John 17:6 - Ohiatonhseratokénti

⁶ Khetokatenni ne Sasenna tsinihati takonkȣetaȣi; ise sonkȣetakenha nok tontakaȣi; nok iesaȣennanoronston.

Ne Saint John 1804

⁶ Onen tsi wakerihhowanaghton ne saghsenna ne ongweghne ne tsinihadi waskyongwedawigh ne oghwhentjage: ise naah sewennìyoghkwe, ok Iih takwawigh; ok onen tsi rodiyenawagon ne sawènna.

Neh Nase Tsi Shokȣatakȣen 1880 (4 Gospels by Joseph Onasakenrat)

⁶ Khetokatenni ne Sasenna tsinihati takonkȣetaȣi; ise sonkȣetakenha nok tontakaȣi; nok iesaȣennano-ronston.

John 17:6 ပူးပေါင်းရင်းမြစ်များ

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 22:22

Kwáh enkheró꞉ri ne sahsénhna ne iakwahthatekenokónhas ó꞉ni ne iakwahtenoshoʼokónhas; raothinenhríhen ne iakoterénhnaien tsi tenkonrénsaron:

Exodus 9:16

Ók né kíʼ nakènesthe nakeshastsʼténsera waʼkonhríhon nahshón꞉nheke né káti nahónton tahonré꞉ni tsi nihiohóntsa tsi niksenhnowáhnen.

Proverbs 2:10

Enhsattókhaʼne tánon karihonnienníhtshera entí꞉son ó꞉ni atonhnharáhtshera.

Proverbs 23:23

Ne orihwí꞉io, attokháhtshera, karihonnienníhtshera tánon wanonhtonnionhtsherí꞉io ne kí꞉ken akwé꞉kon shaʼtékena nahskáriaʼke, nok só꞉tsi wé꞉so shaʼtékena nahsatenhní꞉non.

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

John 12:28

Rakeni! tsennanoronst ne sasenna. Ethone karonhiake nontonteȣennine ȣakenron: Onen risennanoronston nok sekon ki henshisennanoronste.

John 15:19

Ne netho naeseȣaȣeiennoten tsiniiot nonkȣesonha oriȣiio tsi aietsinoronkȣe, nok tsi iah eh teiot, ok eken tanon kȣaiatotarhon nonkȣene, neh ȣaonni iestsisȣens nonkȣeokon.

John 15:3

Onen ok seȣakȣekon neh tsiseȣatiatokeȣaton tsini kaȣennoten kȣarionnienni.

John 15:7

Ne toka enteȣakȣekonhake nok enseȣahaȣake nakeȣenna, tsi ok nahoten seȣariȣanonton eh se nenhiaȣenne.

John 17:12

Tsinikariȣes iakȣakȣekonhatieskȣe nonkȣene, sasennakon kheiatanonstatonhatieskȣe; kheiatanonstaton ne takonkȣetaȣi; iah oni nenskat tehaȣenheion, neok ne kaiatatonsera roienha neh naontaȣe akaierine tsinikaiaton.

John 17:14

Kheiaȣi ne saȣenna, nok ronȣatisȣenhon nonkȣeokon, neh tsi iah onkȣene tehotiia tontieton, tsi ki niiniiot iah onkȣene teȣakiatontieton.

John 17:16

Iah se tehotinikonranentakon nonȣentsiake tsi ki nii niiot iah teȣakenikonranentakon.

John 17:2

Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

John 17:24

Rakeni! Kaskaneks ne tsinihati takonkȣetaȣi, ne tsinonȣe nikiteron etho oni neneh ahatiterontake aiakȣakȣekonhake; naontkatho nakiatanerakȣatsera, neh nise takaȣi aseken ok siskehnonȣehon ohenton saontontonȣentsiatasaȣen.

John 17:26

Kherori oni ne Sasenna, nok sekon ensekherori; naontonseke tsinikanonȣetseroten tsi takehnonȣehon neh ahonatienhase, nok oni nii akheiatienhase.

John 17:7

Onen oni ronaterientare tsi iseke nitiaȣenon tsinikon takaȣi.

John 18:9

Neh ȣaonni eh nahaȣenne nakaierine tsini haȣen; iah enskatha teȣakatonkȣetatonni tsinikon takonkȣetaȣi.

John 6:37

Tsinikon rakaȣis ne Rakeniha, akȣekon enȣakrane, nok iah tahonsahiiatinekenȣe nenhakeniahese:

John 6:39

Kenh kati nihonikonroten ne Rakeniha ne thakatennieton: nene tosa othenon aonkatons tsinikon rakaȣi, akȣekon tanon aonsakheionnhete nonen enȣatenniserokten.

John 8:51

Oriȣiio, oriȣiio tsi kȣaroris, onka enhakeȣennarakȣe, iah nonȣenton tharenheie.

John 8:52

Tontahonniron kati ne Sitaeronon: Onen tokenske oriȣiio ȣahationni tsi sanesonronontseraien: Abraham raȣenheion, Rotitokensehakȣe oni, nok saton: onka enhakeȣennarakȣe iah nonȣenton tharenheie.

Acts 13:48

Nónen ne iáh tehatiʼsitaeʼró꞉nons sahonatʼthóntene kí꞉ken, wahontʼtsennónni ó꞉ni wathontenonweráton ne Roiá꞉ner rahowennahókons; tánon tsi nihiákon ne tionthatáwi ne ionnheʼónwe atónnnhes tahiakétakwe.

Romans 11:2

Iáh tesakokenronníhon ne Rawenni꞉io rahonkwéta, tsi nikáien ne sakoʼiatarákwen ne tsi tiotásaʼwe. Sewateriéntare nohiatonseratokénti tsi niwatróris ne Elijah wahoniténthaʼse ne Rawenni꞉io ne Israerʼró꞉non rahothiriwáke.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Colossians 3:16

Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

2 Timothy 1:13

Thóh nihioriwaníron thí꞉ken ne kwáh oriwí꞉io nowennasónhas nètho konrihonniénni, neh꞉ne tahontasatheniéntensthe tsi ahtʼtshére, tánon satienawastónhak ne tewetákwen ó꞉ni ne kanoronkwátsera neh tsi I꞉i onhkwáwenk neh tsi tehionkwaterihwahsóntere ne Kerístos Ié꞉sos.

Hebrews 2:12

Tánon rahwénnis ne Ní꞉io, “Kwáh enkheró꞉ri ne sahsénhna ne iakwahthatekenokónhas ó꞉ni ne iakwahtenoshoʼokónhas; raothinenhríhen ne iakoterénhnaien tsi tenkonrénsaron.”

Hebrews 3:6

Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

1 Tiér 1:1

Tiér kí꞉ken nón tiohawiton, roteriwanothánis ne Ié꞉sos Kerístos— Né꞉ne Rawenni꞉io rahonkwetashón꞉ʼa rotinatenháwis tsi ní꞉ioht tsi rahtiná꞉kere tsiatehonarénion nahotonwentsiákes ne Pontus, Galatia, Cappadocia, Asia, ó꞉ni Bithynia.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.

Revelation 3:10

Tiorì꞉wa ní꞉se tsi satienawátston nakewén꞉na ne ioʼnikonhkátste tekawishátste, Ní꞉i kwáh enkonhnónsthate nó꞉nen enwá꞉we ne tsi nikawistá꞉hets né꞉tho taionhnikón꞉raren tsi nontaiawenonhátie ohontsakwé꞉kon ne nahiakoteʼnién꞉ten ne ronhnonhontsakeró꞉nons.

Revelation 3:8

“Wakaterièn꞉tare ne saioʼténhseras. Satkáto, Wakonién꞉hase sahén꞉ton ne tekanonhóntion, né꞉tho iáh ónhka taiekwé꞉ni ahonsaienhó꞉ton. Wakaterièn꞉tare tsi kenk nishashatsténhsera, tánon kíʼ satienawátston nakewén꞉na ó꞉ni iáh tesatonhní꞉en natsén꞉na.