Joshua 1:15 - Ohiatonhseratokénti

¹⁵ tsi nió꞉re nenhatihiathakweʼní꞉ioke nonhóntsa ne tsi iaʼtewatshénhtos nokwá꞉ti ne Jordan né꞉tho Roiá꞉ner Onhkwaní꞉io teshakowì꞉re. Nó꞉nen enteshakó꞉wike ratikwé꞉kon ne rahothitióhkwas ne Israerró꞉nonhke, ethò꞉ne enwá꞉ton thenthí꞉shewe tánon kén꞉en nón꞉we nashewatená꞉taien ní꞉se sonhontsà꞉ke né꞉ne tsitʼkarahkwí꞉nekens nokwá꞉ti ne Jordan, tsi niká꞉ien ne Mahís, ne Roiá꞉ner rahonkwè꞉tha, thetsisehwá꞉wi.”

Joshua 1:15 ပူးပေါင်းရင်းမြစ်များ

1 Corinthians 12:26

Tóhka énskak tsi nahótenk noierónta akaronhiáken, kwáh kíʼ akwékon noiáson nihiotánion tsi skátʼke enkonthironhiáken; tóhkaʼ knahótenk nénskak khók takonwahrénsaron, kwáh notiakésons tsi wahkontiátaren nahotsennionniátshera.

1 Corinthians 13:5

Kanoronkwátshera iáh tekaweʼienáksen iáh ó꞉ni tehiotét꞉tsen iáh ó꞉ni tewahtsésenh nahioʼnákwen; kanoronkwátshera iáh tewatheweiénthons nahoténsons ne kariwahétkens.

Galatians 5:13

Nók níse, tewatenrosónhas, ieietʼtsiʼnónkon nahonsehsewatatewenní꞉ioʼke. Nók tóhsa sewaríʼon kí꞉ken ahtatewenniʼiótsera nahontesewaniarótaroke ó꞉ni tsi nahontonskanékseke ne sewaiéronke. Kék, sewaríhon ne kanoronkwátsera nahonteriwathentsate tsi natesewátere.

Galatians 6:2

Tesewatatsʼniénon tsi sewáhaf ne sewahrénias, neh kíʼ enkakwéni naʼihsewatewénnarakwe ne Kerístos raoianerénsera.

Deuteronomy 3:18

“Tánon óksak, Wakheró꞉ri ne ronhnónkwes ne Reubenʼró꞉nonhs, Gadró꞉nonhs, tánon ne shaʼtehotitiohkwí꞉hen ne Manasseh: ‘Ne Roiá꞉ner ónhkwa Ní꞉io thaʼtsisewáwi kí꞉ken ohóntsa ne nà꞉kon nokwá꞉ti iotohetstákwen ne Jordan nahisewatié꞉nawatste. O꞉nen taieʼtsí꞉ion ne ionterihiostákwas ne tionkweʼtashón꞉as ronhterí꞉ios tánon iaihtsihiaté꞉niet tehatihiáiak ne Jordan ohén꞉ton ne otià꞉kes kentió꞉kwas ne Israerʼró꞉nons, naieʼtsisnié꞉non nahontié꞉nawatste nohóntsa.

Deuteronomy 3:20

Ieʼtsisnié꞉non ne otià꞉kes NʼIsraerʼró꞉nonhs tsi nió꞉re ienhontié꞉nawatsʼte nohontsaʼshón꞉a ne Roiá꞉ner enteshakowí꞉hon né꞉ne tsi iaʼtewatshénthos nokwá꞉ti iotohetsʼtákwen ne Jordan tánon ne tsi nió꞉re ne Roiá꞉ner enshakorí꞉hon ne skén꞉non tsi ahatiʼterón꞉take, tsi ó꞉nen thóh ne nihoié꞉ren ne kén nónhwe ne sewariwà꞉ke. Ken ienwatásawen, enwá꞉ton ne kén꞉en tsi iohontsá꞉ien natahonʼté꞉sehwe né꞉tho ohóntsa tkwá꞉wi.’

Deuteronomy 9:1

“Sewatahónsatat, Israerʼró꞉nons! Ónhwa wenhniserá꞉te onenhthó꞉wa iatahisewahiá꞉iake ne Jordan Kaniataratátie tánon ne iahisewatiaʼtakwehní꞉ioste nonhóntsa ne nonhkweshón꞉a rahonáwenk ne sénha ronatiohkowá꞉nen ó꞉ni ratiʼshátstes tsi ní꞉se ní꞉ioht. Rotinatowá꞉nens, ne watenhenró꞉tons ne tehiokwataséhton ne rahotinátas iéwas ne tsi tkaronhiá꞉te.

Philippians 2:4

Ietsiʼiénawas sathahióton tsi níse nathesewathatiénawaʼse.

Joshua 1:1

Nó꞉nen sihawenhé꞉ion ne Roiá꞉ner raonátshera Mahís, ne Roiá꞉ner wahotháhraʼse ne Mahís roié꞉nawaʼse, Joshua iaiénha ne Nun.

Joshua 1:14

Ne sewaniáʼkhons, ietsiʼienhokón꞉as, ó꞉ni ne sewaʼtshenenhó꞉kons kwáh ne kén꞉en enkonhtiʼterónhtake, ók ne tsonkweʼtashón꞉as ne ronhterí꞉ios, ronathateweienhnenhtà꞉on nahonterí꞉io, ienhatihénte ne tahatihiá꞉iake ohén꞉ton ne ronatià꞉kes Nisraerʼró꞉nons ne nahónton nahonwatiié꞉nawaʼse

Joshua 1:16

Wathonwariwaʼsehrákwahse ne Joshua, “Kwáh orihwakwé꞉kon thóh nenhiakwáhiere tsi naskwahró꞉ri tánon kwáh ienhiákwe ne tsi nón꞉we ienskwahtó꞉ri.

Joshua 22:1

Ethò꞉ne ne Joshua iashakonòn꞉kon nonhkweshón꞉as ne tsi ratitióhkwaiens ne Reuben, Gad, tánon ne nà꞉kon nòkwah ne Manasseh.