John 3:16 - Ohiatonhseratokénti

¹⁶ Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

Ne Saint John 1804

¹⁶ Iken ne Yehovah egh ne sʼhakonoronghkwa nʼongwe, nene rodewendeghton nene raonhàon rodewedon rohhàwak, nene onghka kiok teyakaweghdaghkon raonhage yaghten a-onghtonde, ok denghnon aontehodiyendane ne eterna adonhèta.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake no raonhake aietsenri atsennonniat.

John 3:16 ပူးပေါင်းရင်းမြစ်များ

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

Genesis 22:2

Né Rawenni꞉io wahén꞉ron, “Iatshiaténhaf néʼtshièn꞉ʼa, énskaʼ khók sanekenhteronʼtsherá꞉ien ne ne Isaac, tsi niká꞉ien ne etshenorónhkhwa, tánon tsi tiohóntsaien ne Moriah niahá꞉sene. Thóh tsi tionontáhere nón꞉we iatʼshenonhwariá꞉kon tánon sátshaʼaht ne raoieròn꞉ta né enhséktatshe.”

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Matthew 9:13

Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natateȣenniiotsera. Aseken iah neh tokheroriane ne tionkȣetaieri aonsaiontatreȣate, neh tanon ne iakoriȣaneraakskon.

St. Mark 12:6

Karo onen neh nakȣa Roienha Ronoronkȣa iahotori nonaken ȣahaonniate; Sahenron; tenthonȣarhoton naha ne neh ne Riienha.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

John 1:29

Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

John 10:28

Nok nʼii neh kheiaȣis ne ionnheonȣe, iah oni nonȣenton tiiakontiiessa, iah oni onka tataonsaionkhsiotarisi.

John 3:15

Netho naontaȣe tosa aiahiheie tsini iakon entiakaȣetakon ne raosennakon, aiakoientake tanon nʼaiontsennonni-onȣe.

John 3:18

Iah nonȣenton tiiahatkaronni ne thaȣetakon raonha raosennakon, nok tanon neiah tethaȣetakon, onen ok neneh rotkaronnihon: aseken iah ki tethaȣetakon ne Raosennakon tsi neok enskat Niio Roienha.

John 3:36

Karonhiake enhatsennonni nentretakȣe raosennakon ne Roienha; nok ne iah tethaȣetakon raosennakon ne Roienha iah nonȣenton tiiahatkatto ne Karonhiake, ok eken tanon neh enhorane ne Niio raonakȣensera.

John 6:40

Kenh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotennieton Karonhiake aiontsennonni, nok ensekheionnhete nonaken tsi teȣenniseronte.

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

Romans 8:32

Sékon ó꞉ni neh kwáh roiénha iáh kih tehonónsthaton ne tóhsa aharoniáken, nók wahahónnien nahonthasónkwaʼne! Tsi wahshóntion neh Roiénha—iáh káti onhtèken ó꞉ni kwáh skenénstsi tsi entesóntion nohiáshon nihiorihoténsons?

Ephesians 2:4

Nók kíʼ ne Rawenni꞉io rahoténrat tsi nikowánen, tánon tsi naʼtehiotenonhianíton sonkwanorónkwa,

2 Thessalonians 2:16

Aiáwens ne Sonkwahiáner Ié꞉sos Kerístos ó꞉ni ne Ní꞉io Sonkwahníha, tsi nikaíren ne sonkwahnorónkwahon tánon ó꞉ni ne raotenretserákon teshonkwáwi ne iáh tehionéronse kanikonrahnirátʼtshera tánon ne ioriwahníron arahrátʼtshera,

Titus 3:4

Nók nónen thóh ne raorihwahierítʼtshera ó꞉ni ne rahononronkwátshera ne Ní꞉io ó꞉ni ne Sonkwaiatákwas sonthotáshion,

Hebrews 2:9

Ónk kíʼ tsi tewáhkens ne Ié꞉sos, tsi nikáien ne kénk nikaríwes è꞉tahke roión꞉ni tsi nòkwah ne ratironhiakerónons, ne káti nonkweʼtakwé꞉kon ashakawenhéiase thóh nón ne Rawenni꞉io rahotenratsherákon. Ónen tsi tewáhkens rohnonkwahróron ne kahiatanerakwáhtshera ó꞉ni kakweniensthátshera tsoríwah tsi nihoronhiakén꞉en tsi rawenhéion.

1 Sawátis 3:1

Satkátho tsi niʼiawetatsáni ne Kanísera sonkwanoronkwáʼon! Tohʼnióre tsi tehiotenonnianíton ne rahononronkwátsera thóh ní꞉ioht tsi ionkihientéri Rawenni꞉io sonkwaienhokónha—tánon kíʼ kwá tóhʼkenske thoʼ ní꞉ioht. Neh kíʼ aoríwa ne ronnonwentsiakerónon iáh tehionkiʼientéri: iáh tehonwaientheráʼon ne Rawenni꞉io.

1 Sawátis 4:19

Ionkwáien ne kanoronkwátshera neh tsi Rawenni꞉io thotierénton sonkwanoronkwáʼon.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,