Joshua 11:20 - Ohiatonhseratokénti

²⁰ Ne Roiá꞉ner iasakoʼnikonhrakónhthakwe nahonterí꞉io Nisraerʼró꞉nons, ne káti nahonwatiré꞉waʼthe né꞉ne kwáh tokén꞉en ahonwatikarón꞉ni tánon ratikwé꞉kon enhonwatinonhwarià꞉kon né꞉ne iáh othé꞉nen teká꞉ien nataniténron. Thóh ki ní꞉ioht ne Roiá꞉ner tsi rohró꞉ri ne Mahís.

Joshua 11:20 ပူးပေါင်းရင်းမြစ်များ

2 Samuel 17:14

Ne Absalom tánon ratikwé꞉kon ne ronnónkwe NIsraerʼronónke wahonhní꞉ron, “Tsi nahatenikonráieste ne Hushai ne Archró꞉non sénha ioiá꞉nere tsi ní꞉iot ne Ahithophel.” Asèken ne Roiá꞉ner roriwahniráton neh tó꞉sa ne hahatísehre ne ioiá꞉nere tsi nihothenikonráwi ne Ahithophel, káti ne nètho Roiá꞉ner nontsiérent neh enhohérase nahokarónhni Absalom.

1 Kings 12:15

Kwáh꞉se Roiá꞉ner thóh nihonikonhróthenhne nahontaháhaʼwe tsi nahó꞉tenh rotharáni ne rotokenséhakwe Ahijah né Jeroboam né roʼníha né꞉ne Nebat né꞉ne Shiloh nónhwe thanakeré꞉kwe. Né kíʼ aoríhwa ne ronhnontí꞉io iáh othèhnen karíhwa teshakahónhni nonhkweshón꞉as.

2 Chronicles 22:7

Né Rawenni꞉io né kí꞉ken wárasthe tsi iahothórih ne Joram nahanahthára né akarihónhni ne Ahaziah tsi ahonhtahahiáthenhne. Tsi kíʼ nikaríhweskwe ne Ahaziah thóh í꞉reskwe, rahónha tánon ne Joram wathontátʼken ne rónhkwe Jehu ronhwáiasts né꞉ne roienhkénʼen ne Nimshi, né꞉ne rahónha ne Roiá꞉ner roiataráhkwen nashakóthonhte ne Ahab raowátsire.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Exodus 10:1

Ethòne ne Roiá꞉ner wahawénhase ne Mahís, “Wáhs tsiatʼkenséhra ne ronhnonhtí꞉io. Khehionhniénhni ne rahónʼa ó꞉ni ne rahoʼnhaʼtsherashónʼa nahontenonhtsisʼthanírate, né nahónton nahkateriwahténhʼtsiaʼte ne ioriwanerahkwahʼténions tsi nahtehóntere

Exodus 11:10

Ne Mahís ó꞉ni ne Aaron wahiateriwaʼténtiaʼthe kí꞉ken ioriwanerakwahténion rahohénton ne ronhnonhtí꞉io, ók kíʼ ne Roiá꞉ner wahoʼnontsistanírahʼte, tánon iáh kíʼ tesakoriwáhʼwi ne lsrearó꞉nons nahotiʼhiakénʼen ne rahonakerasehrákon.

Exodus 14:17

Thóh nióre tsi enʼkhenontsisʼtanírahʼte ne Egyptró꞉nons kwáh thóh nienhónhne nahonwatísehʼre, tánon ne tenkathéntsa ne kaʼkweniensʼtátshera tsi enhiʼsènhni ne ronhnonhtí꞉io, ó꞉ni ne rahonkwetashón꞉ʼas ronhterí꞉ios, ó꞉ni ne rahosehreʼshón꞉ʼas ne konhterí꞉ios otsiónkwas, ó꞉ni ne rahonkweʼtashón꞉ʼas ne sakonató꞉res ne koshá꞉tens.

Exodus 14:4

Kwáh enhinonhtsisʼthanírahʼte, tánon kwáh enhiaʼsehréson, tánon nahkateʼsenhʼniétshera tsi nʼòkwah ne ronhnonhtí꞉io ó꞉ni ne rahoʼtiókwah ne ronhterí꞉ios entewakʼkhawíten ne kaʼkweniensʼthátshera. Ethòne ne Egyptró꞉nons enhoʼnahteriéntarahne tsi Í꞉i ne Watiá꞉ner.” Ne lsraerʼró꞉nons kwáh et nahaʼtí꞉hiere tsi nihonwatiró꞉ri.

Exodus 14:8

Ne Roiá꞉ner wahoʼnontsisʼthaní꞉raʼte ne ronhnonhtí꞉io, tánon waʼsakosehréson ne lsraerʼró꞉nons, tsi roʼnahtentionhátie roʼnatkonhsaniráhton

Exodus 4:21

Shé꞉kon ne Roiá꞉ner sahaʼwénhaʼse ne Mahís, “Káti tsi ó꞉nen Egypt nionʼsehsenonhátie, ioriwíhiok thóh nátsier raohénton ne Ronhnonhtíio oriwahkwékon ne ioriwahʼnerahkwaténion tsi nitʼkonhiáwi ne kashatsʼténsera tsi ehʼnénshiehre. Ók kíʼ enhiʼierhiaʼsaní꞉rahte ne Ronhnonhtí꞉io, tánon iáh tahaʼthóntate nahsakótkaʼwe nonhkweshón꞉ʼa.

Exodus 9:12

Ók kíʼne Roiá꞉ner rahonhniénni ne ronhnonhtí꞉io nahonhʼnontsistaʼníronhʼke tánon, kwáh kíʼ thóh niháwenh ne Roiá꞉ner, ne ronhnonhtí꞉io iáh kíʼ tasakotahonsatá꞉te ne Mahís ó꞉ni ne Aaron.

Exodus 9:16

Ók né kíʼ nakènesthe nakeshastsʼténsera waʼkonhríhon nahshón꞉nheke né káti nahónton tahonré꞉ni tsi nihiohóntsa tsi niksenhnowáhnen.

Isaiah 14:24

Né Sakoiá꞉ner ne ronterí꞉ios ratironhiakeró꞉nons kwáh roʼrihwaniráton: Kwáh tsi niʼwahtieronhnítsʼton, kwáh kí thóh nenhiáwenhne; tánon tsi niwahkanonhtonʼniónhon, káti kwáh kí enwahtóhetste:

Isaiah 34:2

Asèken ne Roiá꞉ner tsi wahotenakwahwénhratʼtse kwáh ratikwékon wahotíraʼne niaʼkahontsakeró꞉nons, tánon tsi nathaterhiatítkon ratiʼkwékon tontashaʼkókwekte tsi nihotiʼtsiókwahs; wasakoríwenhte, wasahkotsakwahrísi nahonwatiʼnonwarhiá꞉kon.

Romans 9:18

Nekáti, tòhka ne Rawenni꞉io enhaskáneke naréneste nónkak asakótenre, ehnihaiéra, tánon tòhka enhaskáneke nónkak aiontenikonrátsate, ehnihaiéra.

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

Judges 14:4

Né ronhwaiénha iáh tehonateriénhtarakwe tsi Roiá꞉ner seh roʼshárihne ne Samson né naháiere, asèken ne Roiá꞉ner raʼtesenhnanónhwaskwe nahonterí꞉io ne Philistiaró꞉nons. Eh shiʼkaháwiskwe ne Philistiaró꞉nons ronónha ronatkorásthonhte ne Israerró꞉nonhke.

1 Samuel 2:25

Tó꞉ka ónkak aiontateriwánerakse naʼkó꞉ren, Ní꞉io enhakwéni nenhteshá꞉kone tsi niká꞉ien waʼtionterenhtáwenhreh; ók ónka aiekwé꞉ni nahontaʼiontáteʼne nón꞉kak aieriwáneraʼke tsi nó꞉kwah ne Roiá꞉ner?” Ók iáh teiakotahonsatháton ne raowenhnaókons ne ronwaníha; asèken thóh nihotenikonrón꞉ni ne Roiá꞉ner naʼsakononwarhiá꞉khon.