John 15:16 - Ohiatonhseratokénti

¹⁶ Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

Ne Saint John 1804

¹⁶ Yagh ise teghsgwaragwènni, ok Iih denghnon kwaragwenni oni wakwanghhondàne, nene aontesewaghdendi oni aontesewaghyaniyondhak, oni ne sewahhihk aontekarighwadatye: nene tsiok nahhoten enghtsisewarighwanèkhen ne Ranihha iih aksennagon, aonteghtsisewàwi ne etho.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsise-ȣariȣanontonse ne Rakeniha ii aksennakon, entetsi-tsion.

John 15:16 ပူးပေါင်းရင်းမြစ်များ

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Psalms 145:4

Ne tsi ratiwatsiratátie kwáh tehontenonhweráton ne sahiothénseras tanon nonàken tahatiwatsiratátie, tánon enhontʼró꞉ri ne iorihowánen sahiothénhsera.

Psalms 71:18

Eʼthohʼsáne tsi ó꞉nen akekʼsténha tánon waʼkenontsistaráken, tó꞉sa kíʼ takatewénhtet, Ó Sewenní꞉io, tenikwekónhak tsi nikaríwes enkatró꞉ri ne sashaststénhsera tsi nihiokwénion ó꞉ni tsi nathenwaʼtereseranethárion. Né sashaststénhsera

Proverbs 11:30

Tkarihwaié꞉ri tiakó꞉wis natónhnhets, nok ne ateriiohseraʼón꞉we akwé꞉kon ienskáhawe.

Isaiah 27:6

Nenhtewenhniseratenionke ne Jacob rahonhake kwáh enkateronhten, Nisrael kwáh enkatsitsionten tánon thenkarenharon, tánon kwáh ne tentkarate ne tsi ionhwenhtsate ne kahiksonhas.

Micah 5:7

Ethò꞉ne ne niatehonathaténhron ne Jacob, kwáh kí raotinenrí꞉hen enhenteróntake, kwáh thóh nenhatiiatothénhake tsi ní꞉ioht ne iohawé꞉ien né꞉ne Roiá꞉ner tesakoteniethénhni, tsi ní꞉ioht ne iotsatará꞉ties nohontá꞉kes, ne ne iáh tehoterá꞉rats ne rónkwe iáh ó꞉ni tehiakoteráhrats nonkweshón꞉as.

Matthew 21:22

Tsiok nahoten entsiseȣaneken ne Niio Kaȣenniioki neok nʼakȣa teȣetakon, akȣekon entsitsion.

Matthew 7:7

Seȣariȣanonton nok enhietsiion; Seȣesak nok enseȣatsenri; seȣannhontishon nok enhietsinnhotonkȣase.

Luke 6:13

Nok nonen saorhenne, iasakohnonke ne raotiokȣa, nok tekeni iaȣenre nihati ȣasakoiatarako, neh ne ȣasakonatonkȣe, Ratikȣekonhatie;

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.

John 15:19

Ne netho naeseȣaȣeiennoten tsiniiot nonkȣesonha oriȣiio tsi aietsinoronkȣe, nok tsi iah eh teiot, ok eken tanon kȣaiatotarhon nonkȣene, neh ȣaonni iestsisȣens nonkȣeokon.

John 15:5

Ii ne kanenharakȣeniio, nok ise nʼonnhatasonha. Eso enhotonnien nenhiakenikȣekon, aseken nʼehren nonȣe iah othenon taeseȣateiaronhase.

John 6:70

Tontahenron ne Iesos: iah kenh naha ii tekȣaiatarakȣen ne tekeni iaȣenre Nitsion? nok sane sekon saiatat akȣa ranessonronon.

Acts 1:24

Ehʼthóhʼne wahonterénnaien, “Saiáner, í꞉se akwé꞉kon senikonraientéri, káti takwanatónhas ónka kí꞉ken tenihiáse ne sehiatarákwen

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 10:41

iáh tsík ónka tèken, nek khók tsi nikáien ne ronwáken nehne Rawenni꞉io ohénton tesakohiatarákwen, neh káti, tsi nihiátion neh skátʼke tehionkwatskáʼon ó꞉ni ionkwanekíren, sathontahatʼkétsko ne kenheiátʼne.

Acts 22:14

Wahénron, ‘Neh Ronwaní꞉io ne ietʼthisotʼthonʼokonkén꞉en iahiatarákwen nahisathókense tsi nihonikonróten, nahóken ne rohthonkwetakwaríshion rahonhátsera, tánon natsewénʼnaronke tsi nenʼhiatháraʼse.

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

Romans 1:13

Ónenk tsi ensewehiárake, tewatatékens, é꞉so ioriwáke wakatenikonrónni niaʼkwanatarénase, nók knahótenk tiókonte watiotátiskwe neh nátiere. Tewakatonhontió꞉ni nakeiatkwéni naʼkeriwiʼiosthontserateni neh skátne sewanákereh, tsi niwatiéren nakʼtéson nónwe neh iáh tehatisitaeronons.

Romans 1:5

Rahonháke non ne Rawenni꞉io tahákon natatewennihiótsera neh꞉ne akateriwanhóten ne Kerístos rahoriwáhke, Neh nahontáwe nakehéntense ne kwáh tsi niateʼiakahóntsiake nahontaʼiakétakwe tánon naiontewénʼnarakwe.

Romans 15:4

Kwáh tsi niateioriwáke kaiatónnion nohiathonseratokentíke neh kahiathónkwen naionkwariʼhónnien, ehnaʼontáwe nonʼtiérenk aionkwarahratieraiéntaʼne tsi nitsionkwáwis noriwatokénti naionkwanikonkátsʼteke tánon ó꞉ni ionkwaretiárons.

Romans 9:21

Tsi nihiótha, ne rónkwe nenhatietónʼni kwáh tsi nentanónweʼne tsi énratste nionawastakarí꞉io, tánon tekatʼtsétake enhatʼtsetónʼni nehʼne sakanawáhstha, skatséta kwatóken tsi nikaháwi ónen neh énratste tánon ne ó꞉ia kwáh nènʼne tsikʼnikaháwi neh꞉ne áhraste.

1 Corinthians 10:11

Oriwahkwékon kíʼ tsi niʼiawénhon né꞉ne ahionkwenésten, tánon kahiáton né꞉ne ahionkwahronkáten. Asèhken thóh nónwe nitionnhétie ne tsi ieiotókʼthe ónen thóh waháhonwe.

Galatians 1:15

Nók ne rahotenretserákon ne Rawenni꞉io ratiatarákwen nohénton sakennákerate tánon wahakénhane nahihiótense. Tánon neh siatoriwaiéntase

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

1 Timothy 2:7

tánon neh aoríhwa iehionkatheniéton tsi kateriwanótʼtha ó꞉ni kheʼrihonniénni ne iáh tehatisitaerónon, nahkateriwanóten ne tewetákwen ó꞉ni norihwí꞉io. Iáh tekanowéntha; Orihwí꞉io tsi nahóten katróris!

2 Timothy 1:11

Rawenni꞉io ratiatarákwen nakateriwahnótʼthake ó꞉ni nakerihowáhnathe ne karihwí꞉ios,

2 Timothy 2:2

Iahásaf ne karihonniennítsera neh satʼthontéʼon wakatʼrórih akohénton ne iakotiokowánen ierihwanírats, tánon nasakonohesten ne iakorihwatóken, ronónha ó꞉ni enhatikwéni nasakotirihónnien nakorénsons.

Titus 1:5

Tkonʼhiatkáwen ne Crete nónwe, ne nahónton ahseriwahkwatáko tsi nahoténsons shé꞉kon tehiothonwentióʼon kén niakaiéren tánon sehrihónten ne rathiretiárons nononsatokentíke né kwáh tsi niatekanátakes. Sehiárak tsi nikonróhris:

Hebrews 11:4

Tewehtákwenh seh waʼhahón꞉nien ne Abel nahotát꞉tshe ne Rawenni꞉io sénha iohiánereh ne iontienkwahronniatáhkwa tsi ní꞉ioht ne Cain. Rawehtakwénhtshera nonʼnontáwe tsi wahaiéna ne Rawenni꞉io raorihwahnirátʼtshera tsi tronkwetaiéri, tioríhwah tsi kwáh rahónha ne Rawenni꞉io waharihwahnírathe ne raotathawíhtshera. Tsi nikéntons ne rawehtakwáhtshera ne Abel shékon nihatátis, iawehrohátien tsi ónen rawenhéion.

Ne꞉ne Sák Rohiaton 3:18

Tánon ne tkariwaiéri né kaientʼtkwáʼkwas tsi nihothiiénhthoserons ne rathinónwes ne skén꞉nen.

1 Tiér 3:15

Nók tsi sewasénnaien ne Kerístos ne seweriáne, tánon tsi sewakwéniens tsi Roiá꞉ner. Kwáh tiókonte tsi sewatateweiennentahónhak ne ónhka taientʼtsiriwaserákwaʼse tánon naietʼtsinikonraientáten tsi rahonháke nónwe nikáien ne sewarahrátʼtsera.

1 Tiér 3:2

tsioríhwa tsi enhontkáto tsi kwáh oriwí꞉io íken ne saweiénna.

1 Sawátis 4:10

Kén kíʼ ní꞉ioht ne kanoronkwátsera: iáh neh tèken tsi atsitewanoronkwáʼon ne Rawenni꞉io, nók ne tsi sonkwanoronkwáʼon tánon thoteniénton ne Roiénha tsi nahiotónhake nahonsakanikonrén꞉en nonkwariwaneraháktsera.

1 Sawátis 4:19

Ionkwáien ne kanoronkwátshera neh tsi Rawenni꞉io thotierénton sonkwanoronkwáʼon.