John 19:18 - Ohiatonhseratokénti

¹⁸ Eh nonȣe nʼathonȣaientannharen, teniiase ȣahonȣariskonte raiataktatie rotiiatenton, nok raonha Iesos asennen nihoiatenton.

Ne Saint John 1804

¹⁸ Etho nonwe wathonwadiyendanharen raonhha ok teghniyaghse ne òya, tetsyarongwa nongadih sʼhayadat, ok raonhha ne Jesus sadowaghsènna.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁸ Eh nonȣo nʼathonȣaientannharen, teniiase ȣahon-ȣariskonto raiataratie rotiiatenton, nok raonha Iesos asennon nihoiatenton.

John 19:18 ပူးပေါင်းရင်းမြစ်များ

Psalms 22:16

Asèken ne erharokónhas kwáh ratikwékon tehionkatiathátonʼ ne raothiʼtsiókwah ne rathihiothenseratsens tehionkehonwarónh꞉ni. Ne katiá꞉nake ó꞉ni ne kashitháke thahatirahtiónko;

Isaiah 53:12

Né ká꞉ti aoríwa kwáh enhirákwaʼse ostónha skát꞉ne ne ratishátsʼtes, tánon kwáh thensakohiakhónhaʼse ne kanénskwen skát꞉ne ne ratiʼshátsʼtes; tsioríhwa tsi iahathatáʼkaʼwe ne kenheiátʼne, tánon éh nontahonwátaʼte tsi ní꞉ioht ne ionkwetaksénskwa; ethohʼsàne wahathá꞉wa ne karihwáneren ne iakotsiokowánen akorihwáke, tánon wasakoʼterenhnaiénhase ne iakorihwaneraháts꞉kon.

Matthew 27:44

Ronȣenratonnihakȣe oni neneh noseronni rotiiatentonhakȣe, tenonkȣetaksenskȣa.

John 18:32

Nok nehneh ȣaonni eh nahaȣenne, ne iakaierite tsini kaȣennoten thotati ne Iesos, sahatrori tsini ȣenheiontoten renheiatane.

John 19:32

Eh kati ȣaonneȣe ne Sotar, nok ȣathonȣasiniakon ne tiotierenton roiatenton, nok oni ne saiatat nenskatne rotiiatentonhakȣe.

Acts 2:23

Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.