Joshua 10:41 - Ohiatonhseratokénti

⁴¹ Ne Joshua tsi wahatoriáneron tsi tahaténhti ne Kadesh Barnea nón꞉we né꞉ne tsi iaʼtewatshéntos nokwá꞉ti ne Gaza né꞉ne kaniataraktónhtie, eʼthí꞉kare tsi niwatenáskwa ne Goshen, tánon tsi nió꞉re ne othrè꞉ke nokwá꞉ti ne Gibeon.

Joshua 10:41 ပူးပေါင်းရင်းမြစ်များ

Genesis 10:19

Tánon tsi nihotinakeráhsera ne Canaanites Sidon nón꞉we tiotáhsawe, eʼthó꞉ne Gerar nonkwá꞉ti nietsawé꞉non, ié꞉io tsi niió꞉re ne Gaza, eʼthó꞉ne Sodom nonkwá꞉ti nietsawé꞉non, tánon ne Gomorrah, Admah, tánon ne Zeboiim kwáh tsi niió꞉re ne Lasha.

1 Kings 3:5

Né sihiokarasné꞉ha ne Roiá꞉ner atetʼtsenhserákon tsi wahothotháshiaʼse tánon wahorihwanónhtonhse, “Ónh nahó꞉ten tesathonhontsóni ní꞉i akónhion?”

Zechariah 9:5

Ne kanahtowanénhke ne Ashkelon enhontʼkatokí꞉ken tánon enhothiʼterónhne. Ne kanahtowanénhke ne Gaza enhontʼkátho tánon karonhiakenhserowá꞉nen enhathironhiá꞉ken tsi ní꞉ioht ne iónkwe hiowirahientáhsere. Ne nónhne sáhka ne Ekron, tánon ne ahorharáhtshera tenwaʼthó꞉ko. Ne Gaza enhiononhtihiotsherón꞉ti, ók ne Ashkelon kwáh ne onhatóskon enkénhake.

Numbers 13:26

tsít꞉nes ne Mahís tánon ne Aaron, ó꞉ni kanakerasehrakwékon ne Israerʼronónke né꞉ne Kadesh nónhwe né karakonhkówa íken ne Paran nónhwe. Shaʼhontʼróri tsi nahó꞉ten wahontkátho tánon washaʼkotinatónhase ne káhiks ne thotíha.

Numbers 32:8

Né꞉ne kwáh et nihotiʼiéren ne ietsinihokonhkénʼens nónen ne Kadesh Barnea nónhwe thaʼkhehiaténiete nahonthonhontsatʼkénhsera.

Numbers 34:4

Ethóne entiène nienhtsiotsierátonke tsi nienhénwe ne Akrabbim Pass tánon ienkakónhthakwe tsi nieiawénon ne Zin kwáh tsi nióre nenhtiéne ne Kadesh Barnea. Ethóne othoréke nienhénsewe né tsi iatewatʼsénhthos nokwáhti ne Hazar Addar tánon ethòne Azmon nókwah nienhénsewe,

Acts 8:26

Ne Roiá꞉ner rahoronhiakerónon wahawénhase ne Philip, “Satateweienʼnéntan tánon entié꞉ne niaháse nehne wahohatátie tsi nitsawénon ne Jerusalem tánon ne Gaza nieʼiawénon.”

Deuteronomy 1:19

“Kwáh tonahakwá꞉hiere tsi ki nahó꞉ten shonkwahró꞉ri ne Roiá꞉ner Onhkwaní꞉io. Tahiakwaʼténhti ne tsi tionónhte ne Sinai tánon thóh niahákwe ne tehiotenonhianì꞉ton ó꞉ni ioʼteronhkó꞉wa iahonwenhtià꞉tenhke ne tsi nieiothahí꞉non ne tsi tionontahrón꞉nions ne Amorʼró꞉nons raotinakerahserá꞉kon. Shahá꞉kwawe ne Kadeshke Barnea,

Deuteronomy 2:23

Nohóntsas ne ió꞉seron ne Mediterranean atiaʼthónties thóh nónhwe nihonatenaʼtón꞉ni nonhkweʼshón꞉ʼas ne Crete nithoné꞉non. Ronónha ronwanaʼthónton ne Avvim, né꞉ne thatinakerehónwekwe, tánon akwé꞉kon ronatienawáston ne raononhóntsas kwáh tsi nió꞉re nentiè꞉ne nokwáhti iotohesthákwen ne tsi kanatowá꞉nen Gaza.)

Deuteronomy 9:23

Tánon nó꞉nen ne Roiá꞉ner thatsisewaiaʼtínekenhwe ne Kadesh Barnea tsi watsisewahró꞉ri thóh niahí꞉sewe niahisewatiaʼtakweʼní꞉ioste ne tiohontsá꞉ien ne tsi sewawì꞉re, iáh tetsisewawenhnaráhkwen; iáh tetetsisewethákwen iáh ó꞉ni tetsisewawenhnaráhkwen.

Joshua 10:12

Ne tewenhniserá꞉theʼkwe ne Roiá꞉ner sontashaká꞉wen ne ronhnónkwe Israerʼró꞉nons natesenhnié꞉tshera tsi nòkwah ne Amorʼró꞉nons, ne Joshua wahowenhnarà꞉ne ne Roiá꞉ner. Rahothihén꞉ton Nisraerʼró꞉nons wahèn꞉ron, “Entieʼkhené꞉kha karáhkwa, téstann è꞉neken ne Gibeon nón꞉we; Ahsonhtenhné꞉kha karáhkwa, téstann è꞉꞉neken ne Aijalon ahonráhkwakon.”

Joshua 10:2

Nó꞉nen nonhkweshón꞉as ne Jerusalem wahatirihwà꞉ronke ne Gibeonró꞉nons tsi skén꞉non ronónhni ne Israerʼró꞉nons, kwáh í꞉ken tsi wahonateronhiénhten. Tiorì꞉wa ne Gibeon tsi sénha ne kanatowá꞉nen tsi ní꞉ioht ne Ai, tánon kwáh é꞉tho nikanatowá꞉nen tsi ki ní꞉ioht ne oiásons ne kanatowá꞉nens né꞉ne rotkoráston ne ronhnonhtí꞉io. Sénha tsi ní꞉ioht, ne ahonkweʼtashón꞉as ne ronhnónkwe kwáh í꞉ken tsi ronhterihioseraweiénhons.

Joshua 11:16

Ne Joshua ohontsakwé꞉kon wahatié꞉nawatste—ne tsi ionhnonhtharónhnions kanakerahseraké꞉ron ó꞉ni ne tsi iehionhnonhthaienthàhons, tetsáron nothorè꞉ke ó꞉ni nentiè꞉ne nokwahtísons, atenathakwé꞉kon ne Goshen ó꞉ni ne ionakerasehrátens ne entieʼné꞉son thóh í꞉kare, ó꞉ni nahonráhkwakons ne Jordan.

Joshua 11:22

Iáh ne saiáta tsiatesothaténron ne Anakim ne tsi ionhontsá꞉ien ne Israerʼró꞉nonhke; tó꞉khara khók niháti, ethosà꞉ne, thóh nón꞉we iatonathátere né꞉ne Gaza, Gath, ó꞉ni ne Ashdod.

Joshua 15:51

Goshen, Holon, tánon ne Giloh: énska-iawénhre nikanatowá꞉nens, kontikwé꞉kon ne kanataién꞉tons ó꞉ni ne kenʼnikanatà꞉sas.

Judges 16:1

Énska wenhniseráthekwe ne Samson rahotináthakon ne Philistiaró꞉nons ne Gaza nónhwe niahá꞉re, thóh nónhwe iorihwahiathatónhon iathiatátken tánon skát꞉ke wahiárathe.

Judges 16:21

Ne Philistiaró꞉nons wahonwaiéna tánon wathonwakaratháko. Gaza niahonwahiaténhawe, wahonwaronhkwahsanerénkʼkhon né꞉ne tehiotwístaron otsínekwar, tánon wahonwahiótensthe onátsa wahát꞉thete ne tsi ionhthatenonhthónkwah.

1 Samuel 6:17

Neh kí꞉ken nowistanó꞉rons ne iotaʼkwarontónhnions, tsi niká꞉ien ne Philistines ieshotíha ne ne kaʼní꞉kon iehotiʼtáton raoʼhén꞉ton ne Roiá꞉ner: Skanatátʼtshons ahotiriwá꞉ke ne ne Ashdod, Gaza, Ashkelon, Gath, Ekron;