John 5:19 - Ohiatonhseratokénti

¹⁹ Tontasakoȣennaȣeron kati ne Iesos, ȣahenron: Oriȣiio akȣa Oriȣiio tsi kȣaroris: tsi iah othenon tahakȣeni ne Roienha ne raonhaa akenhake, ne iah tatahokanerake ne Roniha othenon nahaiere; aseken tsiki nenhaiere ne Roniha, eh ki nonhaiere ne Roienha.

Ne Saint John 1804

¹⁹ Ethone tehharighwaseragon ne Jesus, ok wahsʼhakawenhaghse, togenske onwe wakwaghròri, yaghten ahagwèni ne Royeah oghnenhatyere ok tsinahhoten tehakanere tsinihoyerenhatye ne ronihha; iken tsi ok (ne orihhoten ne ratyerha etho oni) ne enhatyere ne Roye-ah.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁹ Tontasakoȣennaȣeron kati no Iesos, ȣahenron: Oriȣiio akȣa Oriȣiio tsi kȣaroris: tsi iah othenon tahakȣeni ne Roienha ne raonhaa akenhake, ne iah tatahokanerake ne Roniha othenon nahaiere; asekon tsiki nenhaiere ne Roniha, eh ki nonhaiere ne Roionha.

John 5:19 ပူးပေါင်းရင်းမြစ်များ

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Genesis 1:26

Eʼthó꞉ne ó꞉nen ne Rawenni꞉io wahén꞉ron, “Ánion, rón꞉kwe etshitewaiatón꞉ni tsi nitewatkahthohtsherò꞉ten ó꞉ni kwáh tsi nitewaiatò꞉ten: tánon ánion raónha tehshakonariotáhrhok ne kentsonʼshón꞉ʼa ne kaniatarakehkowáhne, ó꞉ni tsi nonkwá ne otsitenʼokón꞉ʼa ne tsi karonhiá꞉te kontitses, ó꞉ni ne ienáhskwaiens, ó꞉ni kwáh ohontsakwé꞉kon, tánon kwáh tsi niaʼtekón꞉ti ne konté꞉seres ne tsi ionhwentsá꞉te.”

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 50:6

Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

Exodus 4:11

Ne Roiá꞉ner wahénron, “Ónhka thonʼwáwis ne rónhkwe ne tsi rashaʼkáronthe? Óhka ronhionhʼniénhnis ne tahahóntaʼkweke tó꞉ka ó꞉ni nahaʼtewenhnáton? Ónhka tonwáhwis nahatʼkathósehke tó꞉ka ó꞉ni taharónweke? Kwáh Í꞉i, ne Watiá꞉ner.

Proverbs 2:6

Ne tsi Roiá꞉ner thatká꞉waʼs attokháhtshera ráonha ó꞉ni thatká꞉waʼs karihonnienníhtshera tánon kaʼnikonhraientáhtshera.

Isaiah 44:24

Ká꞉ti rá꞉ton ne Roiá꞉ner, né shiaʼhiatákwen, ónhka iesaiatón꞉ni ne tsi watewiʼraráhkwah: I꞉i ne Watiá꞉ner, wakʼsahánion norihwakwékons, iatetiá꞉ti khók tsi tewakʼtakwahríhton ne tsi karonhiátes, iatetiá꞉ti khók tsi wakonhontsaʼkwénhtaron;

Isaiah 45:24

Kwáh rahonháke khók ne Roiá꞉ner, nón꞉we nenhionkʼthá꞉rakwe, né꞉ne karihwaʼkwahrishióntshera tánon kashatsténhsersa; tshiehatiʼkwé꞉kon ne ronhwaná꞉kwase kwáh rahonhàke nentʼthón꞉ne tánon enhonwanatéhate.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Matthew 26:39

Nok isih niiore niionsare nok etho ȣahatiskȣentahren, ȣahaterennaien, raton, Rakeni! aontonsekeʼsʼ enʼsʼ ehren askhaȣitase ne kenh katse; tosa ki tanon ii aontonkenikonraierite, ise ki aontesanikonriione.

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

John 10:18

Iah onka taionkekkȣa, akȣa ki Ii akatennikonra tsi katsiakȣarisions; ȣakkȣeniatseraien nʼakatken-rate ȣakkȣeniatseraien oni naonsakiena; Rakeniha eh niiot tsi rakrori.

John 12:49

Aseken iah ii teȣakatennikonra tsiniiot tsi ȣakatati; Rakenihase ne takatorion raonha rakrori oni rakerionnienni tsinenkiere tsi enkatati oni tsi enkeȣenninekenne.

John 12:50

Nok ȣakaterientare tsi iakaonnhests ne raoriȣaokon; tsi kati nikon katroris, eh ki nikierha tsi skatrori, tsinihoieren tsi rakrori ne Rakeniha.

John 14:10

Iah kenh tetisetakȣen tsi iakenikȣekon ne Rakeniha? tsini ioȣennake konrori iah ii teȣakatennikonra; nese ne Rakeniha iakenikȣekon eh nihoteȣeiennisonhonhaties.

John 2:19

Iesos tontasakoȣennaȣeron ȣahenron: saseȣanonsarisi ne kenh Ononsatokenti, nok asen nenȣata enskenonsisa.

John 3:3

Ȣahenron ne Iesos tsi tontahoȣennaȣeron: Oriȣiio tsi ȣakonrori tsi iah teiontaȣeiatane ne Niio raonakeraserakon ne iah ase tentsionnakerathe.

John 5:21

Tsi ki niiot, tsi sesakaonnhests ne Roniha ne iakaȣenheion, eh ki oni neneh niiot ne Roienha ok tenhanonton onka onsesakaonnhete.

John 6:38

Aseken tsi teȣakastsnenton ne karonhiake, iah neh teteȣakenienton nii akatatenikonraierite neh tanon nahinikonraierite ne thakatennieton.

John 8:28

Tontahenron kati ne Iesos: tsi nentsiseȣaia takaratate nonkȣe Roienha ethone enseȣatokense tsi ii, tsi iah oni othenon nii teȣakaterienta tsi nikierha, neh tanon katroris tsinahoten ne Rakeniha rakerionnienni.

John 9:4

Iatekakonte tsi oh nenkiere tsini hakennhaon ne takatorion, iotiesaonʼkʼ sekon niiaȣenniserote; taȣe tsinonȣe nentiokaraȣe tsinonȣe ne iah onka taonsaiakoioten.

Acts 2:24

Nók Rawenni꞉io sahokétsko ne kenhehiát꞉ne, sahót꞉kaʼwe nahosatsʼtenserákon, Asèken iáh tehioríwaien ne kenhéion nahotiatakweʼní꞉iosʼte.

Romans 6:4

Tsi ionkwatenekwahéston, nekáti, wehtewénheie tsi ní꞉ioht neh skát꞉ne ne raónha, tánon skát꞉ne ionkihiatháten, neh nahontáwe, kwáh tsi ní꞉ioht tsi sonwakhéskwen ne Kerístos ne kenheiát꞉ne, neh tsi niʼioriwanerákwat ne rahosatsʼtensera ne Kahnísera, neh nahónton náse nahonsiʼtsiónʼnhe꞉ke.

Romans 8:11

Tóhka ne Rahonikónra ne Rawenni꞉io, tsi raónha shokhétskwen ne Ié꞉sos ne kenheiátʼne, seh nikwékon, éhʼtho káti tsi nikáien shokhétskwen ne Kerístos ne kenheiátʼne, neh káti ó꞉ni enrónʼnhete tsi nihiotsihióha sewaieróntas ne tsi niwéhne tsi sehwakwékon ne rahonikónra.

1 Corinthians 15:12

Nónwah, tsi né ionkwahteriwahnóthe ne Kerístos tsi sonwahkétskwen ne kenhéiatne, ónh ní꞉ioht tsi ahisewahkwéni nótiake nahisewénhron ne iakawenhéion iáh tahonsahonwahtiʼkétsko nahonsahontónnhethe?

2 Corinthians 4:14

Ne tsi ionkwaterién꞉tare ne Rawenni꞉io tsi shokétskwen ne Ié꞉sos, tethó꞉wi natónhnhets. Ó꞉ni kwáh tsi ní꞉ioht ne Rawenni꞉io tsi shokétskwen ne Ié꞉sos, eh tho ní꞉ioht tsi ensehshontiónhnhete. Eh thó꞉ne tewakwé꞉kon raiaʼtákta ienionkwatá꞉tere.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Ephesians 2:5

shé꞉kon kíʼ nonʼné꞉e nó꞉nen karihwanerahaktsherákon nónwe naionkwenhéionke, thonʼtashónʼtion nahtónnhets nó꞉nen sonshahokétsko ne Kerístos ne kenheiátʼne. Kwáh nek khók wahkarihónni tsi Rawenni꞉io thóh nontahanónwehne nahonshahianiákenthe.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Philippians 3:21

Ákwe niesakosastenserakénʼnion, Tánon ó꞉ni éhtho ní꞉ioht tsi ensakwatáko kíʼ tewaiéronke ne neh tahonsakaieróntarake tsi niʼioriwanerákwat ne rahónha raierónke.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.

Colossians 1:16

Asè꞉ken rahonhá꞉ke nón꞉we ne Rawenni꞉io orihwakwé꞉kon nihosahánion ne tsi karonhiá꞉te ó꞉ni nonwentsiá꞉ke, ne ióken tanon nahóten ne iáh teiókens, thóh í꞉kare ne kariwiiostóntsera ahosasténseras, Rotiʼianers, ratikorásons, tánon ne karíhtons. Rawenni꞉io kwáh orihwakwé꞉kon rahonhá꞉ke non rosahánion ne tsi karonhiá꞉te ó꞉ni ne tsi ionwentsiá꞉te tanon rahónha rahoriwà꞉ke.

1 Thessalonians 4:14

Tsionkwetákwen ne Ié꞉sos tsi rawenhéion ónk sotʼkétskwen, tánon káti tsi tionkwetákwen nètho Rawenni꞉io skát꞉ke ienseshakohiaténhawe ne Ié꞉sos tsi niháti ronenhéion ne thonwetákwenʼne.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.