Jonah 1:14 - Ohiatonhseratokénti

¹⁴ Sók ki iaʼthotihénrehte raonhá꞉ke ne Jonah Raoní꞉io, “Ó Sewenní꞉io, ionkwaterénnaien, ne tóhsa ne kenhéionʼt ahskwahrewátahkwe tsi awèn꞉ke ienshakwaiaʼtón꞉ti kí꞉ken rón꞉kwe! Í꞉se Sewenní꞉io, akwékon eʼtho nisáhson tsi nahawénhseron; kwáh tsi naʼtesatonhontsoní꞉ne.”

Jonah 1:14 ပူးပေါင်းရင်းမြစ်များ

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

Psalms 107:28

Eʼthóhʼne ó꞉nenh iathonséntʼtho rahonháke ne Roiá꞉ner ne tsi naʼtehonanikónhrahre, tánon waʼsakonónsthate né tsi tsehotirihwaiéwasʼkwe;

Psalms 115:3

Nón꞉kwah Ní꞉io karonhiáke nón꞉we thénteron; thóh nihaiéra kwáh tsi nenhthanón꞉wehne.

Psalms 135:6

Tsi nenhthawerientí꞉io ne Roiá꞉ner thóh nenháiere, thóh karonhiáke tánon nonhontsáke, ne kaniatarakhekówaʼne tánon akwékon tsi nón꞉we nihiohnotésons.

Isaiah 26:16

Ó Saiá꞉ner, aterientakariahtserákon tsi wahesahiatíshaʼke, tahonwéron naʼterenhnaientátshera nó꞉nenh ne sáwenk karehwatátshera sahotíraʼne.

Jonah 1:13

Khérenk nen né꞉e ne ratihonweiaʼkehró꞉non wahonhkwísron ne hiahonhráhrho, rotiká꞉we tsi nihotiʼshatsténhsera. Nok tonhkwisrónne tsi teioweratá꞉se, iáh ó꞉ni sénha kénneka thiehonné꞉tha.

Jonah 1:16

Né kí꞉ken waʼkakwé꞉ni ne ratihonweiaʼkehró꞉non ó꞉nen sénha wahonwatshá꞉niʼke ne Roiá꞉ner wahontienʼkwarón꞉niaʼte tsi waʼthonwanonhwerá꞉ton ó꞉ni wahonwahrharátsten tsi enhonwaióʼtenhse.

Jonah 1:5

Ne ratihonweiaʼkehró꞉non kwáh ronateronhienhténni tánon waʼthotihénrehte ne ahonwatiiaʼtakénha, shatiiaʼtáshon tsi ní꞉ioht tsi rotiʼniiohserá꞉ien. Awén꞉ke iahoná꞉ti tsi nahò꞉ten tehotiiahiaʼktonhátiene né ne tóhsa aonsaióksteke ne kahonwé꞉ia. Eʼtho náhe, ne Jonah iehotsnénhton nenʼné꞉e ehiehaiaʼtión꞉ni, kwáh iehotaʼskó꞉wa.

Jonah 3:8

Kwáh onkweʼtakwé꞉kon tánon ne katshé꞉nenʼs ónenk tsi kà꞉iare eniotí꞉rake. Kwáh kátiʼ onkweʼtakwé꞉kon iakoterihwaién꞉ni akawé꞉riane aontaietáhko naʼionterén꞉naien Raonhà꞉ke ne Rawenni꞉io tánon ó꞉nenk tsi enióntkaʼwe tsi niiakorihwané꞉ren ó꞉ni tsi niiewehiennàksens.

Matthew 11:26

Eh niiot, O Rakeni, nehkitsi eh nitisanikonriiohon.

Acts 28:4

Ne thóh rathinákere wakonwáken nóniare iohiaténton ne Kór ratsianáke wathontaténhase, “Kí꞉ken rónkwe kwáh ónhte thó꞉ka tsi sohʼteriwatewáthon, nók Natesénna iáh tahoríʼon narónnheke, iawerohátsien tsi shoniakén꞉en ne kaniatarakekówane.”

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:9

Ne Rawenni꞉io thóh naháiere tsi nihothenikonrón꞉ni, tánon wasonkwathokáten ne kariwaséthon tsi knáha hiatehoriwaiéntase ne iahontésa rahonháke ne Kerístos.

Deuteronomy 21:8

Saiá꞉ner, shaseʼnikónhrens ne shonkweʼtashón꞉as Israerʼró꞉nons, tsi ronónha sheseniakénhton ne Egypt nón꞉we. Saskwaʼnikónhrens tó꞉sa í꞉i takwanonhtáhnak tsi ronwasèhton ne iáh othé꞉nen tehoniʼtsherá꞉ien.’