John 14:17 - Ohiatonhseratokénti

¹⁷ Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

Ne Saint John 1804

¹⁷ Ne agwagh ne togensketsera aonigonra; nene yaghten yodòn aonteyoyendane ne oghwhenjage, ne wahhoni yaghten tehonwakànere, yaghoni tehonwayendèri: ok denghnon eghtsisewayenderi ne ise; iken egh ronàdayen tsi sewennderon, oni isege onhennderondake.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁷ Noneh Ronikonriioston, nene iah onka tehon-ȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekon-hatie.

John 14:17 ပူးပေါင်းရင်းမြစ်များ

Proverbs 14:10

Satonhnharáhtshera í꞉se khók sá꞉wen; nahò꞉ten ne iotskà꞉ra í꞉se khók sá꞉wen. Iáh ónhka thaʼtaieseniié꞉na.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 59:21

Tánon ní꞉i, né kí꞉ken naʼkaterihwasheʼronhniátshera tsi naʼteiakwáhtere, rá꞉ton ne Roiá꞉ner: nakenikónhra né tionháke káien, tánon nakewenhnaʼshónhas né thóh wakéthen tsi sewasaká꞉ronhtes, kwáh iáh thaʼtahontakaiákenhne né tsi sewahsaká꞉ronhte, iáh ó꞉ni ne tsi ratiʼsakarónhtons ne ietsiʼiohokónhas, iáh ó꞉ni né tsi ratisakaróntons né ietsiʼiatereʼokónhas, rá꞉ton ne Roiá꞉ner, kén ienwatásawen tánon né꞉ne tsi nénhwe enkénhake.

Ezekiel 36:27

Kwáh shonháke éntien nakenikónhra tánon enkatenhnikonhráhren ná꞉tshere natianerénsehra tánon nashatiénawasthe nakeriwahtátʼtsheras né tkonhiáwi.

Matthew 10:20

Aseken iah ise taeseȣatati, Ehtsiseȣanihase raonikonra enseȣatatiate nethone.

John 14:16

Nok enhineken ne Rakeniha, nok oiah ensetsitsion ne sakohnikonriiosta, neh tiotkon enseȣakȣekonhatieseke.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 15:26

Nok tanon nonen henraȣe ne Sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enhakeriȣaniratse.

John 16:13

Nok tanon nonen enhraȣe ne Ronikonratokenton, kariȣiiotserakon enstsiseȣasharine, aseken iah tehaonhaa tsi enhatati; neh tanon enshatrori tsinikon enhoronken, nok neh oni enhtsiseȣarori tsi nenhia ȣenseronne.

John 6:40

Kenh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotennieton Karonhiake aiontsennonni, nok ensekheionnhete nonaken tsi teȣenniseronte.

1 Corinthians 14:15

O ónhthe náhtiereh, káti? Akeshatstenserakwékon nón nenkaterénnaien, tánon kíʼ ó꞉ni akenikónrahke nón nenkaterénnahien; akeshatstenserakwékon nón nahtekeríhwahkwe, tánon kíʼ ó꞉ni akenikónrahke nón nahtekeríwahkwe.

1 Corinthians 2:14

Ónhka ne iáh tehonwahtienawáston ne Ronikonratokénti iáh tahónton nahieiénah nahtathawítshera tsi nitewétha ne Rawenní꞉ioke raoshastsʼtenserákon. Né nihionkweʼtóten kwáh iáh tehiakonikonraiéntas, tánon thóh ní꞉ioht tsi ietsénries tahiotenonwahroritóntahke, ne khók tahonwahtihiatoréthakwe tsi nihatisénna kwáh nek tsi ronónnhe.

1 Corinthians 3:16

Oriwiʼiohónwe tsi sewateriéntare níse tsi Rawenni꞉io raononsatokénti íken tánon ne Rawenni꞉io Raonikónrah tsi shiatiénni!

1 Corinthians 6:19

Iáh kén tesewateriéntare ne sewahiéronke né꞉ne raononsatokénti ne Ronikonratokénti, ne tionháke nónwe nihénteron tánon né꞉ne Rawenni꞉io tsi sewáhwi? Iáh í꞉se tesewahiatakweʼní꞉io ók kwáh Rawenni꞉io khók;

2 Corinthians 13:5

Kwáh tokénʼen sewatatkaʼén꞉ion sók eh néntewe ensewarihwatshén꞉ri tóka kenʼ kwáh sewarihwató꞉ken tsi Kerístos ehtshisewaioʼténhse. Orihwiioʼón꞉we sewaterién꞉tare tsi tsonhà꞉ke nón꞉we nihèn꞉teron! Kwáh seh tho rèn꞉teron, nek kiʼ tóka kenʼ iáh thaisewarihwanorón꞉se tsi ní꞉ioht tsi tensewatatiaʼtó꞉rehte.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Galatians 4:6

Nawenéston tsi rahónha sonkwaienokónhas, Rawenni꞉io tahathéniethe ne Rahonikonratokénti ne Roiénha nahionkwatsiénhase nonkwerianésons, Nonikonratokénti rahónha ratátis, “Rákeni, Tatsiénha.”

Ephesians 2:22

Tsi tehionkwateriwahshón꞉tere ne keristos í꞉se ó꞉ni skát꞉ke sewaʼtón꞉on naʼkorén꞉shon nénskat khók tsi nón꞉we iehiotón꞉ʼon ne ne tsi nón꞉we nihénteron ne Rahonikonriʼiosthóntshera ne Rawenni꞉io.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

2 Timothy 1:14

Thóh rahosatsʼtenserákon ne Ronikonratokénti, ontionháke non nihéntenron, senónstat tsi nahorihoténsons neh niesaniahesháʼon.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

1 Sawátis 3:24

Tsi niʼiákon ne iontewennarákwa tsi nihariwanóntons ne Rawenni꞉io thóh non nenʼiakonnhétie tsi tehonateriwasóntere ne Rawenni꞉io tánon ne Rawenni꞉io enhatikwekónhake ne ronnónha ne tsi rahónha tehonateriwasóntere. Tánon neh tsi nitesonkwáwi ne Rawenni꞉io nonikónra ionkwateriéntare ne Rawenni꞉io tsi tehionkwateriwasóntere.

1 Sawátis 4:4

Nók Ní꞉io níse rahonkwéta, kwá hionʼokonha, tánon ietʼtsisénnion ne rothitokenʼsesheráksens, Asèken nonikónra ne sewakwékon sénha ne kasátsʼte tsi ní꞉ioht ne rahotinikonrasónhas ne tsi ionwentsiáte ahonkwetaʼsónhas.

1 Sawátis 4:6

Nók Ni꞉io ní꞉i rahonkwetaʼsónhas. Tsi niʼiákon ne iakoteriéntare neh ní꞉ioht sonkwatahónshatats ne Rawenni꞉io; ónka ne iáh Rawenni꞉io tehaʼonkwetasónha kwá iáh thènen teionkihʼiatahónsate. Kén káti ní꞉ioht tsi entewakwéni nahitewatróri tsi natetsatʼthíhen ne onikonróskon nʼoriwí꞉io tánon ne onikónra ne tewaterientawénrhie.

1 Sawátis 5:7

Áhsen niháti rathiriwanírats:

Revelation 2:17

Ánion ne nónhka teionhontakáronhte iontahón꞉satat tsi nahó꞉ten ne Ronikonratokénhti ratónhnions ne tsi ionterenhnaientákwas. Ne nónhka ne rotesénhnion kwáh í꞉i enthí꞉ion ostón꞉ha ne washé꞉ton kanà꞉taro, tánon í꞉i kwáh enthí꞉ion ne kanenhiaráken, tánon thóh ne kanenhiará꞉kenʼne tsi kahiá꞉ton kaʼsénhnase ne né꞉tho iáh ónhka teiakoterénhtare ne khók rahonhatsí꞉wa tsi niká꞉ien nenhaié꞉na.