John 16:11 - Ohiatonhseratokénti

¹¹ Kaiatoretatserakon ne tsi onen tekonȣaiatoretakȣenthon nonȣentsiakeronon konȣakoȣanen.

Ne Saint John 1804

¹¹ Nene tekayadoreghtsera, ne wahhone ne ronwakowànen ne ken yoghwhentjade wathonwayadòreghte.

Neh Nase Tsi Shokȣatakȣen 1880 (4 Gospels by Joseph Onasakenrat)

¹¹ Kaiatoretatserakon ne tsi onen tekonȣaiatore-takȣenthon nonȣentsiakeronon konȣakoȣanen.

John 16:11 ပူးပေါင်းရင်းမြစ်များ

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Matthew 12:18

Iahiiatori nakennhatsera, ne riiatarakȣen rinoronkȣakoȣa neok oni ȣakonȣeskȣata; enhiion nakenikonra, neh ensakorori ne Niio raonakerasera nʼon-kȣeokon.

Matthew 12:36

Nese ȣaonni kȣarori: tsi neh tonhiontatiatoretakȣe nonkȣe nʼonaken teȣenniseronte tsinikon tiakotati ne kaȣennaksen.

Luke 10:18

Tontahenron: Akȣa eh niiot tsi tehikanere ne ranesonronon tontahaiatenne Karonhiake tsiniiot nateȣanennekaraȣe.

John 12:31

Onen onȣe naoriȣentatsera tsi ionȣentsiate; Onen oni astste enhonȣaiatontiete ne ronȣakoȣanen tsi ionȣentsiate.

John 14:30

Onen thoha aontiake tsi teteȣatharha: aseken tare ne ronȣakoȣanen tsi ionȣentsiate; iah sane othenon tehoriȣake niihne.

John 16:12

Sekon eso ioriȣake ȣakeriȣaien nakȣarori; iah ki taeseȣakȣeni naeseȣaronke nonȣa.

Acts 10:42

Tánon wasonkwarihónten nahiakhihiateriwanóthase ne kariwí꞉io nonkwesónha tánon ó꞉ni nahiakwatʼróri tsi rahónha ne Rawenni꞉io rohiatarákwen ne tasakohiatórete ne hiakón꞉ne ó꞉ni ne iakawenhéion.

Acts 24:25

Nók tsi náhe ne Kór rotarakwenhátie ne kaiáneren, nakahónha ahontaieniarótaroke, tánon tsi táweh nennísera ne kaiatorethátsera, Felix wahóteronne tánon wahénron, “Ónen kíʼ ahónton nahéren ahonsásethe. Sékon nienskónnonke nónen enwakatesenʼnaiéntaʼne.”

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 16:20

Tanon Rawenni꞉io, neh nonkwaiatakweniʼióhtsera ne skénnen, kwáh iostóre tenhoskwaserónkwaʼte ne ranesonrónon ne sewasitókon. Ne rahoténrat ne Sonkwaianer Ié꞉sos sewakweʼkónhak.

Romans 2:16

Éhʼtho káti, tsi ní꞉ioht tsi kateriwanhótʼtha ne kariwí꞉ios, thóh káti nen hiotonhátie tsi nióre tewenniserónte nónen ne Rawenni꞉io, rahonháke ne Ié꞉sos Kerístos, tenhahiatórete tsi nihotiriwasehtánions nonkwesónhas.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Colossians 2:15

Tánon thóh ne kaiásake nón꞉we ne Kerístos sahatatiathotaríhsi tsi nokwáh ne raotisatsténhseras ne ratinikonrátsens ó꞉ni ne ratikoráhsons; tánon onhkwè꞉ne nón꞉we niasakohiaténhawe nahonwahnateró꞉roke tsi sí꞉ken ní꞉ioht ne ratinóton sakosarí꞉ne tsi rotkwenionhátie.

Hebrews 2:14

Tsi ne ratikʼsaokónha, tsi nisakonatónkwah, tsi ónkwe íken rotiwáhrare ó꞉ni rotinekwénsa, ne Ié꞉sos né꞉ne kwáh ronónha waháton tánon wahsakotiátaraʼse kwáh tsi niʼiorihóten tsi ronónnhe. Né kíʼ aoríwah thóh nahá꞉iere tsoríwah tsi rawenhéion nontiéren enhothónte ne ranesonrónon, roshatsʼtenseráien tsi nòkwah ne kenhéion,

Hebrews 6:2

né karihonniennítshera tsi nòkwah ne athenekwahesthátshera; Tiontonnakanonniáta tehiontenonwenhrathóntha. Tánon tsi tenhonwahnanisnonshahérahse; tsi tiontʼkétskwas niakawenhéion.

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.

2 Tiér 3:7

Tánon nónwa nikaháwis ne tsi karonhiáte ó꞉ni ne tsi ionwentsiáte kwáh kanónstaton tánon ó꞉ni ne sáka tsi ní꞉ioht tsi rotennáʼon ne Rawenni꞉io, neh tsi ótsire enkariwátonte. Neh aoríhwa kanónstaton neh tewenniserónte nónen ne iáh teiakoniʼioseráien teiontatiatórete ó꞉ni enhiontatháthonte.

1 Sawátis 3:8

Ónka ieniontasónteren naieriwánerake ranesonrónon rahonkwéta, asèken ne ranesonrónon kwá tsitiotásawe thoriwáneren. Ne neh kwá ne aoriwáke tsi tawénon ne Rawenni꞉io Roiénha, ne nahariwáthonte tsi nihoiéren ne ranesonrónon.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.