Jonah 4:9 - Ohiatonhseratokénti

⁹ Eʼthóʼne ne Rawenni꞉io wahawén꞉hase ne Jonah, “Tkarihwaié꞉ri ónhte ken ne aesanaʼkhwén꞉hake tiorí꞉wa ne tho iokwiróthe tsi waʼkénheie?” Tsi waʼtharihwaʼserá꞉ko ne Jonah, “Tahonà꞉khwen kwáh iaʼtekaié꞉ri tsi niwakenaʼkhwén꞉en ne akíheie!”

Jonah 4:9 ပူးပေါင်းရင်းမြစ်များ

1 Kings 21:4

Né Ahab sahathénhti, thonikonhrénhen tánon ronakwénhen tsi nahó꞉ten ne Naboth wahawénhase. Rahonáktake wahatsatiónhnite, ashón꞉thake niehotsératon, tánon iáh thatehatskáhons.

Job Tánon ne Raoronhiakensera 18:4

Ní꞉se satatiataraʼtiónhkwas thóh ne sanhakwahtserá꞉kon— kwáh ken ne tsi ionwenhtsá꞉te ahiontewenhtéthe í꞉se asehrihón꞉ni, khés nosténhras è꞉renh akahawí꞉ton tsi nón꞉we niiotinatʼte?

Job Tánon ne Raoronhiakensera 36:18

Sehnikónrarat tó꞉sa serí꞉hon neh kanhakwáhtshera nahisaʼnikonráhreke ne thasheié꞉ron, tánon tó꞉sa serí꞉hon tsi nateiotenonhianì꞉ton ne tekaientákwen nahisaʼthahontákwate.

Job Tánon ne Raoronhiakensera 5:2

Tiorì꞉wa ne kanhakwáhtshera iakononwarià꞉kons ne tiakotonhnókte, tánon natakefáshera ne karihón꞉nis nahiaiéheie ne ken nitkaiénha.

Jonah 4:1

Kí꞉ken tonsontá꞉ton ne orihwaʼshón꞉ʼa wahahonnhà꞉ksaʼte ne Jonah, tánon kwáh í꞉ken tsi wahonàkhwen.

Jonah 4:10

Eʼthóʼne ne Roiá꞉ner wahawén꞉hase, “Kiʼ ó꞉kwire sewahsónta khók ontehiá꞉ron nok eʼthok thonsónhton tsi saiór꞉henʼne; iáh thé꞉nen tesatokaʼtá꞉on iáh niʼ ó꞉ni í꞉se tehshehiá꞉ron—nek kiʼ shá꞉ka sehnhá꞉tens!

Jonah 4:8

Ne ó꞉nen shitiorakwinekén꞉en, ne Rawenni꞉io iahatén꞉niehte tsi tkarahkwí꞉nekens naʼontakawerénhawe ne kwáh ioweratarí꞉hen, tánon ó꞉nen ne Jonah skanó꞉rons nahoʼnikonhráhton tsi niiorahkwataríhen tsi teiaó꞉ien ne ranontsì꞉ne. Sók kiʼ wahaská꞉neke narénheie. Wahén꞉ron, “Sénha ne ioiá꞉nere akíheie tsi ní꞉ioht nakónhnheke.”

Matthew 26:38

Ethone oni onen ȣasakorori ȣahenron; Skanorons aonkeriiote tsini ȣakenikonranonȣaks; kentho seȣenterontak nok seȣatieȣaten.

2 Corinthians 7:10

Ne Rawenni꞉io enwá꞉ton ne kaʼnikonhrakséntshera áratste ne tsi tiónhnhe naionkwaié꞉nawaʼse aitewá꞉tkaʼwe nonkwarihwaneraʼáhtshera, tánon tewé꞉sak ne kaiaʼtakehnahtshera, iáh nonwén꞉ton thaonsetewatateriʼwásten ne tho kaʼnikonhrakséntshera. Nok ne kaʼnikonhrakséntshera ne iáh tesewatathrewá꞉ton ne iewatihénthos ne kenhé꞉ion.

Revelation 9:6

Tánon ne thóh entewenhniserá꞉teke nonkwehó꞉kon kwáh eniakésake ne kenhé꞉ion ók iáh kíʼ thaieʼtsénhri; kwáh thenhiakotonhontsó꞉se naiaiéheie, ók ne kenhé꞉ion kwáh kíʼ enhiakohniá꞉kenhse.

Judges 16:16

Iehiokonhthákwen rorihwanonhtónhnis, kwáh tsatewenhniseráke. Tsi nióre tsi wahahonʼnátʼsate tánon wathawisénheie tsi natehoterienhtakariátha