John 8:42 - Ohiatonhseratokénti

⁴² Nok tanon tontahenron ne Iesos: Toka nonȣa Niio etsiseȣaniha akenhake, tiakariȣakenniate oriȣiio tsi askȣanoronkȣe, aseken Niiohne teȣakiakenhon, nok raonhake niteȣakenon: aseken iah ok teȣakatennikonra tsi teȣakenon, raonha tanon thakatorion.

Ne Saint John 1804

⁴² Jesus wahshakawenhaghse, togat, nonkon Yehovah eghtsisewanihha enkenhak, englifkwanoronghkwakè: iken eghtewakyage-on ok, egh te wakénon Yehovaghne: yagh oni iih akenigonra si wàkewe, ok denghnon yehakhenha-on.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴² Nok tanon tontahenron ne Iesos: Toka nonȣa Niio etsiseȣaniha akenhake, tiakariȣakenniate oriȣiio tsi askȣanoronkȣe, aseken Niiohne tesakiakenhon, nok raonhake niteȣakenon: aseken iah ok teȣakaten-nikonra tsi toȣakenon, raonha tanon thakatorion.

John 8:42 ပူးပေါင်းရင်းမြစ်များ

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

John 12:49

Aseken iah ii teȣakatennikonra tsiniiot tsi ȣakatati; Rakenihase ne takatorion raonha rakrori oni rakerionnienni tsinenkiere tsi enkatati oni tsi enkeȣenninekenne.

John 13:3

Nok tsi roterientare ne Iesos tsi akȣekon niiehoiatakȣeniioston ne Roniha, nok tsi Niiohne thoientakon, tsi oni Niiohne niionsahaȣenonhatie.

John 14:10

Iah kenh tetisetakȣen tsi iakenikȣekon ne Rakeniha? tsini ioȣennake konrori iah ii teȣakatennikonra; nese ne Rakeniha iakenikȣekon eh nihoteȣeiennisonhonhaties.

John 16:30

Onen oriȣiio ȣahationni tsi oriȣakȣeko nniiesaterientare, iah oni tateiotonȣentsiohon naiesarȣainontonse; neh kati ȣaonni tionkȣetakon tsi Niione tisaientakȣen.

John 17:25

Seniseratokenti! iah teiesaientereon nʼonkȣeokon; nok tanon nii konhientereon, nok oni ne rononha thonetakon tsi ise teskatorion.

John 17:8

Aseken sekheȣennaȣi tsinikon takeȣennaȣi, nok rotiiena; thonetakon oni tsi iseke teȣakientakon tsi ise oni teskatorion.

John 3:17

Aseken ne Niio, iah neh tethotoriaton ne Roienha tsi ionȣentsiate naiontkaronniate nonkȣe, neh tanon raniente naontonseke raonhake aietsenri atsennonniat.

John 5:23

Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.

John 5:43

Rakeniha raosennakon teȣakientakon, nok iah tateskȣarhotonnis; tihaiatate, raonha oni rahotennikonra tsi ahontare, tentsiseȣarhoton neneh.

John 8:14

Iesos tontasakoȣennaȣeron, ȣahenron: etho nehne tsi ok ii tikatateriȣanirati, satekena ki naontaiaketakȣe nakeriȣaniratsera; aseken ȣakaterientare tsiniteȣakenon, tsi oni niiaonkenonhatie; iah tanon nise teseȣaterientare kah niteȣakenon, kah oni ȣake.

1 Corinthians 16:22

Ónhka síken ne iáh tehonwahnorónkwah ne Roiá꞉ner—ronwahréhwat! Marana tha—Onhkwaiáner, táhse!

Galatians 4:4

Nók nónen shiaʼhontenniseríhewe ne Rawenni꞉io shiatoriwaiéntase, tahothéniethe ne Roiénha. Tsi wáraʼwe iakónkwe kanisténsera wahónton neh ronwaiénha waháton tsi warennákerathe, tánon neh skátʼke rathiteróntakwe nehne thoʼnethákwen ne Sitaerononké꞉ha kaianerénsera.

1 Sawátis 4:14

Tánon ó꞉ni hionkwatʼkáton ó꞉ni iehthiróri nakorénsons nètho Kanísera thoteniénthon ne Roiénha rahónha nahonsahsakoniákente tsi ionwentsiáte.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Revelation 22:1

Eʼthó꞉ne ne raronhiakeró꞉non wahakenatónhase tsi kaniataratátie nonekanos ne natónnhest í꞉ken, thóh natehiostwá꞉te tsi ní꞉ioht ne teiostahrát꞉te otsishé꞉ra, thóh nontahionehnonhátse raohitskwáhrane ne Ní꞉io tánon ne teonakarontón꞉ha owí꞉ra