John 20:17 - Ohiatonhseratokénti

¹⁷ Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Ne Saint John 1804

¹⁷ Jesus washakawenhhaghse, toghsa ken ne takwàyere; iken arekho enegen ten wakenonghton ne Ragenihnehha: ok denghnon egh yehàse tsi yederon akwadaddege ongonwa, oni sʼheghròri, enegen wakeghte ne Ragenihnehha, oni ise eghtsisewanihha; oni Iih Akeniyoh, ise oni Eghtsisewaniyoh.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁷ Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon se-roriana nʼiakȣatatekenha: Rakenineha sake, nok etsi-seȣanineha oni nise; Ake-Niione, Etsiseȣa-Niione oni nise.

John 20:17 ပူးပေါင်းရင်းမြစ်များ

2 Kings 4:29

Ne Elisha Gehazi iatotkáneren tánon wahénron, “Óksa! Iahá꞉saf nakathénhnits tánon wáhs. Tó꞉sa ónhka teshenónhweron ne tahitsáteraʼne, tánon tó꞉ka ónhka taiesanónhweron, tó꞉sa sathenhníswat ne taserihwaseráko. Kwáh iasatʼthakwahríhshiat ne tsitkanónhshothe tánon nakathénhnits é꞉neken ne tsi rahiatiónhni ne raksáha ístat.”

2 Kings 7:9

Ók ethóhʼne waʼthontaténhase, “Iáh thaʼteiotonhontsóʼon thóh kíʼ naitewáiere! Karihwí꞉io ionkwáhien, tánon iáh thaʼteiothonhontsóʼon ne otsionháhak khók aionkwahteriéntarake. Tóh꞉ka entewaterá꞉rate tsitʼoronhkéne aitewatʼróri, kwáh siʼiorihwí꞉io tsi entewatréwaʼte. Á꞉nion ó꞉nenk thóh iétewe tsi tewaroriána ne ronnontí꞉io rahonhátsera!”

Psalms 22:22

Kwáh enkheró꞉ri ne sahsénhna ne iakwahthatekenokónhas ó꞉ni ne iakwahtenoshoʼokónhas; raothinenhríhen ne iakoterénhnaien tsi tenkonrénsaron:

Psalms 43:4

Eʼthóhʼne kwáh thóh nón꞉we nienhénke tsi nón꞉we nonkweshónha nihonwaʼsenhnaienhthákwah ne Ní꞉io, asèken í꞉se takonhniénhnis nakatonhnáren; tánon né꞉ne karenhsotháron osnonsaiónstha né énkatsʼte tsi tenkonhnonweráton, Ó Ní꞉io akeʼNí꞉io.

Psalms 48:14

Nètho né꞉ne Rawenni꞉io í꞉ken, né nonhkwaNí꞉io í꞉ken tsi nienhénwe tánon tsi nénhwe enkénhake. Rahónha enshonkwaʼsárihne né꞉ne tsi nénhwe enkénhake.

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Psalms 89:26

Né Táwit kwáh enhorihwaʼníratʼtse ne Rawenni꞉io tsi, ‘Rahónha séh ne raʼkeníha í꞉ken, tánon akení꞉io í꞉ken, tánon í꞉se ne téskenes tánon takenónstats!’

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 32:38

Ethóhʼne Í꞉i akonhkwetaʼshón꞉a enhónton, tánon Í꞉i ne raotiʼNí꞉io enkénhake.

Ezekiel 36:28

Ethòne thóh nónhwe nenhsenákerehke tsi ionhontsáien ne shesotʼthonkonhkénʼen tekhehiáwi. Í꞉se nakonhkwéta enhkénhake, tánon Í꞉i ne sahNí꞉io enkénhake.

Ezekiel 37:27

Kwáh thóh nónhwe skátʼke enhiakwahnáhkereke; Í꞉i ne raotiNí꞉io enkénhake, tánon rohnónha nakonhkwetashón꞉ʼa enkénhake.

Matthew 12:50

Aseken onkakiok enthonȣanikonraierite ne Rakeniha ne Karonhiake thenteron, neh tohiken onkiatatekenha, oni onkia tennosenha, oni akenistenha.

Matthew 25:40

Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.

Matthew 28:7

Tesenisterihen tanon satsiatenti nok sahietsirori ne raotiokȣa tsi Shotonnheton nok entsiseȣahenteste Galilene; ehiensetsiseȣaken, tsikiniiot tsi hetsiseȣarori.

St. Mark 12:26

Nok kenh kaien ne iakoȣentaon, enseȣanikonraientane tsi tokenske entsiontonnhete; iah kenh nonȣenton teseȣaȣennanote ne Moïs raoiatonserakon, nahoten raȣen nokȣirokon satnitaren ne Niio, sahenron: II ne Abraham Isaak, Jacob, Ronȣa-Niio?

St. Mark 16:19

Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.

Luke 10:4

Tosa iaseȣanatatserenhaf noȣista, tosa oni nekaiare, iah oni nata; tosa oni onka tenhietsinonȣeraton tsiniiohahes.

John 13:1

ONEN thoa saȣentanoronne ne Shotonnhestston, roterientare ne Iesos tsi onen ieiohe nahonsahatenti tsi ionȣentsiate, Ronineha niiahonsare, tsini sakohnoronkȣakȣe ne raonkȣeta onȣentsiakeronon, ok ki eh niieheiot tsiniiore ieiotokte.

John 13:3

Nok tsi roterientare ne Iesos tsi akȣekon niiehoiatakȣeniioston ne Roniha, nok tsi Niiohne thoientakon, tsi oni Niiohne niionsahaȣenonhatie.

John 14:2

Eso nah kanaktake tkanaktenion ne Rakeniha raononskon, aseken nohia naiotonhake akȣarorike ki; ȣakȣanaktaseronniennire kati,

John 14:28

Seȣaronken tsi kȣarori ȣaken. Skatentionhe, nok tentkȣatkensera. Ne naskȣanoronkȣake oriȣiio tsi aeseȣatonnharake tsi katon: Rakenineha sake, aseken senha ki Rakeniha raiatanoron tsi nii niiot.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

John 16:28

Rakenineha niteȣakehnon, onȣentsiake teȣakehnonton; nok nonȣa skatkenratane nonȣentsiake, nok Rakenineha sake.

John 17:11

Nok onen iah onkȣene teskes, nok tanon ne rononha ethonehnehe ronnes; nok nii iseke sake. Seniseratokenti! sheiatanonstat sasennakon, neh kehiken kheton tsinihati ne takonkȣetaȣi, aiaȣens skariȣat ahononnihake tsiki nii niiot tsi ok seteniiata.

John 17:25

Seniseratokenti! iah teiesaientereon nʼonkȣeokon; nok tanon nii konhientereon, nok oni ne rononha thonetakon tsi ise teskatorion.

John 17:5

Onen kati nonȣa ise tontaksennoȣanat Rakeni! ise tsiatakta teȣakha ne kasenna ohenton saontontonȣentsiatasaȣen.

John 20:27

Ethone iahaȣenhase nʼAtonȣa; kenh iasanisnonsoten, nok skahenhion ne kesnonke; iatsiena oni ne kenahatake; nok tosa sasatennoȣentastskonhak, sariȣatokenhak tanon.

John 7:33

Nok ne Iesos ȣasakaȣenhase: Sekon kenh nikariȣessa enteȣakȣekon, onen etho niienske tsi thenteron ne takatennieton.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

2 Corinthians 6:18

tánon kwaienʼokón꞉ʼa enskénhake. Kwáh akwé꞉kon ne ronnón꞉kwe tánon ne konnón꞉kwe kheienʼokón꞉ʼa enskenhá꞉ke tsi I꞉ʼi khók Rawenni꞉io wakeʼshatstenhserowá꞉nen.”

Galatians 3:26

Tewetákwen nón nitsawénon tsi kwáh sewakwékon Rawenni꞉io tsiʼsewaʼioʼokónha sewatónʼon ne tsi tesewateriwasóntere ne Kerístos Ié꞉sos.

Hebrews 11:16

Khèkhok, sénha kahnakerahserí꞉io tohnatonwenhtióniʼne, né karonhiakéka kanakeráhsera. Tánon káti ne Rawenni꞉io iáh tehathé꞉ens naʼhonwahnátonkwe Raothiʼní꞉io, tsoríwah tsi shakonahtonniénni.

Hebrews 8:10

Nónwah, ne áse aterihwahseronhniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon ronónha nakonhkweʼtahshón꞉a enkénhake.

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

1 Sawátis 3:2

Tewatenrosónhas, ónen kíʼ Rawenni꞉io sonkwaienʼokónha ionkwatónʼon, nók iáh kíʼ arókʼke teiawenéʼon onhnahóten ientewáton. Nók kíʼ ionkwateriéntare nónen ne Kerístos enshokétote, kwá tonentewahiatótenne tsi ní꞉ioht ne rahónha, Asèken kwá tsi nihaʼiatóten thóh ní꞉ioht tsi entsitewáken.

Revelation 21:3

Tánon onkathón꞉teʼne iowenhnakaré꞉ni thóh nontá꞉we tsi tewanitskwarahtseró꞉te watón꞉nions, “Satkáto, ne tsi ronónshote ne Ní꞉io thóh skátne nonkweʼó꞉kons. Ne Raónha thóh enhenterón꞉take skátne ne ronón꞉ha tsi ne raó꞉ti Ní꞉io enkénhake; ne ronón꞉ha raón꞉ha raonkweʼtashón꞉as enkénhake, tánon kwáh ne Ní꞉io raonhatsí꞉wa tsi enhatikweʼkónhake;

Revelation 21:7

Tsi niiá꞉kon nenhiontesénhni eniehié꞉na kíʼ naorihoʼténsons, tánon í꞉ih ne raoti Ní꞉io enkénhake tánon ronón꞉ha keienhokónha enhón꞉ton.