John 15:1 - Ohiatonhseratokénti

¹ II ne kanenharakȣeniio, nok ne Rakeniha ranenharaienthos.

Ne Saint John 1804

¹ Iih naah ne togenske onenhhare, ok ne Ragenihha ne raghsnyese.

Neh Nase Tsi Shokȣatakȣen 1880 (4 Gospels by Joseph Onasakenrat)

¹ Ii ne kanenharakȣeniio, nok ne Rakeniha ranen-haraienthos.

John 15:1 ပူးပေါင်းရင်းမြစ်များ

Song of Songs 7:12

Áhʼnion iostóre ietinihiáken ieʼéhtene tsikʼkanenharaiénthon, tanon tsákʼkens thohʼkáken ó꞉nen ioskweʼiontáhon ne onénhare, tókaʼ kén ó꞉nen tehiotsitsanekáron nonénhare tánon ne iotenénha hahik ahiotsiʼtióntake. Thóh nón꞉we entkónhion nakenoronhkwáhtshera.

Isaiah 4:2

Né éʼtho enwenhniseráteke ne raonhá꞉te ne Roiá꞉ner kwáh kí í꞉ken tsi enwatehiáron tánon enkowanénhake ó꞉ni enwatʼkatotseriʼióhake tánon enhiorihwanerakwáhtonhke, tánon tsi nahoténsons ne kaienthóseras watonhniátha nonhontsáke kwáh kí ne enhontenáieste tánon ne raotiʼiatanerakwátshera enkénhake niaʼtehonathaténron NʼIsraerʼronónke.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Jeremiah 12:10

Rohnatiokowáhnenh ne thihotiʼnakerasehrátes ratikóras rothiriwénhkton ne wakenenharahientʼthóhseron; rohtirathatiéson natkénthake; ne wakonhontsihione kahentakekóhwa wahonnónhniaʼte.

Jeremiah 2:21

Thoʼní꞉ioht tsi kónhteron tsi ní꞉ioht ne kwáh tekaiesthásion watenenharísehres né꞉ne kwáh tkanenhí꞉io. Ók satʼkátho tsi niahishahiátawenh! Thóh nahshiató꞉tenʼne tsi ní꞉ioht ne iótkens, iáh thènenh tehioríhonte wathenenharísehres.

Ezekiel 19:10

Ne sanisténha ne teskaierónhtare ne watenenharísehres ne kahionhákta kaiénthon. Tioríhwa tsi ionekakáthekwe, ne watenenharísehres wéso ionerahthóntakwe ó꞉ni ioienthónhakwe.

Hosea 10:1

Nisraeró꞉non kwáh í꞉ken tsi iokwáts tsi ní꞉ioht tsi watenenharí꞉sehres tsi niwé꞉so wahianihiontʼtha. Ne sénha wé꞉so enwahianihiónten sénha kí wé꞉so ensrónh꞉ni ne ietsenhará꞉kwa; ne raonakeráhsera tsi nenhioianerásthen, sénha kí wahaianeráste ne kanawahatashón꞉as ne tsi raterenhnaientáhkwa.

Zechariah 3:8

Shatahónshatat káti Joshua, i꞉se ne tsihenstowá꞉nen: ki shatahónshatat, i꞉se tánon ne sewahtenroshón꞉a ne kén꞉en skátke sehwenhtskó꞉ton, i꞉se ne tiónkwe ioiánere ne thé꞉nen iahisehwariwáhken: Enhihiathotáhsi nakhenhátshera, né꞉ne Onénhra ronwáhiats!

Matthew 15:13

Nok tontahenron: tsinikon iohniote ne iah Rakeniha Karonhiake thenteron tenhoniotake, onskateriotsion.

Matthew 20:1

Aseken neh testiatieren ne Karonhiake tsiniiot ne saiatat ne ronkȣe orhonketsi ȣahaiakenne ȣahannhatseri sakha.

Matthew 21:33

Seȣataonsatat sekon oiah tekariȣakentonkȣen; saiatat ne ronkȣe ȣahanenharaientho, ȣahatehenronni, oni tsi ienekonniata tanon tahanikatoten ne iononsaniron; ethone onen ȣasakoni ne ratinenharaienthos, nok ȣahatenti.

St. Mark 12:1

Ethone are onen tonsasakoriȣakentonkȣen, ȣahenron: Saiatat ne ronkȣe ȣahanenharaientto, ȣahatehenronni aktatie, ȣaronni teionhiaritakȣa, ȣahanonsonni oni neiononsaniron, ethone tasakoni ne ratinenharaienthos.

Luke 13:6

Kenh oni nahaiere tsi ȣatesakoriȣakentonkȣen: Saiatat ne ronkȣe ȣisonkoȣa rotkȣirote raotehenrakon, khare onen rahisakhe nok iah othenon tehotsenrion.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 1:9

Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.

John 15:2

Akȣekon rannhatiaks tsinikon ne iah teȣaianiiontha nakonhake, sakoratensta tsinikon ne ȣaianiiontta, naiaȣens kenha senha eso aonhianiionten.

John 6:32

Tontahenron ne Iesos tsi tontasakoȣennaȣeron: Oriȣiio akȣa oriȣiio tsi kȣaroris; iahse karonhiake tethonatarenha ne Moïs ne etsiseȣanataranonten. Rakeniha tanon tokenske etsiseȣanataranontens ne karonhiake nitiaȣenon.

John 6:55

Aseken akȣa oriȣiio tsi kakkȣa nakeȣaronk, nok ienekirata nake nekȣensa.

Romans 11:17

Ne karontaienthóserons ne ioteiéna káhik iotenhatoskárons, tánon neh karakónha ne ioteiéna karónta neh iaʼtekaiéston. Níse ne iáh tesewariwiʼióstons ne tesisehwatiérens neh karakónha ioteiéna karónta, tánon nónwa ónen neh sewatsthonhátse ne kasátsʼte tsi nihotirihóten ne Sitaeró꞉nons rahotiriwiʼiosthóntsera.

1 Corinthians 3:9

Asèken tionkwahtenróʼon tsi tsitewahʼióhtense ne Rawenni꞉io, tánon í꞉se ne Rawenni꞉io rahohéta íken. Í꞉se ó꞉ni ne Rawenni꞉io tsi rononshóh꞉the íken.

1 Sawátis 2:8

Nók kíʼ, nónwa ne hionsakwaiátonse ne náse atewennarakwátshera, Asèken naoriwakwarishióntsera thóh wenéston rahonháke ne Kerístos tánon ó꞉ni tionhakéson. Asèken ne tetiókaras ónen iotohestonhátie, tánon ne kwá kaswahthétsera ónen teioswathéton.