John 8:44 - Ohiatonhseratokénti

⁴⁴ Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

Ne Saint John 1804

⁴⁴ Ise naah ne eghtsisewanihha ne oneghshoghronòn, ok tsini haghskàneks eghtsisewanihha etho nʼensewàyere, nene shakoryohs tsinahhe tʼyodaghsawen, ok yaghte iresgwe ne togenfketseragon, ne wahhoni yaghten karìware ne togensketsera raonhatseragon. Ne onen ranowenghten, ethone tehawenninnegens tsini horihòten: iken ronowen, ok ne yaweght rodewedon nʼeghnahhoten.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁴ Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsi-seȣanikonraierite tsini hoskanektseroten ne etsise-ȣaniha. Ok onkȣe shiraks tsi tiotasaȣe, iah oni teho-kȣenion nahoriȣatokenhake, aseken iah tehoien no tkariȣaieri. Ne hens nakȣa raȣerientakesson naha-noȣente; aseken ronoȣen, neh oni Ronȣaniha no kohnoȣen.

John 8:44 ပူးပေါင်းရင်းမြစ်များ

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

1 Kings 22:22

‘Onhní꞉ioht?’ ne Roiá꞉ner waʼharihwanónhton. Né raronhiakeró꞉non watharihwaseráko, ‘Thóh iénke tánon ratikwékon ne Ahab rahonkwetashón꞉ʼas rotitó꞉kense enkhehiónhnien nahonhnó꞉wenhthe.’ Ne Roiá꞉ner wahénron, ‘Wáhs kíʼ tánon tetsenikonhrakénhni. Kwáh kíʼ ensaterihwathénhtsaʼse.’”

1 Chronicles 21:1

Né Sakoriwaros wahateniénten nashakoritstónhnien nonkweʼshón꞉as Nisraeʼró꞉nonke, ká꞉ti wahahónhnien ne Táwit niatahorihwaʼiéntaʼse nahasenhnaróhroʼke.

Job Tánon ne Raoronhiakensera 1:11

Ók ki ó꞉nenh iatesanéntses, tánon iatséna akwé꞉kon tsi nahó꞉ten nahoiéntake, tánon kwáh enhiasénhten tsi nitisatierá꞉ton.

Matthew 12:34

Seȣaȣatsiraksenskȣa, oh nahoni naiaȣenne naontakariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

Matthew 13:15

Aseken iotokoton tsi roneriasaniron nekenh rononȣentsiate; iohniron tsi tehonhontakaronte, tehonatateronȣekon oni: Ratitsanis ne ratikarake aontkathote, nok tsi tehonhontakaronte ahonronkate, nok raoneriane ahotinikonraientastakȣe, nok iah taonsaontatreȣatane, iah oni nii taonsakhetsientane.

Matthew 13:38

Nok ne kaehta neh tsi ionȣentsiate; kanenhiio Niio sakoienhokonha, kanenhaksen otkon sakoienhokonha.

John 6:70

Tontahenron ne Iesos: iah kenh naha ii tekȣaiatarakȣen ne tekeni iaȣenre Nitsion? nok sane sekon saiatat akȣa ranessonronon.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

John 8:38

Neh kȣarori tsinahoten ȣakatkatton Rakenineha; nok oni nise neh seȣaiotaties tsiniseȣatkaton netsiseȣanihneha.

John 8:41

Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.

John 8:55

Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.

Acts 13:10

tánon wahénron, “I꞉se iaiénha nótkon! Í꞉se neh seriwásons tsi nahoténson ne ioʼianere. Kwáh tiatanánon tsi nahóten ne kariwáksens taseiéron, tánon tiókonte satheniéntha nonówen asónni ne Roiá꞉ner rahoriwakwarishióntseras!

Acts 24:9

Ne Sitaeró꞉nons kwáh ne sáka tsi wahonwariwárho ne Kór tánon wahonníron akwékon thoní꞉ioht.

Acts 5:3

Tiér wahoriwanóntonse, “Ananias, nontiéren tsi wahsatʼthóntate ne Ranesonrónon nahontahianiarótaroke tánon wahʼhiónʼnien naʼtianowénten ne Ronikonratokénti neh tsi ostónha wasatiénawasʼte nowístha tsi nisatʼkáriakʼse ne saienthátsera?

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

1 Tiér 5:8

Sathateweiennentahónhak, thasaráhrek! Ne iáshons, ne ótkon, tehathawénries tsi ní꞉ioht ne kénreks, thoʼhatʼthónties ónhkat asakowéntho.

2 Tiér 2:4

Rawení꞉io iáh tesakononstáton ne ratironhiakerónons ne rotiriwanerahákskon, ók onéson iasakohiatónti, tsi nónwe ne oronkwása tathinerénkston tsi tetiókaras, rohtiráhre nentewenniseráteke tenhonwatihiatórete.

1 Sawátis 1:8

Tóhka entewénron iáh othènen tehionkwariwáneren, tewatatenikonraténnis, tánon kwá iáh thahóten tehionkwáien nahionkwariwakwaríshion.

1 Sawátis 2:21

Ne káti aoríwa iakwahiátonse, iáh tokàken iáh taihsewateriéntarake noriwiʼiohónwe; nók, néki tsi sewateriéntare, tánon kíʼ ó꞉ni sewateriéntare nohnówen iáh nonwénton thóh nón thetionénon tsi nón ne oriwiʼiohónwe.

1 Sawátis 2:4

Tóhka entewénron ehʼtsitewaientéri, tánon iáh tethewatewennarákwa ne rahotiawenrátsheras, ionkwanówens, tánon iáh tehionkwáien tkariwaiéri nontionhakéson.

1 Sawátis 3:12

Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.

1 Sawátis 3:15

Ónhka ne iontátswens nakorénson ronʼnónha ne sakonashéta, tánon sewateriéntare neh sakonashéta iáh nèn꞉ne tehotíʼien ne hionnheónwe atónnhets.

Jude 1:6

Saietʼtsiiehiárah thiratironhiakeró꞉nons tsi niháti ne iáh thónon tehonataténron nahonátsthon ne rahothishasʼténshera tsi natehiothonwentioʼon꞉ne, nok kek wahontewénthete tsi non nihatiteróntakwe: tsi nénwe oronkwása rathinerénkston tsi nónwe ne kwáh tetiokaraskó꞉wa nonʼontiokon, tsi nónwe ne Rawenni꞉io iesakotʼkáwen ne thóh nónwe entewenniserateke nónen enʼonwathirewate.

Revelation 12:9

Ne rakowá꞉nen rononwarontsétha tahonwaiathénte, né꞉tho oniarasthénha, raónha ne ronwanaʼtónhkwa ranikonratʼsen tánon notkonseráksen, ne sakonhowenhténhnis nohontsakwékon—ne raónha ohontsáke tonwahiatónhtion, tánon ne raoronhiakeró꞉nons tonwatiiatónhtion skátne ne raónha.

Revelation 13:14

tánon tsi nontenestánion né꞉tho kwáh Níio wahorí꞉hon ne ahateriwathéntiate ne raorihwà꞉ke ne thotierénton katsinoniowá꞉ne, washakonikonrataniónhase ne ienakeréhnion tsi ionwenhtsá꞉te, sakororánions nahonwatsiá꞉tonhniserónhnien ne katsinoniowá꞉nen né꞉ne rókʼkarehwathákwen nasarehkó꞉wa tánon kíʼ shrón꞉nhe;

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.

Revelation 9:11

Rotinón꞉tiiotseraien ne tesakoniarotáron í꞉ken ne iáh tekanonkwáhre ne iosonwahkaronhte; ne raoshén꞉na ne Hebrew né꞉ne Abaddon, tánon ne Greek né꞉ne ronwanatónhkwa Apollyon.