John 7:42 - Ohiatonhseratokénti

⁴² Iah kenh naha teȣaton ne kaiatonseratokenti, tsi Taȣit raȣatsirakon nentre ne Keristos, tsi oni tiohnatakȣenrare ne Bethlehem, tsi nonȣe nihanakerekȣe ne Taȣit.

Ne Saint John 1804

⁴² Yagh ken ten yàwen ne kaghyadoghseradogenghti, nene Christus naah sʼhodiwajirat ne David, ok oni egh enthayenghtaghkwe tsi Kanàdayen ne Bethlehem, tsinonwe David ranakereghkwe?

Neh Nase Tsi Shokȣatakȣen 1880 (4 Gospels by Joseph Onasakenrat)

⁴² Iah kenh naha teȣaton ne kaiatonseratokenti, tsi Taȣit raȣatsirakon nentre ne Keristos, tsi oni tio-hnatakȣonraro ne Bethlehem, tsi nonȣe nihanakere-kȣe ne Taȣit.

John 7:42 ပူးပေါင်းရင်းမြစ်များ

1 Chronicles 2:51

né tekeníhaton roiénha í꞉ken né꞉ne Salma rahónha ronatát꞉tsheron ne Bethlehem, ók nasénhaton niéraʼte ne roienéha Hareph raónha nénh꞉ʼne rotenatónhni ne Bethgader.

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 89:4

‘Iáh nék khók takónhniate ne tsi nienhsatwatsiríhne ne tiókonhte ronónha ahoʼtinontí꞉ioke, kwáh kíʼ enkhehiónhnien nahontkóraste né꞉ne tsi nénhwe enkénhake né nó꞉nen níse ensenhéionke.’” Selah

Isaiah 11:1

Né thenkarénharon kwáh thóh nón꞉we nènhtewe tsi thóh iotsinahá꞉rote ne Jesse, tánon nonàhte kwáh thóh entewatehiáron nahoterá꞉ke.

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Matthew 1:1

KENH Kaiaton tsinithotenekȣensinon ne Iesos-Keristos, David roienha, Abraham roienha.

Matthew 2:5

Bethlehem, taonniron, aseken etho niiot tsi roiaton ne rotokensehakȣe raton:

Matthew 2:6

Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

Luke 2:11

Ne tsi onȣa konh ȣenniserate, Taȣit raonatakon etsiseȣennakerati ne Sesakoskontakohe ne oni ne Keristos, Roianer.

Luke 2:4

Tahatenti kati oni neneh ne Sose tsi tkanataien ne Nazareth Galilene, tsi tkanataien ne Bethlehem niiahare, neh tsi ethononȣe thonatonnisentakȣe ne Taȣit raȣatsiratatie.

John 7:27

Ionkȣaterientare sane tsinithaȣenon ne kenh kaien; nok nonen enhraȣe ne Keristos, iah onka taioterientarake kah nithaȣenon.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 16:18

Saiá꞉ta ne kén nithoʼiónha wathariwaserá꞉ko, “Satahón꞉satat, í꞉i kwáh rí꞉ken ne roién꞉ha ne Jesse thóh tsitkanátahien ne Bethlehem, raón꞉ʼa ne rorenhná꞉hon nahaterenhnó꞉ten. Ne raón꞉ʼa kwáh nón꞉ne eh ronikonratʼtsáni tánon ranekénteron, rashotarí꞉io, tánon ratenikonratʼtókha tsi ní꞉ioht tsi rathátis; tánon ne Roiá꞉ner kwáh nikwé꞉kon ne raón꞉ʼa.”

1 Samuel 16:4

Ne Samuel thóh kiʼ nahá꞉iere tsi kiʼ nahó꞉ten ne Roiá꞉ner wahó꞉nhane, tánon iaháre Bethlehem. Ne rotikstonhonkónhas ne kanatowanénhke tahónhne ne tahontátken ne rahón꞉ha rotiʼiatitsónhkwahne, tánon wahonhníron, “Ní꞉se tsi kénʼen tá꞉se skénnon kén saháwi?”

1 Samuel 17:58

Ne Saul wahawénhase, “Ónhka ní꞉se iesaién꞉ha, nitisahiónha?” Tánon ne Táwit watharihwaseráko, “Ne ratién꞉ha ne sanhá꞉tshera Jesse ne ne Bethlehemró꞉non.”