John 16:21 - Ohiatonhseratokénti

²¹ Tsiniiot ne tsiothonȣisen ioȣiraientasere, ȣattokas eso oni tsi ioronhiaken aseken onen ieiotenniseriheȣi; nok tanon nonen teiotohestston, iah othenon teseȣeiare naoronhiakensera, neok enskat tsi tsiotonnhahere tsi onen are enskat nʼonkȣe saionnakerate.

Ne Saint John 1804

²¹ Ne onheghtyen, neonen wadewedoníre yonhàdonse tsini yoronghyàgen, ne wahhone tsi onen waonderighwihhewe: ok denghnon kawenniyoh ne yodewedon ne eksa, yaghten saweghyàrase tsini yoronghyàgent, tsini waondonwsson tsi ronakeràton ne ongwe ne oghwhentjage.

Neh Nase Tsi Shokȣatakȣen 1880 (4 Gospels by Joseph Onasakenrat)

²¹ Tsiniiot ne tsiothonȣisen ioȣiraientasere, ȣattokas eso oni tsi ioronhiaken aseken onen ieiotenniseri-heȣi; nok tanon nonen teiotohestston, iah othenon teseȣeiare naoronhiakensera, neok enskat tsi tsioton-nhahere tsi onen are enskat nonkȣe saionnakerate.

John 16:21 ပူးပေါင်းရင်းမြစ်များ

Genesis 3:16

Tsi nonkwá ne tsonthonwí꞉sen wahrènhase nen né꞉ʼe, “Kwáh iaweʼtatshá꞉ni tsi enhseronhiá꞉ken tsi nikarí꞉wes íhshawe naesawiraièn꞉taʼne; karonhiaʼkenhserá꞉kon tsi ensawiraièn꞉taʼne eʼthó sá꞉ne tsi entshiaskanéksheke ne tesení꞉teron; tánon raónha enthianiarotahrhoke.”

Job Tánon ne Raoronhiakensera 11:16

Ní꞉se kwáh ensaʼnikónhren tsi natesaʼnikónhrare; ní꞉se kwáh thóh ní꞉ioht tsi ensehiá꞉rake tsi ní꞉ioht ne iotnekohéston.

Psalms 113:9

Sakononsonhniénhnis ne iáh tewáʼtons ahiotiwirahiéntaʼne, né káti nahónton nakonhtonhnáren tsi kanisthénsera enkónton tsi nòkwah ne ratiksaʼokónhas. Tehonwaʼnonweráton ne Roiá꞉ner!

Isaiah 13:8

tánon kwáh tenhonthatenikonráren. Tehonawehetstánion tánon enhatironhiáken kwáh ne enhotiʼiéna; kwáh èhʼtho ní꞉ioht tsi enhatironhiáken tsi ní꞉ioht ne tiontonhwí꞉sen tsi nihioronhiáken tsi iowiraientásere. Kwáh tenhontatkatósehron tsi nithonátonhne; ne ratiʼkonsákes kwáh tsi ní꞉ioht ne iotsírote.

Isaiah 21:3

Ne káti wahón꞉ni ne tionhʼhontáke ne ionánon ne iatetsokétoʼte ahiakoiatíshonʼkwe; kanon waʼhetʼkéntshera tewatwánen, kwáh tsi ní꞉ioht ne tsiotonwísen iowiraientásere; shó꞉tsi wakeronhiáken iáh tatkwé꞉ni nahonkatʼtónhteke, shó꞉tsi wakateronhienténhni iáh tatkwéni nakatkátho.

Isaiah 66:7

Nohénton iakáhewe nakaronhiáke waowiraiéntaʼne; nohénton naoronhiakénsera aioiatórenhne raksá꞉a waonakératsʼte.

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Micah 4:9

Nón꞉wa onhnontié꞉ren tsi nisawénhte tsi teshasénhtos? Iáh ken ne ronnontí꞉io tehèn꞉teron ne shonhà꞉ke? Ne iateʼnikonrá꞉wis wahaiatháton ken, káti watisawehestá꞉nion ne wesaié꞉na tsi ní꞉ioht ne iónkwe iowiraientásehre?

Galatians 4:27

Tsi niwáton noriwatokénti, “Sewatʼtsennonníhak ne iáh tesewawiraiénton tsi sewatʼthonwísen! Tesewahénret ó꞉ni tesewahséntʼto atʼtsennonniatserákon, í꞉se ne iáh nonwénton tesewaienteráʼon naisewaronhiáken naisewawiraiéntane! Asèken ne iónkwe ne tehiotetʼkháshion shékon wéso entsiowiraiéntane tsi ní꞉ioht ne iónkwe ne iáh nonwénton tatehiotetʼkháshion.”

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.