.

Judges 21:5

Wahatirihwanónhton, “Ónhka kén tsi nihothitsiókwah ne Israerró꞉nonhke né iáh tsehonénon sonsahiakwahtsénhaien rahohénton ne Roiá꞉ner ne Mizpah nónhwe?” (Kwáh í꞉ken tsi iorihwaníron tsi ní꞉ioht tsi ronararátsʼton nónhka ne iáh tsáien ne Mizpah tsi enhionhthatenonhwariákon.)

Judges 21:8

Né sahatirihwanónhton tó꞉ka kén ónhkak tsi nihá꞉ti kentsiókwahiens Nisraerró꞉nonke iáh tsahoné꞉nonke shonsahatiʼtiénhaien ne Mizpah nónhwe, wahatirihwatʼtsénhri tsi iáh ónhka tetsawénon ne Jabesh né Gilead nónhwe;

Judges 3:3

Tsi niká꞉ien ne iatehonathaténhrons ne tsi ionhwenhtsáien né꞉ne wísk nihotinátakes ne Philistiaró꞉nons, ratikwékon ne Canaanró꞉nons, ne Sidonró꞉nons, tánon ne Hivró꞉nons né꞉ne tsi iononhténions ne Lebanon nónhwe nihatinákeres thóh tsotásaʼwe ne tsi ionónhte ne Baal Hermon tsi nióre ne Hamath Pass.

Judges 3:5

Tánon kíʼ nonhkweshón꞉as Nisraerró꞉nonke thóh wahontenáthaien tsi ratinákere ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusró꞉nons.

1 Samuel 10:17

Samuel iasakonónkʼkon nonkweʼókons skátʼne ahón꞉ton ne ne kariwiʼiostónhtsera tsi ahonhnitioʼkwarórohke ne Mizpah nón꞉we.