John 16:3 - Ohiatonhseratokénti

³ Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

Ne Saint John 1804

³ Ok ne kengayen enyetshiyerhak ne aoriwa tsi yaghten wahhonwayenderhen ne Ranihha, yagh oni nʼIih-ten wa-onkyenderhen.

Neh Nase Tsi Shokȣatakȣen 1880 (4 Gospels by Joseph Onasakenrat)

³ Noh ȣaonni eh nenhietsiierase ne tsi iah teionk-hiienterhaon ne Rakeniha, iah oni nii.

John 16:3 ပူးပေါင်းရင်းမြစ်များ

Luke 10:22

Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.

John 15:21

Aksenna enkarionni tsi eh nenhiestsiierase, aseken iah tehonȣaienteri ne thakatorion.

John 15:23

Onka raksȣens, rosȣens ki oni ne Rakeniha.

John 17:25

Seniseratokenti! iah teiesaientereon nʼonkȣeokon; nok tanon nii konhientereon, nok oni ne rononha thonetakon tsi ise teskatorion.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 8:19

Ethone tontahonniron: kah nihenteron ne Ianiha? Iesos tontahariȣaserako: iah teseȣaterientare onka nii, iah oni ne Rakeniha; aseken naskȣaienteri, atsiseȣaienteri ki oni neneh ne Rakeniha.

John 8:55

Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.

Acts 3:17

“Tánon nónwa, tewatenrosónhas, wakateriéntare tsi nahóten níse tánon ne ietʼtsihéntenʼse tsi nitsisewaiéraʼse ne Ié꞉sos, neh iorihonníʼon tsi iáh tesewariwaientéri.

1 Corinthians 2:8

Iáh ónka ne ratikoráhshonsʼkwe ne tsi ionwenhtsiáte teonateriéntarakwe kí꞉ken kariwahkwahrishióntshera. Tóhka aonatheriéntaraʼke, iáh tathahonwahhiasontáke ne Roiá꞉ner né꞉ne rohiataneréhkwat.

2 Thessalonians 1:8

enhiotonʼiotátse, ne nasakoréwahte tsi niháti ne ronwahkenronní꞉on ne Rawenni꞉io ó꞉ni tsi niháti ne iáh tehonatewennarákwen ne kariwí꞉ios tsi nòkwa ne Sonkwahiáner Ié꞉sos.

1 Timothy 1:13

iawerohátsien ne tiothohétston kariwáksen tsi ní꞉ioht tsi rihiatátiase ó꞉ni rihronhiakénton tánon rihnikonraksáton. Nók ne Rawenni꞉io kwáh wahakhìtenre tsoríwa tsi iáh arèkok sitewahketákwen tánon káti iáh tewahkateriéntarahkwe tsi nikatiérahkwe.

1 Sawátis 2:23

Ónka enhonwakénron ne Roiénha enhonwakénron kíʼ non꞉ne ne Kanisera, ónka enhonwatiénawaste ne Roiénha nikwekon kíʼ ne Kanísera.

1 Sawátis 3:1

Satkátho tsi niʼiawetatsáni ne Kanísera sonkwanoronkwáʼon! Tohʼnióre tsi tehiotenonnianíton ne rahononronkwátsera thóh ní꞉ioht tsi ionkihientéri Rawenni꞉io sonkwaienhokónha—tánon kíʼ kwá tóhʼkenske thoʼ ní꞉ioht. Neh kíʼ aoríwa ne ronnonwentsiakerónon iáh tehionkiʼientéri: iáh tehonwaientheráʼon ne Rawenni꞉io.

1 Sawátis 4:8

Ónka ne iáh teiakóien ne kanoronkwátsera iáh kíʼ teʼonwaientéri ne Rawenni꞉io, asèken Rawenni꞉io seh ne kanoronkwátshera.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.