Joshua 1:14 - Ohiatonhseratokénti

¹⁴ Ne sewaniáʼkhons, ietsiʼienhokón꞉as, ó꞉ni ne sewaʼtshenenhó꞉kons kwáh ne kén꞉en enkonhtiʼterónhtake, ók ne tsonkweʼtashón꞉as ne ronhterí꞉ios, ronathateweienhnenhtà꞉on nahonterí꞉io, ienhatihénte ne tahatihiá꞉iake ohén꞉ton ne ronatià꞉kes Nisraerʼró꞉nons ne nahónton nahonwatiié꞉nawaʼse

Joshua 1:14 ပူးပေါင်းရင်းမြစ်များ

Exodus 13:18

Khèkok, iasaʼkosá꞉rihne wá꞉honkwahtase ne wahonthá꞉hitha ne kahentakekówa nieʼiawénon né꞉ne Red Sea nieʼiawénon. Ne lsraerʼró꞉nons roʼnahthaʼteweienhʼnentáʼhon nahonterí꞉io.

Numbers 32:26

Né hionkwaniákʼkhons ó꞉ni ne ratikʼshahokónhas ó꞉ni nonhkwahtshenenhókons tsionónskwahrons ó꞉ni ne teiotinakaronhtónʼas kénʼen nènhne enhatiʼterónhthake ne tsi kanatowanénhke ne Gilead.

Deuteronomy 20:8

“Ne rasenhnowá꞉nen kwáh ó꞉ni enshakawénhase ne ronhnónhkwe, ‘Ónhka kén꞉en í꞉res ne rónhkwe ne iáh teshonikonhraʼtsháni tánon rò꞉terons? Tó꞉ka tó꞉kenske, ó꞉nenk tsi enshahténti. Tó꞉ka iáh, kwáh ki enshakonikonhrário ne ronatià꞉kes.’

Deuteronomy 3:19

Ne kók ne sewaniákonhs, ratiksahokónhas, ó꞉ni ne sewatshenenhó꞉kons—Wakaterièn꞉tare tsi wé꞉so sewanaskwahiéntons ne konhtiʼtshé꞉nens ken né꞉he enkonhnè꞉seke ne kanatá꞉kons ne tkawíhon.

Deuteronomy 33:21

Né꞉ne kwáh tiohontsí꞉io ne wahonthaterakwáhse; Ne shakohéntenhse tsi nihioterihwí꞉son nahaié꞉na ronónha ronhwatihiaʼtharákwen nahatiráhko. Wahontewénhnaraʼkwe ne Roiá꞉ner rahorihonnienhní꞉tsheras ó꞉ni ne kaianerénhseras Nó꞉nen ne ohén꞉ton iehonhné꞉tons ne Israerʼró꞉nonhke skátke wahontiaʼtaró꞉roke.”

Joshua 1:13

“Sewehiáreken tsi ní꞉ioht ne Roiá꞉ner raonátshera Mahís tsi sewahró꞉ri né꞉tho Roiá꞉ner Sewaní꞉io tsi entsisewenhóntson kí꞉ken iohontsá꞉ien ne tsitkarahkwí꞉nekens nokwá꞉ti ne Jordan né꞉ne thóh nón꞉we nahisewenhterón꞉take.

Joshua 1:15

tsi nió꞉re nenhatihiathakweʼní꞉ioke nonhóntsa ne tsi iaʼtewatshénhtos nokwá꞉ti ne Jordan né꞉tho Roiá꞉ner Onhkwaní꞉io teshakowì꞉re. Nó꞉nen enteshakó꞉wike ratikwé꞉kon ne rahothitióhkwas ne Israerró꞉nonhke, ethò꞉ne enwá꞉ton thenthí꞉shewe tánon kén꞉en nón꞉we nashewatená꞉taien ní꞉se sonhontsà꞉ke né꞉ne tsitʼkarahkwí꞉nekens nokwá꞉ti ne Jordan, tsi niká꞉ien ne Mahís, ne Roiá꞉ner rahonkwè꞉tha, thetsisehwá꞉wi.”

Joshua 4:12

Ne ronhnónkwe ne Reuben rahotiʼtá꞉rakon nón꞉we nihatihiátare ó꞉ni ne Gad tánon ne saʼtekanenrí꞉hen ne rahotitióhkwa ne Manasseh, ronatateweienhnenhtàhon nahonterí꞉io, iathatihiáiake hohénton nonhkweshón꞉as, tsi ki nishakohró꞉ri ne Mahís tsi nahatí꞉iere.

Revelation 17:4

Ne iónkwe ne iotseronhiá꞉ton arihwaʼkonhné꞉ha tánon onekwénhtara niwashokó꞉tens, tánon ne iorasestánion ne owistanó꞉ron tánon owistanoronshón꞉as tánon onekó꞉ras, ne kahá꞉we ne watsá꞉nake ne owistanó꞉ron teiontʼnekontáhkwa titká꞉here ne kariwástons ó꞉ni ne teiótions né꞉ne ahón꞉ha ahó꞉wenk kentétsera: