Joshua 1:17 - Ohiatonhseratokénti

¹⁷ Kwáh enkwahwénhnaraʼkwe, kwáh ki tsi nishakwahwenhnaráhkwakwe ne Mahís, tánon aiá꞉wens ne Roiá꞉ner Onhkwaní꞉io ahiseʼnikwekónhake tsi ki ne nihioʼthónhne ne Mahís!

Joshua 1:17 ပူးပေါင်းရင်းမြစ်များ

2 Samuel 14:17

Ne sanhátsera wahé꞉re, ‘Ne raowénhna Natiá꞉ner ne ne ronnontí꞉io kwáh enhakateriswénhtoseʼ; asèken natiá꞉ner ne ne ronnontí꞉io kwáh neh teshiatié꞉ren ne raoronhiakeró꞉non Ní꞉io, ieharíhwakens ne ioiá꞉nere tánon ne kariwahét꞉ken. Ne Roiá꞉ner Saní꞉io kwáh senikweʼkónhak!’”

1 Kings 1:37

Tsi kíʼ ní꞉ioht ne Roiá꞉ner tsi sehnikweʼkónhne Sanonhtí꞉io, aiáwens kíʼ nònhne ne Solomon anikwekónhake tánon né arónhniaʼthe ne rahononhtiʼiótsera sénha ahiokwásthonhke tsi niʼiohthónhne ní꞉se.”

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

Psalms 20:1

Aiáwenhs ne Roiá꞉ner aiaienáwase nó꞉nen tenhsanikonhráhren! Né raosénhna ne Raoní꞉io ne Jacob thiá꞉ne!

Psalms 20:4

Aiáwenhs ahontáhion tsi nitesaskáneks ne sehriáne, tánon akwé꞉kon ahánhane tsi nisatenikonhrónh꞉nis.

Psalms 20:9

Tatsítson natesenhniétsera ne ronhnontí꞉io, O Saiá꞉ner; teskwahrihwasehrá꞉kwas nó꞉nenh ienkwahnáton.

Numbers 27:18

Ne Roiá꞉ner wahawénhase ne Mahís, “Iatshiaténhaf ne Joshua né roiénha ne Nun, enhakwéni nètho rónhkwe, tánon ranontsíne tetshianisnonsáren.

Numbers 27:20

Thá꞉tshon osthónha ne sashatsténsera, né káti nahónton nonhkweshón꞉ʼa ahonwawénhnarakwe.

Matthew 21:9

Akȣekon ok oni iontonhakȣe: Ronȣasennaien ne David Roienha! ahonȣanenton ne tare raosennakon ne Raȣenniio! ahonȣasennaien Karonhiake.

Deuteronomy 34:9

Joshua né꞉ne Nun roiénha kwáh rahiathanáhnon ne aʼthokhátshera, tiorì꞉wa ne Mahís raónha rohiatharákwenh ne tahonsahonaʼthákwen. Nonhkweshón꞉as nʼIsraerʼronónke wahonwawénhnaraʼkwe ne Joshua tánon wahonteweiénte ne karihwatà꞉tshera ne Roiá꞉ner theshakó꞉wi rahonhà꞉ke ne Mahís.

Joshua 1:16

Wathonwariwaʼsehrákwahse ne Joshua, “Kwáh orihwakwé꞉kon thóh nenhiakwáhiere tsi naskwahró꞉ri tánon kwáh ienhiákwe ne tsi nón꞉we ienskwahtó꞉ri.

Joshua 1:18

Ónhka ki akénhake naieriʼwí꞉shake ne shashatsténhsera tó꞉ka ó꞉ni iáh thahionhtewenhnaraʼkwáne kák tsi ní꞉kon ne shatenhnáhon kwáh ki enhionhthatenonhwarià꞉kon. Tashaʼnikonhrakontaʼkwénhak tánon shaʼnikonhranirónhak!”

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

Joshua 1:9

Iáh kén tekonhnáʼon níse? Naʼseshástsʼteke tanon naʼesanikonrashsátsʼteke; tósa sateronhnísek, khéhs nasanikonrókʼten, asèken ne Roiá꞉ner sani:io tsi ensenikwekónhake ne kwaʼtsikʼnónwe nienhénse.”

Joshua 4:14

Tsi nahá꞉iere ne Roiá꞉ner ne wenhniserá꞉theʼkwe wahonónhnien nonhkweshón꞉as Nisraerró꞉konhke tahiatihiató꞉rethe ne Joshua tsi nironhkweʼtowá꞉nen. Kwáh tsi nirónhnheskwe tsi ronhwakweniénsthakwe, kwáh ki tsi nihonwakweniénsthakwe ne Mahís.

1 Samuel 17:37

Ne Táwit wahén꞉ron, “Ne Roiá꞉ner, tsi raón꞉ha sakenonsthá꞉ton ne washitáhke ne kénreks tánon ne rashitákes ne okwáhri, kwáh kiʼ enhakenónsthate tsi nó꞉kwah ne ratsanáke ne kí꞉ken Philistiaró꞉non.” Káti ne Saul wahawénhase ne Táwit, “Wáhs, tánon aiá꞉wens ne Roiá꞉ner ahiʼsenikwekónhake!”

1 Samuel 20:13

Ók tó꞉ka ne rakení꞉ha thóh nihonikonró꞉ten nahiakarónhni, ne Roiá꞉ner thóh kiʼ nón꞉ne eh nenhoiérase ne Jonathan, tánon kwáh ó꞉ni isiʼnónwe sén꞉ha, tó꞉ka ní꞉i iáh thakonrohrhiá꞉ne, Aiá꞉wenhs ne Roiá꞉ner ahiʼsenikwekónhake ní꞉se, tsi kiʼ ne nihniʼkwékon ne rakení꞉ha.