John 3:11 - Ohiatonhseratokénti

¹¹ Oriȣiio, oriȣiio tsi konrori: tsi neok iakȣatroris tsinahoten ionkȣaterientare, oni iakȣariȣanirasts tsi nahoten ionkȣatkathon: nok sane iah tesataonsatasts tsi nahoten iakȣaton.

Ne Saint John 1804

¹¹ Togenske, togenske onwe, wakoghrory, wawaghtharaghkwen ne ne yakwarighwayèndèri, ok sàyakwatrory ne nahhoten wakwatkaghtho, yaghoni te sewatsteristha tsini yakwarighhòten.

Neh Nase Tsi Shokȣatakȣen 1880 (4 Gospels by Joseph Onasakenrat)

¹¹ Oriȣiio, oriȣiio tsi konrori: tsi neok iakȣatroris tsinahoten ionkȣaterientare, oni iakȣariȣanirasts tsi nahoten ionkȣatkathon: nok sane iah tesataonsatasts tsi nahoten iakȣaton.

John 3:11 ပူးပေါင်းရင်းမြစ်များ

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Isaiah 53:1

Ónka tshiaʼkawetákwen tsi nahó꞉ten wahonkwahthón꞉tene? Tánon ónka iontaterihotashiénhni ne ranenhtshàke ne Roiá꞉ner?

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Isaiah 65:2

Iaʼtewakatsá꞉takwe kwáh kontatsekó꞉wa rononháke né ronteriʼioseranónhwe onhkweʼshónha, né ronónha thóh nón꞉we nionathahítake né iáh teioiánere, né ratísheʼre né iatehatiʼiáti tsi nionatenikonrón꞉ni;

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

Luke 10:22

Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.

John 1:11

Rokȣathon tsi rotonȣentsiate, nok iah tatehonȣarhoton ne ronhionȣentsiakeronon.

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

John 12:49

Aseken iah ii teȣakatennikonra tsiniiot tsi ȣakatati; Rakenihase ne takatorion raonha rakrori oni rakerionnienni tsinenkiere tsi enkatati oni tsi enkeȣenninekenne.

John 14:24

Kenh kaien ne iah tehakenoronkȣa, iah honi tehakeȣennanoronkȣa, neh oni ne seȣaȣennaronken nʼiah ii teȣakeȣenna, neh tanon ne Rakeniha ne takatorion.

John 3:12

Nese ok sane konroris nonȣentsiakekha; oh kati nekenh naiaȣenne naontasetakȣe ne Karonhiakekha akonrori?

John 3:13

Aseken iah nonȣenton onka tiieiakokȣathon ne Karonhiake, nakoren akenhake, neh ok neh nithaȣenon; neh nʼOnkȣe Roienha Karonhiake thanakere.

John 3:3

Ȣahenron ne Iesos tsi tontahoȣennaȣeron: Oriȣiio tsi ȣakonrori tsi iah teiontaȣeiatane ne Niio raonakeraserakon ne iah ase tentsionnakerathe.

John 3:5

Tontahenron ne Iesos: Oriȣiio akȣa oriȣiio tsi konrori, ne iah tensrennakerathe nʼonekanosne nok kanikonrake, iah ki nonȣenton tiiahataȣeiate ne Karonhiake.

John 5:43

Rakeniha raosennakon teȣakientakon, nok iah tateskȣarhotonnis; tihaiatate, raonha oni rahotennikonra tsi ahontare, tentsiseȣarhoton neneh.

John 7:16

Iesos tontasakoȣennaȣeron, nok ȣahenron; Iah iihne tetioientakon nakeriȣatatsera; eh tanon nonkati tioientakon tsinonkati ne thakatorion.

John 8:14

Iesos tontasakoȣennaȣeron, ȣahenron: etho nehne tsi ok ii tikatateriȣanirati, satekena ki naontaiaketakȣe nakeriȣaniratsera; aseken ȣakaterientare tsiniteȣakenon, tsi oni niiaonkenonhatie; iah tanon nise teseȣaterientare kah niteȣakenon, kah oni ȣake.

John 8:26

Eso ȣakeriȣaien nakȣenhase oni nakȣariȣentakȣe; ȣakaterientare ki tanon tsi roriȣatoken ne thakatorion, neh kati tsinahoten tsioni nikon riȣennaronken nehe sekheroris nonkȣeokon.

John 8:38

Neh kȣarori tsinahoten ȣakatkatton Rakenineha; nok oni nise neh seȣaiotaties tsiniseȣatkaton netsiseȣanihneha.

Acts 22:18

Thóh wahíken ne Roiá꞉ner, tsi nahatʼróri, ‘Tesasteríhen tánon aherénsasek ne Jerusalem iosthórek, tsioríhwa nonkwesónha ne ken nónwe tsi iáh tahontahonʼné꞉thakwe tsi nahóten sáton nakeriwá꞉ke.’

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion: