Jonah 4:5 - Ohiatonhseratokénti

⁵ Eʼthóʼne ne Jonah tsi tkarahkwí꞉nekenʼs nonkwá꞉ti niahá꞉re iaʼthanatóhtkaʼwe tánon wahatatón꞉nien ne ahaterahkwawehrostáhkwe tánon eʼtho nà꞉kon wahátien ne aʼhatehrhá꞉rate kaʼshí꞉ken ohnenioiá꞉tawen ne Nineveh.

Jonah 4:5 ပူးပေါင်းရင်းမြစ်များ

1 Kings 19:13

Nó꞉nen ne Elijah sahothónteʼne, rahotsáthawi wakóses wahatʼkonhsashé꞉thakwe tánon iahahiákenhne tánon thóh iathátaʼne tsi iehionhthawehiathákwah ne osónhwakon. Owénhna wahawénhase, “Elijah, onh niʼtsatiéra ne kénʼen?”

1 Kings 19:9

Thóh nónhwe osónhwakon iahátsnente thoʼnónhwe nahasonhtí꞉iake. Thonhtaiawénhstsi ne Roiá꞉ner rahoronhiakeʼró꞉non wahotháraʼse, “Elijah, onhʼnishatséra né kénʼen?”

Isaiah 57:17

Tsioríhwa tsi niwahét꞉ken tsi nihonaskénaʼse wakenakwénhenhne; Wakhé꞉iente, wakhekónraʼke tánon wakenakwénhenhne; ók tiókonte thóh niensatí꞉iere tsi nithatiʼweienóthenhne.

Jeremiah 20:9

Ók nónen enkíron, “Kwáh enhihiatahnikónhren ne Roiá꞉ner tánon iáh ónen teskahtátis ne raosénnahkon,” thóhʼne ne saterihwanhotátshera thóh nenháwenhne tsi ní꞉ioht nótsire iothékha ne tsiathákon. Iaʼtewahkatatʼtsiaháton ne thóh ahonthónthaʼke, ók iáh tatkwéni nahonkathoráhrakon.

Jonah 1:5

Ne ratihonweiaʼkehró꞉non kwáh ronateronhienhténni tánon waʼthotihénrehte ne ahonwatiiaʼtakénha, shatiiaʼtáshon tsi ní꞉ioht tsi rotiʼniiohserá꞉ien. Awén꞉ke iahoná꞉ti tsi nahò꞉ten tehotiiahiaʼktonhátiene né ne tóhsa aonsaióksteke ne kahonwé꞉ia. Eʼtho náhe, ne Jonah iehotsnénhton nenʼné꞉e ehiehaiaʼtión꞉ni, kwáh iehotaʼskó꞉wa.

Jonah 4:4

Ne Roiá꞉ner waʼthorihwaʼserákwaʼse, “Tkaié꞉ri ónhte ken ne aesanahkhwén꞉hake kí꞉ken aorihwá꞉ke?”

Jonah 4:6

Eʼ thóʼne ne Roiá꞉ner Rawenni꞉io wahakwatá꞉ko ne kwáh iotenerahtaká꞉te ó꞉kwire eʼtho nón꞉we naʼká꞉nio, tánon kwáh iohstó꞉re tsi waʼtioʼnenhrowáhnha ne é꞉neken tsi rotenontsìs꞉tate ne Jonah, wahorahkwawéhroste. Ohstónha kiʼ waʼkakwé꞉ni sahoiaʼtanónhstate, tánon ne Jonah tsi nahawerienʼtí꞉io tsi eʼtho wakakwirá꞉nio.