John 14:27 - Ohiatonhseratokénti

²⁷ Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

Ne Saint John 1804

²⁷ Kayannerenghsera wakwayènhaghse, akyan-nerenghsera kwawihhe, yagh egh teyought tsi kwawihhe tsiniyought ne ongwe waondaddawihhe. Toghsa yoronghyagen ne sewanigonra, toghsa oni tesewadonghharenron.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁷ Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teso-ȣeriasishonk, tosa oni seȣateronsek.

John 14:27 ပူးပေါင်းရင်းမြစ်များ

2 Chronicles 20:30

ká꞉ti ne Jehoshaphat kwáh skénnonk tsi wahatkórasʼte, tánon Rawenni꞉io taháwenh ne kaiatanonstátʼtsheras né kwáh tsitnahontahiotsherátonhke.

Job Tánon ne Raoronhiakensera 34:29

Nó꞉nen sák tishotatón꞉ni, ónhka aiekwé꞉ni naieriwaká꞉tate? Nó꞉nen rotkonshasé꞉ton, ónhka aiekwé꞉ni nahonwá꞉ken? Tó꞉ka ken ken tiokwakwé꞉kon akénhake khéhs tionkweʼtátions khók?—

Psalms 11:1

Rahonháke ne Roiá꞉ner nónhwe niwaʼkatekwáhsen; onhní꞉ioht tsi askwéni naskénhase, “Hionsahsatekwáhsen ne tsi tiononténion tsi ní꞉ioht notsiténha ká꞉tie!

Psalms 112:7

Iáh tehatitʼtsánis nahó꞉ten ne karihwaʼhétken karihwanákeres; ne ronhneriáne kwáh í꞉ken tsi iorihwaʼtóken, rotirihwaʼníron tsi nòkwah ne Roiá꞉ner.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 28:3

Tó꞉sa iataʼtiatíser skát꞉ne ne ronhnonkwetahét꞉kens, né꞉ne tsi niháti roʼtihiótenhs ne kariwák꞉sen, né꞉ne roʼnón꞉ha skénnon tsi sakothiʼtharáni ne tehonhnonsanekʼkhánions, ók kaʼrihwaʼhetkénhsera í꞉wa ne raonerhiáne.

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

Psalms 56:11

Rawenniʼióke nón꞉we nitewakethákwen; iáh kíʼ tewák꞉terons. Nahó꞉ten aiekwéni ne ónhkwe khók í꞉ken nahiontkaréwaʼte?

Psalms 56:3

né nó꞉nen wák꞉terons, thóh wáʼtsien naketakwenhtséra í꞉seke.

Psalms 72:2

Waʼkaterénhnaien karihwaʼkwahrishontsherákon tsi ensakoríhwenhte ne shonkwetaʼshón꞉has, tánon ne iakóten tkarihwaʼiéri tsi ní꞉ioht tsi asakoríhwenhte.

Psalms 72:7

Waʼkaterénhnaien ne tsi rotenhniseraténions ne karihwakwahrihshón꞉tshera nahioianeréhake (ahiokwástonhke) tánon skénnonk thaʼkénhake, tsi nió꞉re iáh thatahonthakarakwinekénsehke.

Psalms 85:10

Né iorihwaʼtó꞉ken kanoronkwáhtshera tánon ne orihwiʼiohónwe skát꞉ne ienhtsáton; né karihwaʼkwahrihshón꞉tshera tánon ne skénnon kwáh kíʼ thentsatatséna.

Psalms 91:5

Iáh tatehiotonhontsóhon nasetʼtshanísehke ne ronhthenhénhnaras ne tsi niwaʼsónhtes, khés ne thènen ahiohonraká꞉rahke tsi niwenhníseres,

Proverbs 3:25

Tóhsa tesatateʼnikonhrhá꞉ren ne thaʼontaiawénhstsi ne atkaronniáhtshera aontá꞉we tsi ní꞉ioht ne takaweratá꞉se ne ahotí꞉raʼne ne rotirihwanerenʼákskon.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

Isaiah 55:12

Asèken tsi iensewaiá꞉kenhne ensewatonnarátie, tánon tsi nenhtietsiʼiatí꞉nionhte skénnonk thenkénhake; ne tsi ionhnontarónhnions ó꞉ni tsi ionhniarónhnions ne sewahén꞉tons í꞉ken thenhiotihénreʼte tsi nathenkontiríwaʼkwe, tánon akwé꞉kon ne karontaʼsónhas ne kahentákes iorontótons tenkonshá꞉rohke.

Isaiah 57:19

Skénnonk, skénnonk, né nahinónsons nió꞉re ít꞉kens tánon naktatsiesónhas í꞉ken, ratónhnions ne Roiá꞉ner; tánon kí enshekhétienʼte.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 1:8

Tó꞉sa setʼtsaníhsek, asèken entenikwekónhake nahontáhkonhke, Í꞉i, ne Watiá꞉ner wahkahtáti!”

Lamentations 3:17

Wahkenikonrén:en nahóten nen:ne ne ahthakarithétsera ó꞉ni neh skénnen tánon nahtsennónʼnia.

Ezekiel 2:6

“Rónhkwe iaiénha, tó꞉sa ieshaterónhkwen. Tó꞉sa sehtsanísek iawerohátien ne rahothiteronhkwáhtshera tsi et niʼiohiothí꞉ie tsi ní꞉ioht ne ohíktas tánon tehiohikthónton tsi ní꞉ioht ne ohniónwaras, tánon shakotinahkonhtákwahs tsi ní꞉ioht ne thakwárerhre. Tó꞉sa teietʼtsinikonhriáhten tsi nihonatkonwahrakshá꞉ton. Sewehiárak, ronhteriʼioserahnónhwe!

Daniel 4:1

Né ne Ronnontí꞉io Nebuchadnezzar roteriʼwaniehtonhátie. Kwáh tsi niaʼteiakahwentsiá꞉ke nonkwehshón꞉ʼa, tsi naionsohkoténhake, oh naiewennoténhake, ne tsi ionhwentsià꞉te: “Waʼtkwanonhweráton. Ne sewataʼkaritáhtshera kwáh iakaié꞉rike!

Daniel 6:25

Shonteweienén꞉taʼne né ronnontí꞉io iashakohiá꞉tonʼse kwáh tsi niaʼteiakaʼonhontsà꞉ke ne onkwehshón꞉ʼa, tsi naienekwenhsó꞉ten, ó꞉ni tsi naiewennoʼténhake ne onhwentsià꞉ke: “Wé꞉so taontnaʼné꞉ta skén꞉nen né tsonhà꞉ke!

Zechariah 6:13

Kwáh raónha enshanonhsón꞉ni tánon enhaié꞉na ne kakweniensthátshera tsi ní꞉ioht ne Rononhtí꞉io, tánon enteshakoniarotáhrohke ne rahonkweʼtahshón꞉ʼa. Tánon ratsihénstahtsi enhoterihóntahke ne raononhthiiotsherá꞉kon, tánon tetiá꞉ron tsi enhothiiò꞉ten ne skén꞉nonh ó꞉ni shahothirì꞉wa enkénhake.’

Numbers 6:26

Aiáwens ne Roiá꞉ner ahiaʼnatónhase tsi nithoʼrihwaiéri tánon nahontáhion ne skénnon.

Matthew 10:26

Tosa kati othenon seȣatsanisek. Aseken akȣekon niienȣatotasi ne iotaseton, oni niienȣaterihotasi tsinikon ne ioteriȣaseton.

Luke 1:79

Aontonseke taonsaiakosȣathene nasatakon oni kariȣaneraakserakon iakonnhetie nok eh nonkȣati aonsasonkȣasarine tsinonkati ne Skennen.

Luke 10:5

Nok kakiok nonȣe ienshenonsorenne neh tasatierent: teshenonȣeraton ne iakohnonsote.

Luke 12:4

Nok ise onkȣatenro kȣarori: tosa othenon seȣatsanisek tsinahoten iohrios noieronta nok iah senha teiokȣeniatseraien nʼihsinonȣe tsi nakaiere.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

John 14:1

TOSA teseȣatatenikonrharen tiseȣetakȣen Niiohne, taseȣetakȣenhak kati oni niihne.

John 16:33

Aseken iakenikȣekon ne Rakeniha.

John 20:19

Nok okarasneha nonkȣati, neh ȣenniserate ne tiotenniseratierenton noiaiakserake, akȣekon kannhoton tsinikon kannhokaronte tsinonȣe nihonatkennison ne raotiokȣa ne tsi sakotistsaniskȣe ne Sitaeronon, eh ȣahataȣeiate ne Iesos, rahotinenrihen etho ȣathatane nok ȣasakaȣenhase: skennen tikenhak!

John 20:21

Nok sekon sahenron ne Iesos: skennen takenhake niseke! Tsiniiot tsi takatorion ne Rakeniha etho oni nise niiot tsi iakȣatori.

John 20:26

Nok satekon nonta ohnakenke, kanonskon are ratiteron ne raotiokȣa, raiatare oni nʼAtonȣa, Iesos eh ȣahoketote, kannhotonnion sane tsi kannhokaronton, rahotinenrihen eh ȣathatane, nok ȣahenron: skennen tikenhak niseke!

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Acts 18:9

Énskat tsi niwasóntes tsi náhe rótasʼkwe ne Kór, rahotetʼtsenserákon ne Roiá꞉ner wahothotáshiase tánon wahawénhase, “Tóhsa sáteron, nók iasatasónteren tsi nahóten sahiothátie tánon tóhsa sahtsiakwarísi,

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Romans 8:6

Tóhka nek khók ensanonthonʼniónseke tsi nitewaskáneks ne tiéronke neh ensaʼrhióte, nók kíʼ tòhka nek khók ensanonthonʼniónseke ne Rawenni꞉io rahoriwasónhas kwáh nen꞉ne oriwihioʼónwe ensónʼnheke tánon ensaiéntake ne skén꞉nen.

1 Corinthians 1:3

Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Galatians 1:3

Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Galatians 5:22

Nók neh Ronikonriʼióston tatʼkáwas ne kanonronkwátsera, atʼtsennónniat, skénnen, kanikonkasthéntsera, ahtaniténron, tkariwaiéri, ahiakoriwatokénhake,

Galatians 6:16

Nók tsi niháti ne neh rathíʼsere kí꞉ken nakaianerenseróten ne tsi ronónnhe, aiáwens ne skénnen ó꞉ni nataniténron ahathikwekónhake—skátʼke rathikwekónhak ne Rawenni꞉io rahonkwetaʼsónha!

Philippians 4:7

Ténon tsi nithewehtha ne skénnon ne Rawenniʼióke, né iothohetsʼthénhnis akwékon ne kanikonhraienthá꞉tsheras, né enkanónhstate ne sewéris ó꞉ni ne sehwanikónhras rahonháke ne Ié꞉sos Kerístos.

Colossians 1:2

Ne Rawenni꞉io rahonkweʼtashónha thóh nón꞉we ne Colossae, ronónha ne kwáh rohtiriwahthó꞉ken nonkwatorohserashónhas tsi tehonateriwasóntere ne Kerístos: Aiá꞉wens ne Rawenni꞉io Sonkwaní꞉ha ahontáhion ne kenténrat ó꞉ni skén꞉non.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.

Colossians 3:15

Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.

2 Thessalonians 1:2

Aiá꞉wens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

2 Thessalonians 3:16

Aiáwens ne kwáh rahonhatsíwah ne Roiá꞉ner, tsi nikáien ne rahiatakweʼní꞉io ne skénnon, tiotʼkonhónwe ahontáhion ne skénnon tánon kwáh tsík nahontahiotieráton. Ne Roiá꞉ner sekwahkwékon sekwakwekónhak.

2 Timothy 1:7

Asèken nonikónra ne Rawenni꞉io tesonkwáwi iáh tehiontionniénnis nahionkwateronníhake; khék, ne Ronikonratokénti enshionkwaiatánah꞉ne ne kasatsʼténsera, kanoronkwátsera, ó꞉ni nahontethewathateniarótaroke.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

Hebrews 7:2

Ónk ne Abraham waháwen ne oieríhaton tsi níkon rohientátieʼne. (Ne tiotierentákwen tsi nikéntons ne Melchizedek raosénhna ne ne “Ronwahnontí꞉io ne Kariwakwahrishióntshera”; né tioríhwa tsi raónha Ronontí꞉ioʼkwe ne Salem nónwe, né raosénhna né nónhne kéntons “Ronwahnontí꞉io ne Skén꞉non.”)

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”