John 5:44 - Ohiatonhseratokénti

⁴⁴ Oh nah oni naiaȣenne naonteseȣetakȣe, ise neneok seȣesaks nonkȣesonha akorensarontsera, nok iah neh teseȣesaks ne Niio okʼ raorensarontsera?

Ne Saint John 1804

⁴⁴ Ogh nen áwen enteseweghtaghkon nene tsyadaddàwighs ne atkonyenghtsera, ok yaghten sewarighwisaks tsini watkonyenghtseròten nene Niyoghne ok teyoyénghdaghkwen.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁴ Oh nah oni nainȣenne naonteseȣetakȣe, ise neneok seȣesaks nonkȣesonha akorensarontsera, nok iah neh tcseȣesaks no Niio okʼ raorensarontsera?

John 5:44 ပူးပေါင်းရင်းမြစ်များ

2 Chronicles 6:8

ók ne Roiá꞉ner wahawénhase, ‘Teshié꞉ritskwe tsi tesatonhontsóniʼne naskenonshón꞉nien nononsatokentiʼkówa,

Jeremiah 13:23

Ahiekwéni onhtèken ne onhkweshón꞉a tahietéhni tsi nihionsohkóten ne akonhéhont, tó꞉ka ó꞉ni ne tahkoskóhwa ne iohrahkwahrónnions ahonthónthe tsi iohrahkwahrónnions? Tó꞉ka ahiekwéni, í꞉seh ne nék khók sehwahiote ne kariwahétken ahónton nahisehwahweientéthaʼne né sehwahióten ne tkarihwahiéri.

Matthew 23:5

Akȣa oni neok, neok ronesakon ne taonȣatirensaronste nonkȣe okon ne rahotiȣeiennake: Aseken kennoȣanens ronaninaniionton, oni ȣakoses tekafasontakȣen ne rahonatiataȣit.

Luke 19:17

Tontahenron: etho, ioianere tsi sennhastseriio; nekati tsi sariȣatoken tsi nonȣe kenh niioriȣaha, Oieri nikanatake ȣakonhiatakȣeniioste.

John 12:43

Aseken neki ȣahatirako nʼonkȣe akorensarontsera tsiniiot ne Niio raorensarontsera.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 3:20

Aseken onka neok iakaȣesakonhaties ne iotaksen, iesȣenski ne teiosȣathe, iah oni akta teientha tsteiosȣathe, onȣa sotsi enhiontatattokase tsi ieȣeiennai ksen.

John 5:41

Iahse Onkȣene tetekhas nakiatanerakȣatsera.

John 8:43

Oh kati niiotieren tsi iah teseȣanikonraientas tsini keȣennoten? neki tsi iah taeseȣakȣeni naeseȣataonsatate nakeȣenna.

Romans 2:10

Nók Rawenni꞉io entʼthátkaʼwe ne kahiataterítsera, kakwenienstátsera, tánon ne skén꞉nen tsi nihiákon ne eniakohióten neh iohiánere, nehʼne Sitaeró꞉non entatihénte, tánon thóne ne iáh tehatisitaerónons.

Romans 2:29

Neh꞉ne kwáh tokén꞉en ronwahwarakwétaron, tsi niʼiáwens, ne kwáh Sitaeró꞉non neh꞉ne kwáh raweriá꞉ne íken, neh kíʼ tsi kwáh raweriáne thoʼtákwen tsi ronwahwarakwétaron, neh꞉ne Rawenni꞉io Rahonikónra thóh nihióson, nók iáh tsi nahóten ne kahiatónʼnion neh kaianerenserákons. Kíʼ rónkwe raiénas ne rahorensaróntsera neh꞉ne Rawenní꞉ioke néntewe, iáh nonkwé꞉ne.

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

2 Corinthians 10:18

Enwá꞉ton ne í꞉se tenhsataterénhsaron, nok né꞉ʼe khók watahsé꞉tas tsi nahò꞉ten Roiá꞉ner enharihwahní꞉rate.

Philippians 2:3

Tóhsa shenosásek tóhka ó꞉ni asatatonníheke, nók kíʼ tasariwaiérik tanon iaseieʼhiáran notsiakéson tsi sénhase roʼnónha rathiriwhásta tsi níʼioht neh sewátsiake.

1 Thessalonians 2:6

Iáh tehionkwateniénten nónka ahionkihiatanerákwathe, iáh niséke iáh ó꞉ni notiakhésons,

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

Hebrews 3:12

Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.

Ne꞉ne Sák Rohiaton 2:1

Tewatenroshónhas, neh tsi theʼtsitewetákwen ne Sonkwaiáner Ié꞉sos Kerístos, rahónha Roianere ne kahiataterítsera, tóhsa nonwénton takontʼthihánionke tsi níʼioht tsi ahsekwénienste nónkwe ne taʼskatʼkáneren tsi nahiontʼkathotseróten.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

Jude 1:25

kwáh saiátak khók ne Rawenni꞉io rahonha ne Sonkwaiatákwas, tsi non nitawénon ne Ié꞉sos Kerístos, Sonkwaiánere, ne kaiataterí꞉tsera, ronnontí꞉io, kaʼshatsténsera, tánon rakórah, tsi nitiothohestánion, tánon nónwa, tanon tsi nienhénwe ó꞉ni tsi nén꞉we! É꞉tho naiá꞉wenhne.

1 Samuel 15:30

Eʼthóhne ne Saul wahén꞉ron, “Ní꞉i wakherihwanerahákskon; nék kík sá꞉ka taʼkwénienst nón꞉wa raotihén꞉ton ne tonhnonkweʼtaions ne nakonkwetashón꞉ʼahs tánon raotihénton NʼIsraerʼró꞉nons, tánon ietsitiaterósen, nètho nahón꞉ton ahisénhnaien ne Roiá꞉ner Saní꞉io.”

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.