John 5:23 - Ohiatonhseratokénti

²³ Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.

Ne Saint John 1804

²³ Nene ongwehogon enhonwakonyenghsthak ne Roye-ah, nene agwagh tsini honwakonyenghstha ne Ronihha. Raonha nene yaghten hokonyenghstha ne Roye-ah yagh oni ten hokonyenghstha ne Ronihha nene ronhà-on.

Neh Nase Tsi Shokȣatakȣen 1880 (4 Gospels by Joseph Onasakenrat)

²³ Eh naontaȣe akȣekon ahonȣakonnienste ne Roionha, tsi nihonȣakonnionsta ne Roniha. Onka iah tehokonniensta ne Roienha iah ki tehokonniensta no Roniha, aseken raonha thotennieton.

John 5:23 ပူးပေါင်းရင်းမြစ်များ

Psalms 2:12

Tsisewawénhnarak ne Rawenni꞉io roiénha, tó꞉ka iáh kwáh enhianákwahse tanon ne tsi sathahítake atkaronhniátshera ne í꞉ken asèken ne raonakwáhtshera kwáh thenwatʼtsiró꞉ko. Iakotaskáts tsi nihiákon rahonháke nón꞉we nihiontekwáhsens.

Isaiah 42:8

Í꞉i ne Watiá꞉ner, né naksénhna í꞉ken; natiatanerakwáhtshera kwáh iáh nónka nakóren tethekheʼiáwis, khès naʼkerenhsarónhtshera né satahionkwáhwenhke ne kaiatonhnisónhas.

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Isaiah 45:15

Oriwiʼioónhwe, í꞉se ne Ní꞉io í꞉ken í꞉se sataséhtha ne sonháke, Ó Sewenní꞉io NʼIsraerʼró꞉nons, ne Sakoiatákwas.

Isaiah 45:21

Tesewariwát꞉tet tánon tsiotá꞉si né sewarihwasónha; ánion skát꞉ne ratiʼtsiénhaien! Ónhka kí꞉ken iakokʼróri ne wahónhnise tkènhne? Ónhka iakorihotáshion norihwakáion? Iáh kén Í꞉i tèken, né Watiá꞉ner? Iáh kén ónhka né Ní꞉io akénhake tsi nó꞉kwah ní꞉i, né꞉ne roiánere Ní꞉io tánon Sakoiatákwas; iáh ónhka nó꞉ia tekáien ne ók ní꞉i.

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Matthew 10:37

Onkakiok senha roniha, ok neʼsʼ ne ronistenha senha sakonoronkȣa tsiniiot nii iah tatehakeriȣatson; ok neh sakat ne senha roienha ok neʼsʼ ne raienha senha sakonoronkȣa tsiniiot nii iah othenon tatehakeriȣatson.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Matthew 12:21

Akȣekon ok nonkȣe enhonȣasennaniahesen.

Matthew 15:8

Tsi raȣen: Ratisehneʼkʼok ionksennaiens neok iaken ne iaken tsi ionkkonniensta; kenhkaien ne raoneri ih non neneh teiakȣatere.

Matthew 28:19

Ȣasene kati, nok ietsirionnien, akȣekon nonkȣe, ietsinekȣahest raosennakon ne Roniha, nok Roienha neoni ne Ronikonriioston.

Luke 10:16

Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok ne rakeȣennonties roȣennonties ki ne takatennieton.

John 14:1

TOSA teseȣatatenikonrharen tiseȣetakȣen Niiohne, taseȣetakȣenhak kati oni niihne.

John 16:14

Raonha enhaksennoȣanate; aseken tenrakȣe nakaȣenk nok enhtsiseȣarori.

John 17:10

Nok tsinikon ȣakien, saȣenk; nok tsinikon saȣenk akaȣenk oni nii, nok rononha enhionksennoȣanate.

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Romans 15:12

Tánon áreh, tsi niháwen ne Isaiah, “Tsi nithotwahtsirínon ne Jesse enhatotáshon, Éntʼreh nasakohentéseh ne iáh tehatiʼsitaerónons, tánon rahonháke non nenhatíʼien neh rahonaskanéktseras.”

Romans 6:22

Nók kíʼ nónwa ónen tsi sewathotaríshion ne kariwanerenhákʼkonke, tánon kíʼ ónen thóhʼnon nitsisewanáskwa tsi nòkwati ne Rawenni꞉io. Enkanánon natónʼnhets tensewaténtsa tsi nensewariwatóken꞉ke ne rahonháke, tánon ne iehiokwékton natonʼnhes ne ionʼnheónwe.

Romans 8:9

Nók iáh kíʼ owarón꞉ne non tesanikonrahnentákon; neh saháwi tsi nisaróris nonikónra, ne sehnèkwa, Rawenni꞉io rahonikónra saháwi. Ónhka kíʼ ók iáh teháhawe neh Kerístos rahonikónra iáh kíʼ rahónha tehahonkwéta.

1 Corinthians 1:3

Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

1 Corinthians 10:31

Ioiáneren, kwáh tsi nensháh꞉tiere, tóhkaʼ tashatskáhon tóhkaʼ ó꞉ni hasnekírah, né thóh náhtier ne tsi Rawenni꞉io rahohiatanerahkwáhtshera.

1 Corinthians 16:22

Ónhka síken ne iáh tehonwahnorónkwah ne Roiá꞉ner—ronwahréhwat! Marana tha—Onhkwaiáner, táhse!

1 Corinthians 6:19

Iáh kén tesewateriéntare ne sewahiéronke né꞉ne raononsatokénti ne Ronikonratokénti, ne tionháke nónwe nihénteron tánon né꞉ne Rawenni꞉io tsi sewáhwi? Iáh í꞉se tesewahiatakweʼní꞉io ók kwáh Rawenni꞉io khók;

2 Corinthians 1:9

Kwáh se eh tho ní꞉ioht tsi iakwattókaskwe tsi eniakwénheie. Waʼkakwé꞉ni tsi waʼakwatká꞉we tsi í꞉ʼi iakwatateniahé꞉sen nok taiakwatáhsawen Rawenni꞉io sahshakwaniáhese, tsi niká꞉ien ne sehshakaónhnhets ne iakawenhé꞉ion.

2 Corinthians 5:14

Neh꞉ne Kerístos raonoronhkhwáhtshera ionkwahá꞉wi. Kwáh seʼ orihwí꞉io iontión꞉ni tóka shaià꞉ta shakawenheiá꞉se nakotiaʼkéhshon, tho káti ní꞉ʼi tewaià꞉tare.

2 Corinthians 5:19

Tsi nahò꞉ten iakwén꞉tons ne Rawenni꞉io nikwékon ne Kerístos shakowískwe ne skén꞉nen ó꞉ni naonsahshakoʼnikónhrenʼse ne kén꞉ʼen ronnonhontsaʼkehró꞉non. Nok í꞉ʼi shonkwaioʼtenhserá꞉wi ne aiehthiiohetstháhse ne raoterihwahnotáhtshera tsi nonkwá ne skén꞉nen.

Ephesians 6:24

Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.

2 Timothy 1:12

tánon neh kíʼ ahoríhwah wahkeronhiáken kí꞉ken nahorihoténsons. Onk sékon kíʼ wahkenikonraníron, tioríhwah wahkateriéntare ónhka thiʼietákwen, tánon kwáh orihwí꞉io wahkónni rohkwénion nahatiatanónstathe tsi nióre ne tewenniseráte tsi nahóten rakeniahesáʼon.

Hebrews 1:6

Nók nónen ne Rawenni꞉io ákta síweh nahontaoténiethe ne tiotserénton rawennakeráton roiénha ne tsi ionwentsá꞉te, wahénron, “Ratikwékon ne Rawenni꞉io raoronhiakerónons ónenk tsi enhonwahsénnaien.”

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

1 Sawátis 2:23

Ónka enhonwakénron ne Roiénha enhonwakénron kíʼ non꞉ne ne Kanisera, ónka enhonwatiénawaste ne Roiénha nikwekon kíʼ ne Kanísera.

2 Sawátis 1:9

Nónhka ne iáh teiésere ne Kerístos rahorionhnienní꞉tsera, nok ienhiontóhetste, iáh tenikwé꞉kon ne Rawenni꞉io. Nok nónhka ahiontié꞉nawatste ne karihonnienní꞉tsera tenitiáron kih ne Kaʼní꞉sera ó꞉ni ne Roiénha enhatikwekónhake.