John 3:33 - Ohiatonhseratokénti

³³ Nok onka rotaonsatati, roriȣaniraton ki tsi Niio ihken ne Niio.

Ne Saint John 1804

³³ Raonha nene royèna tsinihorighhòten roweyenenda-on ne raonigonragon tsi togenske naah ne Niyoh.

Neh Nase Tsi Shokȣatakȣen 1880 (4 Gospels by Joseph Onasakenrat)

³³ Nok onka rotaonsatati, roriȣaniraton ki tsi Niio ihken ne Niio.

John 3:33 ပူးပေါင်းရင်းမြစ်များ

Hebrews 6:17

Tsi nihiákon naiehiéna tsi nihorahrátston, ne Rawenni꞉io kwáh tehothonwenhtión꞉nine né kwáh awehnéhake tsi iáh nonwénhton tatahonshaoterihwahthénien; káti thóh iaháiesthe ne raorihwahnirátʼtshera tsi nihorahrátston.

Ephesians 1:13

Tánon ó꞉ni Rawení꞉io rahonkwéta sewatónʼon neh nónen shesewatʼthóntene ne oriwihioʼónwe ahtheriwahnothátsera, ne kariwí꞉ios thisewahawitén꞉ni ne sewahiathakenákʼtsera. Thaʼtsisewétakwe ne Kerístos, tánon ne Rawenni꞉io wahatsíkwente neh tionhakéson tsi rahónha se rahonkwetaʼsónha ó꞉ni ne ne Ronikonriʼióston íken tsi nihorahráston.

2 Corinthians 1:22

Ó꞉ni ró꞉ton ne Raoʼnikonratokénhti nonkweriahnéhshon ne aweʼnéston tsi raónha se raonkweʼtaʼshón꞉ʼa.

2 Corinthians 1:18

Rawenni꞉io iotón꞉ʼon nahonwaniáhese, í꞉ʼi ó꞉ni, nó꞉nen enkí꞉ron tsi ní꞉kon tekwarihwaserakwén꞉ni tió꞉konte “Hen niehé꞉ken iáh nowén꞉ton tóka ken ne Iáh akénhake.”

John 6:27

Tosa neok seȣaser tsinahoten ne kenheions, neh tanon ne ionnhe onȣe oni iaiakohiatheȣe Karonhiake, neh oni nʼonkȣe Ronȣaienha hentsitsion: Aseken ne Roniha Niio, akȣa raonhake tehonetorarakon ne raonikonra.

John 8:26

Eso ȣakeriȣaien nakȣenhase oni nakȣariȣentakȣe; ȣakaterientare ki tanon tsi roriȣatoken ne thakatorion, neh kati tsinahoten tsioni nikon riȣennaronken nehe sekheroris nonkȣeokon.

Romans 4:11

Oʼnhàken kén nihonwawarakwétaron, tánon tsi rhotewarakwétharon ne iawenéston tsi aonteriwanírate neh tsi tawethákwen ne Abraham ne Rawenni꞉io wahokwénienste tsi síken ní꞉ioht nahoʼthonkwethakwarísion nohénton sahonwahwarakwétaron. Rahóna káti ne Abraham neh kariwihiosthóntsera kanísera tiokwékthon tsi niʼiákon tiakawethákwen ne Rawenní꞉ioke tánon ó꞉ni raónha ne Rawenni꞉io ensakokwéniensʼte, iahwerhohátien tsi iáh teonwathiwahrakwétaron.

Romans 15:28

Neh nónen enkeriwaiériʼte kí꞉ken kahioténsera tánon enthekheiáwi nowísta ne ronwatirohróki, ehʼthóhʼne káti Spain non nienhénke tánon iekwanatarénaʼse tsi niahonkenonhátie neh non.

1 Corinthians 9:2

Iawerohátien ne akorénson ne iáh teiontiénteres tsi kateriwahnótʼtha, nók kíʼ níse takwaiénteres! Tioríwah tsi nitionnhétie tsi tesewahteriwahsóntere ne Roiá꞉ner í꞉se tionháke kariwanírats noriwí꞉io tsi kateriwahnótʼtha.

Ephesians 4:30

Tánon tóhsa tsiónʼnien ne Rawenni꞉io Raonikonratokénti nahonikonráksen; Asèken rahonháke ne Ronikonratokénti nón ne Rawenni꞉io roieronnístʼthon níse tsi rahónha rahonkwéta, neh kariwanírats tsi ienwatenniseríhewe ne Rawenni꞉io tsi enshanerénsi.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

1 Sawátis 1:10

Tóhka entewénron iáh othènen teionkwariwáneren, watsitewahnowentónni ne Rawenni꞉io, tánon iáh thetewakwékon ne rahowénna.