Joshua 10:30 - Ohiatonhseratokénti

³⁰ Ne Roiá꞉ner thashaká꞉wen nónhne natesenhniéntshera Nisraerʼró꞉nons kí꞉ken kanatowanénhke ó꞉ni ne nahonhnonhtihió꞉tshera. Iáh ónhka tiatehiothaténron, ók kwáh niatehionkwè꞉thake tsi wahonwatinonhwariaʼkónhnion. Thóh nahonwaié꞉raʼse ne ronhnonhtí꞉io tsi ki nihonwaié꞉raʼse ne ronhnontí꞉io ne Jericho.

Joshua 10:30 ပူးပေါင်းရင်းမြစ်များ

2 Kings 10:11

Éhthoh né ó꞉nen ne Jehu wasakoʼnonwarhiakónhnion ratikwéʼkon ne iateʼonathaténron ne Ahab raʼowátsires né Jezreel nón꞉we nihatiná꞉kere, tánon ratikwéʼkon ne raʼonatieraʼshón꞉ʼas, ó꞉ni né kwáh ákta rontenrosónhas, tánon ne ratiʼtsihénstaʼtsis; iáh né saiáta tsateshotaʼthénron.

Numbers 32:22

tánon enhontsatakwení꞉ioste nonhóntsa. Ethòne kíʼ, enwáhton nahonsehsewaténhti, tsioríhwa tsi wesehwarihwaiérihte tsi nisehwaterihwaienʼníhakwe rahohénton ne Roiá꞉ner tánon ne ronátsiakes NʼIsraerʼró꞉nons. Ethòne kíʼ ne Roiá꞉ner enharihwanírate kí꞉ken ionhontsáien ne tsitʼkarakwínekens nokwáhti tsi í꞉se tsonhóntsa íken.

Deuteronomy 2:33

ók ki ne Roiá꞉ner ónhkwa Ní꞉io onkwashatstenserá꞉kon nónhwe nahotkà꞉we, tánon washakwanonhwarià꞉kon, ne shakoioʼokónhas, ó꞉ni ratikwé꞉kon ne rahonkweʼtashón꞉as.

Deuteronomy 7:2

Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

Joshua 10:28

Ne Joshua iashakotiaʼtónti tánon washakoié꞉na ne Makkedah ó꞉ni ne ronhwanonhtí꞉io ne wenhniserá꞉teʼkwe. Kwáh onhkweʼtakwé꞉kon ne tsi kanatowanénhke washakononhwariaʼkónhnion; iáh ónhka tiathetiothaténhron nahiakónhneke. Thóh nahoié꞉raʼse ne ronhnontí꞉io ne Makkedah tsi ni nihoié꞉raʼse ne ronhnonhtí꞉io ne Jericho.

Joshua 10:29

Ne sonhteweienénhthaʼne, Joshua tánon ne rahonkweʼtashón꞉as ronhterí꞉ios hionsahonhténti ne Makkedah tánon Libnah niahón꞉ne iashakotiaʼtón꞉ti nónhne.

Joshua 10:31

Ne sonhteweienéntaʼne, Joshua tánon ne rahonkweʼtashón꞉as ronhterí꞉ios hionsahonhténti ne Libnah tánon Lachish niahón꞉ne, watkonhwawáhnake tánon iakonhwatiaʼtón꞉ti.

Joshua 11:12

Ne Joshua akwé꞉kon wahaié꞉na ki kanatowá꞉nens ó꞉ni nahonhnonhtiiótsheras, onhkweʼtakwé꞉kon shakotinonhwarià꞉kons, kwáh ki tsi ní꞉ioht ne Mahís tsi rotró꞉ri, né꞉ne Roiá꞉ner raonhá꞉tshera.

Joshua 12:15

Libnah, Adullam,

Joshua 8:24

Ne Israerʼró꞉nons kwáh onhkweʼtakwé꞉kon shakotinonhwariaʼkhón꞉nion ne tehontaʼtsons ne tsi ionhontsakwénhrare ne kanakerahserá꞉kon tsi nón꞉we niahonwatísehre. Ethò꞉ne Ai nonhshahónhne tánon kwáh kanenrakwénhkon tsi washakotinonhwariaʼkhón꞉nion ne nón꞉we.

Joshua 8:29

Wahonwanonhwarià꞉khon ne ronhnonhtí꞉io ne Ai tánon karonhtà꞉ke wahonwahiaʼtiháren tsi nió꞉re iahokárawe. Ne shiakarahkwénhne ne Joshua washakò꞉nahne ne rahoierónhta nahonshahatinihiontá꞉ko ne karonhtà꞉ke, tánon thóh nón꞉we iahonáhti ne tsi iehionthawehiaʼthákwa ne kaná꞉takon iotenhenrahkáronhthe. Ne wahatiroróksthe ne tehiotenonhianì꞉ton onénhia wahatitsthokó꞉ten, ki nón꞉wa nikahá꞉wi shé꞉kon é꞉tho ní꞉ioht tsi wè꞉ne.

Joshua 9:3

Ók nonhkweshón꞉as ne Gibeon nón꞉we, Né꞉ne Hivró꞉nons nahatinekwenhsó꞉ten, rotirihwarónhken ne Joshua tsi nishakoierà꞉se ne Jericho ó꞉ni ne Ai,