Jonah 1:6 - Ohiatonhseratokénti

⁶ Ne rahonwakweʼní꞉io iahoiaʼtatshén꞉ri wahoriʼwanóntonhse, “Oh nihsatiérha kwáh séntaʼs? Satkétsko tánon saterén꞉naien raonhá꞉ke ne ní꞉io ehtsheʼné꞉ken ne kaienawaʼséhtshera. Tóka nón꞉wa enhshonkwén꞉tenre tánon enhanónhstate tsi tsiónhnhe.”

Jonah 1:6 ပူးပေါင်းရင်းမြစ်များ

2 Samuel 12:22

Wahén꞉ron, “Tsi ná꞉he rónnhekwe ne raksáha, onkentón꞉tiete tánon watkaséntho; asèken wakiron, ‘Ónhka iakoteriéntare? Ne Roiá꞉ner nontsérek entorihwaiérike nakonhá꞉ke, tánon ne raksáha nontsérek enrónhnheke.’

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

Psalms 107:6

Eʼthóhʼne ó꞉nenh iathonséntʼtho rahonháke ne Roiá꞉ner ne tsi naʼtehonanikónhrahre, tánon waʼsakonónsthate né tsi tsehotirihwaiéwasʼkwe;

Psalms 78:34

Né nó꞉nen nón꞉kak tsi niháti ensakononwariákon, ne ronátiakes rahonháke iénhsonhne; enshontatʼréwate tánon ronaterénhnaien thotinikonhrakonthákwen rahonháke.

Isaiah 3:15

Nahóten sewéntons tsi watsetsinenstsákon nakonkwetaʼshónhas, tsi wahetsikonsakénhrieh ne iakotenténion? Ráton ne Roiá꞉ner Sakoní꞉io ne ronterí꞉ios ratironhiaʼkeró꞉nons.

Ezekiel 18:2

tánon wahénron, “Nahó꞉ten kí꞉ken atrorhiá꞉tshera nonhkweshón꞉ʼa iehiakhokonhthá꞉kwen ionthónhnions ne tsi ionhontsáien ne Israerʼró꞉nonhke? ‘Ne rothiwirahiéntons ronèkonh ne tehionenharahhiótsis, Ók kíʼ ne ratitsaokónhas ne wahatihiéna ne ioskárat awehkonhóntsera.’

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Jonah 3:8

Kwáh onkweʼtakwé꞉kon tánon ne katshé꞉nenʼs ónenk tsi kà꞉iare eniotí꞉rake. Kwáh kátiʼ onkweʼtakwé꞉kon iakoterihwaién꞉ni akawé꞉riane aontaietáhko naʼionterén꞉naien Raonhà꞉ke ne Rawenni꞉io tánon ó꞉nenk tsi enióntkaʼwe tsi niiakorihwané꞉ren ó꞉ni tsi niiewehiennàksens.

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Acts 21:13

Nók wahtariwaseráko, “Nisewatsérah, kíʼ ní꞉ioht tsi tesewasénthos ó꞉ni teskweriasarítha? Iáh nek khók tèʼken tsi wakatateweiennentáʼon nahionkʼnerénken ne Jerusalem nónwe nók kíʼ ó꞉ni ne kwáh thóh nónwe iakíʼheie ne rahoriwá꞉ke ne Roia꞉ner Ié꞉sos.”

Romans 13:11

Tánon ken nahisewáiere, ne tsi sewateriéntare tsi niʼiowistáhe nónwa; ónen iakáhewe nahisewatʼkétsko tsi nisewéntaskwe. Asèken nenwenʼniseráteke nónen ne Rawenni꞉io enseshonkwaniákenʼte ónen sénha ákʼta íwas tsi ní꞉ioht ne kwáh shonthontiérenʼte shonthatsitewéthaʼkwe ne Ié꞉sos Kerístos.

Ephesians 5:14

Tsi nahóten neh kwáh íken tsi karihothásion thóʼnek enwáton ne tahioswátʼthene. Tehioswátʼte seh ne kwáh oriwakwékon tshewenéstʼtha. Neh aoríwa tsi nihónen, “Sewáhie, tahrótaros, tánon thontahsewatʼkétsko ne kenheiátʼne, tánon Kerístos tentsiʼsewaswatʼthéten.”