John 6:40 - Ohiatonhseratokénti

⁴⁰ Kenh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotennieton Karonhiake aiontsennonni, nok ensekheionnhete nonaken tsi teȣenniseronte.

Ne Saint John 1804

⁴⁰ Ok ne kengayen naah tsinireghre ne rakhenha-on, nene tsmiyagon tehonwakànere ne ronwa-yeah, ok raonhage tehoneghdaghkon ne enhodiyendane ne ne eterna adonheta; ok enskheketskoh onen enwadonghwhentjokten.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁰ Konh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotonnieton Karonhiake aiontsennonni, nok ensekheionnhete nonaken tsi teȣenniseronto.

John 6:40 ပူးပေါင်းရင်းမြစ်များ

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Isaiah 53:2

Asèken wahatehiáron ne raohénton kwáh tsi ní꞉ioht ne kénk nitiohiónha kaientʼthó꞉tshera, tánon kwáh né꞉ne otèra watiótkaʼwe ne tsi iahonwenhtsiaʼthénke; iáh othènon tewatʼkatotserí꞉io khés naʼioraséhake tsi nihatʼkatotseró꞉then naʼtsitewatká꞉tho, iáh thaʼhóthen tsi nihatʼkatotseró꞉then né꞉ne atsiʼtewaská꞉neke.

Numbers 21:9

Káti ne Mahís ne wahaniarónhniate ne tehiotwístaron notsínekwar karístatsi tánon kanakarahkénhiate iarohá꞉ren. Nónhka nóniare iakoká꞉rion enhiekenʼénhion ne tehiotwístaron karístatsi óniare hionhniáton tánon kíʼ entseiewénhtane.

Matthew 10:15

Oriȣiio tsi kȣarori tsi senha enhioteseroȣanaten neh nonȣe, tsiniiot ne Gomor oni ne Sodome nonen tontesakoiatoretane tsi nenseȣatonȣentsiarisi.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

St. Mark 16:16

Enhiontsennonni nentiaketakȣe, nok enhiontkaronni nenhiontennoȣente.

Luke 2:30

Aseken ontkatto ne kkarake ne Etsienha sesetenratane.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

John 10:28

Nok nʼii neh kheiaȣis ne ionnheonȣe, iah oni nonȣenton tiiakontiiessa, iah oni onka tataonsaionkhsiotarisi.

John 11:24

Tontakenron ne Marta; ȣakaterientare tsi enshatonnhete nonen tentiontkestsko akȣekon nonkȣe neh nonen onaken tsi teȣenniseronte.

John 11:25

Tontahenron ne Iesos: Ii ne tsi tsiontonnhests oni ne iakaonnhets; onka taȣetakȣon niihne iaȣeronhatien nenhaȣenheion, enhronnheke.

John 12:45

Onka tehakkanere tehokanere ki oni ne takatorion.

John 12:50

Nok ȣakaterientare tsi iakaonnhests ne raoriȣaokon; tsi kati nikon katroris, eh ki nikierha tsi skatrori, tsinihoieren tsi rakrori ne Rakeniha.

John 14:17

Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

John 14:19

Onen iah taonsaionnise, iah nonkȣe taonsaionkken; enskȣakenseke ki tanon nise; nok tsinikonnhe etho oni nise nentsionnheke.

John 17:2

Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

John 3:36

Karonhiake enhatsennonni nentretakȣe raosennakon ne Roienha; nok ne iah tethaȣetakon raosennakon ne Roienha iah nonȣenton tiiahatkatto ne Karonhiake, ok eken tanon neh enhorane ne Niio raonakȣensera.

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

John 5:24

Oriȣiio akȣa oriȣiio tsi kȣarori, onka kiok enhataonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onen ok tanon tehotohestston ne kenheiatne tsinonkȣati tsi iensronnheke onȣe.

John 6:27

Tosa neok seȣaser tsinahoten ne kenheions, neh tanon ne ionnhe onȣe oni iaiakohiatheȣe Karonhiake, neh oni nʼonkȣe Ronȣaienha hentsitsion: Aseken ne Roniha Niio, akȣa raonhake tehonetorarakon ne raonikonra.

John 6:39

Kenh kati nihonikonroten ne Rakeniha ne thakatennieton: nene tosa othenon aonkatons tsinikon rakaȣi, akȣekon tanon aonsakheionnhete nonen enȣatenniserokten.

John 6:44

Iah onka takakȣeni aonkiatorenne; ne iah Rakeniha ne oni ne thakatorion taontahoiatatirontane, nok nii enshiionnhete nonen onaken teȣenniseronte.

John 6:54

Onka kiok ihraks nakeȣaronk oni ranekirha nakenekȣensa, roien naronnheke Onȣe, nok enshiionnhete nonaken teȣenniseronte.

John 8:56

Abraham etsiseȣaniha, koȣanen tsi rotonnhahere nahattkatto enska nii akennisera; rotkatton katon nok rotsennonnihon.

Romans 5:21

Kwáh káti, tsi ní꞉ioht ne kariwáneren wakaiatakwenihió꞉ne ne kenhéion, thóh káti nòn꞉ne ní꞉ioht ne Rawenni꞉io rahoténrat tsi kaiatakwení꞉io neh kariwakwarishóntsera, thóh niehionkwahiaténhas tsi nónwe ne ionnheónhwe natónnhets rahonháke ne Ié꞉sos Kerístos sonkwaiáner.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Hebrews 11:1

Naiakoiéntahke ne tewetáhkwen ne naiorihwí꞉ioke tsi nahoténsons tewahskáneks, naiorihwí꞉ioke tsi nahoténshons ne iáh tewáhtons aitewatʼkátho.

Hebrews 11:27

Tewehtákwen seh wahahónnien ne Mahís nahonsahanakeráko ne Egypt kwáh tósa thènen ahoteronníhake ne Ronontí꞉io rahonakwáhtshera. Tsi síken ní꞉ioht ne wahóken ne iáh theohiatáken Rawenni꞉io, iáh theothontáton nahosahókton.

1 Tiér 1:8

Níse tsi sewanorónkwa, ehʼthoʼsáne iáh nonwénton thetsisewáken, tánon níse tatsisewéthakwe, ehʼthoʼsáne níse iáh nonwénton thetsisewáken. Káti níse kowánen wesewathonnáren ó꞉ni tsi niʼioriwanerákwat natʼtsennonniátsera, iáh tekawénnaien náionste nakanikonraiénthaʼte,

1 Sawátis 2:25

Kén káti ní꞉ioht tsi sonkwararasténni ne kwá rahónha ne Kerístos entesóntion ne ionnheónwe.

Jude 1:21

tánon thónon nasewataténronk rahononronkwatsherákon ne Rawenni꞉io, tsi entsisewaterárate ne Sonkwaiáner Ié꞉sos Kerístos ne rahotenrahtserákon nahontáhion ne ionnheónwe atónnhets.