John 17:11 - Ohiatonhseratokénti

¹¹ Nok onen iah onkȣene teskes, nok tanon ne rononha ethonehnehe ronnes; nok nii iseke sake. Seniseratokenti! sheiatanonstat sasennakon, neh kehiken kheton tsinihati ne takonkȣetaȣi, aiaȣens skariȣat ahononnihake tsiki nii niiot tsi ok seteniiata.

Ne Saint John 1804

¹¹ Ok onen nonwa yagh sʼhegon ten íkese ne oghwhentjage, oni Iih isège wakeghte. Sayadadogenghti rageni, saghsènnagon enseyenawagonhek rononha nene waskyongwedawigh, nene enskat enhondon, tsiniyought nʼIih.

Neh Nase Tsi Shokȣatakȣen 1880 (4 Gospels by Joseph Onasakenrat)

¹¹ Nok onen iah onkȣene teskes, nok tanon ne rononha ethonehnehe ronnes; nok nii iseke sake. Seniseratokenti! sheiatanonstat sasennakon, neh kehiken kheton tsinihati ne takonkȣetaȣi, aiaȣens ska-riȣat ahononnihake tsiki nii niiot tsi ok seteniiata.

John 17:11 ပူးပေါင်းရင်းမြစ်များ

Psalms 79:9

Takwasniénon, Ó Sewenní꞉io, tánon takwaiatanónstat, asèken ne ahohiatanerakwáhtshera ne sasénhna; saskwahiatáko, tánon saskwahnikónhrenhs nonkwarihwanerahát꞉tsheras, ne ká꞉ti nakorénhshons naʼiesakwénienste.

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Isaiah 27:3

Í꞉ih, ne Watiá꞉ner, kenikonrá꞉re; kwáh tsi niatekawistaheks tsi knehkanón꞉tens. Kenikonrá꞉re ne tsi niwasonhtesons ó꞉ni tsi niwenhniseré꞉sons ne káti ne tó꞉sa onhka aiekweni nakonwakaronhni;

Isaiah 64:2

kwáh tsi ní꞉ioht nó꞉nen nó꞉tsire enwatékhaʼte noniénhkwires tánon nótsire né enkarihónhni noné꞉kanos tahionekónhti— né nasónhni né shaʼsénhna nahonateriénhtaraʼne ne iesás꞉wenhs, né káti né ronhnonhontsaʼkeró꞉nons nonhtiérenk ahotiʼiatíshonkwe ne shahénton!

Jeremiah 14:21

Sehiárak tsi nisharahratsthánion tánon tó꞉sa tahkwahkénron; tó꞉sa shatéhat ne Jerusalem, thóh nónhwe nishaʼtenitskwarahtseró꞉te ne shaʼnitskwahrahtsherahtokénti. To꞉sa thétiak ne aterihwasheronniátshera né sáhson tsi nahtethewáhtereh.

Jeremiah 14:7

“Nakonhkwetashón꞉꞉á í꞉i nòkwah tetthonséntthos, ‘Iáh werohhátien nonhkwahriwaʼnerahákʼtshera tsi ionkwahriwáhrhos, thakwahiénawas, Saiá꞉ner, tsi nishaʼrahrátsʼton. Wéso iorihwáhke kwatkarhathénion; ionkwahrihwáneren tsi nòkwah ní꞉se.

Ezekiel 20:22

Ók iáh kíʼ thóh tewahtiéren, sóhtsi ahonkatatʼtsiennatsáthonke tsi nihatináhkereh nonhkweshón꞉ʼa tsi nihióntken tsi nitekhehiathinekénʼen Nisraeró꞉nonhs ne Egypt.

Ezekiel 20:44

Tánon káti kwáh ensewahteriéntahrahne tsi Í꞉i ne Watiá꞉ner, nónenh kén nienkwáhiere ne aksénhna aoriwáhke, iáh ne tahontahioianénhawe tsi nisehwahweienhnáksenhs, iáh ó꞉ni ne tahontahioianénhawe tsi ni wahétkens tsi nisewahioténhʼen.” Ne Ronhnontí꞉io Roiá꞉ner wahatáti.

Ezekiel 20:9

Ók iáh kíʼ étho tewahtiéren, tsi nátiere né꞉ne ahontákene natkwénienste naksénhna, asèken rahotihénton ne skátʼne ratináhkerekwe nonhkweshón꞉ʼa tsi kherihowahnahténhni ne Israerʼró꞉nons tsi enkhehiasárihne tsi entekhehiatínekenhwe ne Egypt.

Matthew 10:16

Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.

Matthew 5:48

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

Matthew 6:9

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

John 13:1

ONEN thoa saȣentanoronne ne Shotonnhestston, roterientare ne Iesos tsi onen ieiohe nahonsahatenti tsi ionȣentsiate, Ronineha niiahonsare, tsini sakohnoronkȣakȣe ne raonkȣeta onȣentsiakeronon, ok ki eh niieheiot tsiniiore ieiotokte.

John 13:3

Nok tsi roterientare ne Iesos tsi akȣekon niiehoiatakȣeniioston ne Roniha, nok tsi Niiohne thoientakon, tsi oni Niiohne niionsahaȣenonhatie.

John 14:20

Etho nonȣe teȣenniserate enseȣatkatho tsi iakenikȣekon ne Rakeniha, nok oni nise tsi teȣakȣekonhatie.

John 16:28

Rakenineha niteȣakehnon, onȣentsiake teȣakehnonton; nok nonȣa skatkenratane nonȣentsiake, nok Rakenineha sake.

John 16:33

Aseken iakenikȣekon ne Rakeniha.

John 17:23

Takȣakȣekon, nok nise ii tenikȣekon; aiaȣens enskatne tsi iahatiȣeiennentane, nok nonkȣeokon aieriȣaienterene tsi ise teskatorion, nok shenoronkȣa, tsiki nii niskenoronkȣaon.

John 17:25

Seniseratokenti! iah teiesaientereon nʼonkȣeokon; nok tanon nii konhientereon, nok oni ne rononha thonetakon tsi ise teskatorion.

John 17:6

Khetokatenni ne Sasenna tsinihati takonkȣetaȣi; ise sonkȣetakenha nok tontakaȣi; nok iesaȣennanoronston.

John 7:33

Nok ne Iesos ȣasakaȣenhase: Sekon kenh nikariȣessa enteȣakȣekon, onen etho niienske tsi thenteron ne takatennieton.

Acts 3:21

Ónenk tsi karonhiáke nónwe nen tenteróntaʼke tsi nióre akwékon áse entionʼníhaʼke, tsi nihorihowanáton ne Rawení꞉io tsi nithotíhas ne rotihiathatokéntisʼkwe ne iehatiríwakensʼkwe ne wahónnise tkènʼne.

Romans 12:5

Kwáh neh sákat, thosáne tsi ionkwentiokowánen, énskat khók iéken nonkwaierónta tsi teionkwateriwasóntere ne Kerístos, tánon tewakwékon iateionkwatiéston kwáh tsi natehiotʼthihánions ne skaierónta.

Romans 9:17

Asèken nowenʼnatokénti rohróris ne Egypt ronnontí꞉io, “Í꞉i wakonnontí꞉ioste neh nahontáwe nakonʼniáhese nakéneste nakesatsʼténsera tánon tahonréni naksénʼna nonhontsiakwékon.”

1 Corinthians 1:10

Raoshahtstenserákon ne Sonkwahiáner Ié꞉sos Kerístos wahkwahretiáron, tewatenroshónʼa, nahkariwahnonwéʼon tsi naotenshóns sewahtónnions, né꞉ne tóhsa thènen taisewahnenratʼkháshion. Kwáh ieiokontakwénhak tsi skakaríwah kénhak, kwáh sheʼwahnontonnióntshera khók kénhak tánon tioríhwahkhok akénhake.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Ephesians 4:4

Énskat khók noierónta ó꞉ni énskat khók nonikónra, kwáh nesáka énskat khók naskanéktsera ne tsi ní꞉ioht ne Rawenni꞉io tsi ietsisewanáton.

Philippians 2:9

Ethòne ne Rawenni꞉io taháwen ne Kerístos ne kwá éneken tiotenákthate tánon sénha wahosennakaráthate tsi ní꞉ioht nakorénson.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 9:24

Asèken ne Kerístos iáh thóh tiehotawehiáton tsi Tionáktaien ne Iotokénti ne ónhkwe akosnónsha ahióshon, né tekananetákwen ne kwáh orihwí꞉io íken. Kwáh karonhiáke nónhwe nieʼshawénon, thóh nónhwe ónenh iésres í꞉i onkwahriwáhke rahohénton ne Ní꞉io.

Ne꞉ne Sák Rohiaton 4:4

Ne iáh teiakoriwatóken nónkwe! Iáh kén tesewateriéntare né꞉ne ahisewaténroke né tsi ionwentsiáte ne kéntons tensewaterohserák꞉sen ne Rawenni꞉io? Tóh꞉ka íhsere neh ahisewaténrohke ne tsi ionwentsiáte, wahsathatónnien natsisewáshon ne Rawenni꞉io.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.

1 Sawátis 3:12

Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.

1 Sawátis 5:19

Ionkwateriéntare tsi Rawenni꞉io ní꞉i rahonkwetasónha iawerohátsien nonhontsiakwékon tsi neh rasáriʼne ne ranikonrakʼsen.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”

Revelation 19:12

Ne raká꞉rakes kwáh né꞉ne otón꞉kwa ó꞉tsire, tánon wé꞉so rononwaró꞉rons; tánon thóh kashénhnare né꞉tho iáh ón꞉ka teiakoterièn꞉tare nahó꞉ten kén꞉tons kwáh rahonhatsí꞉wa khók roterièn꞉tare.

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”