John 14:12 - Ohiatonhseratokénti

¹² Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

Ne Saint John 1804

¹² Agwagh togenske, togenske wakwenhaghse, raonha nene tehaweghtaghkon iihne, tsinikarihhoten, ne wakyerenhatye etho oni nʼenhàyere; ok oni senhha karihhowanen tsinenhàyere tsiniyought ne kengayen; ne wahhòne etho wakeghte Ragenihne.

Neh Nase Tsi Shokȣatakȣen 1880 (4 Gospels by Joseph Onasakenrat)

¹² Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

John 14:12 ပူးပေါင်းရင်းမြစ်များ

Matthew 21:21

Nok ne Iesos tontahenron: oriȣiio tsi kȣarori; noriȣiio ahonteseȣetakon iah oni othenon tahonteseȣatennoȣentake neseȣeriane, iah neok taeseȣakȣeni neh naeseȣaiere tsi nahoiataȣen ne tsionionȣarontonhakoȣa; ne seʼs enʼsʼ tanon aeseȣenhase ne kenh iononte ehrent set, kaniatarake iasatiatonti eh se nenhiaȣenne.

St. Mark 11:13

Iahatkatto isiniiore tiokȣirote ȣisonkoȣa, eh niiahare raȣesakonhatie nothenon ahatsenri, neok nene neioneratonte aseken areko tiieiohe tsini ȣaia niiontha.

St. Mark 16:17

Nok kenh kaien enkaieronniststakon nentiaketakȣe: Aksennakon enskonȣanatekȣate nʼonatkon-seraksen; nʼiate kaȣennake enhionronkhake.

John 14:28

Seȣaronken tsi kȣarori ȣaken. Skatentionhe, nok tentkȣatkensera. Ne naskȣanoronkȣake oriȣiio tsi aeseȣatonnharake tsi katon: Rakenineha sake, aseken senha ki Rakeniha raiatanoron tsi nii niiot.

John 16:7

Oriȣiiose sane tsinikȣarori: Seȣatsennonniat oni naonsakatenti. Aseken ne iah tenskatentionhe iah ki tahontare ne Sakohnikonriiosta, nok tanon nenskatenti enthiiatenniete iseke.

John 4:37

Iontonʼs enʼsʼ oni ȣahi naha: saiatat tahoienthonhatie nok tihaiatate tahoientȣakȣenhatie, akȣa neneh tokenske.

John 5:20

Aseken ne Roniha ronoronkȣa ne Roienha, nok aȣkekon ronatonnihatie tsinihatierha, sekon oni senha ioriȣanerakȣatenions enshorihonnien tsiniiot ne kenh kaien, nese ȣaonni akȣa ise enseȣanerakȣenhaton.

John 7:33

Nok ne Iesos ȣasakaȣenhase: Sekon kenh nikariȣessa enteȣakȣekon, onen etho niienske tsi thenteron ne takatennieton.

John 7:39

(Neh rentonhakȣe, tsihenshakotienhase ne Rotkon Ronikonriioston tsini iakon tiakaȣetakon ne raonhake: Aseken arekoki shitonȣatkaȣen ne Rotkon Roiatatokenti, ne tsi areko tehoronhiakenserentaon ne Iesos.)

Acts 10:46

Asèken wahonwathiʼwenʼnáronke thí waronkhatserá꞉te tsi rothí꞉tare ó꞉ni ronwasenʼnahkaratháton ne Rawenni꞉io tsi nihosatstenserowánen. Tiér tahathá꞉ti:

Acts 16:18

Kwáh tóhka nónta kíʼ tsi thóh nahéiere, tsi nióre ne Kór wahthateriatít꞉kon wahtatkaraténi tánon wahawénhase nótkon, “Rahosénnakon ne Ié꞉sos Kerístos wakonróri thontatsiáken ne ahkahónhake!” Nótkon kwáh óksaʼk thontahakáienʼne nakahónhake.

Acts 19:12

Iehióhe ne iotʼtsinionkeráthas ó꞉ni nateniʼiónthas ne rátsʼtakwe sakotsʼténni ne iakononwákʼtanis, tánon kíʼ ne rahothinonwakʼténtseras tiohiakén꞉en, ó꞉ni ne rathinesonrónons sonwatihiathinekénʼhen.

Acts 2:33

Tsi sonwakétskwen neh꞉ne tsi raweienthetákwen nòkwati ne Rawení꞉io, ne Roʼníha, ne Rawení꞉io thó꞉wi ne Rahonikonratokén꞉ti, kwáh tsi nihorahrátston. Tsi nahóten nónwa sewatʼkáthos ó꞉ni sewarónkas nehne rahotathawítsera tsi nisonkwahiatanorónston.

Acts 2:41

Rohnatiokowánen tahonʼnétakwe ne rahoteʼriwanothátsera tánon wahontenekwéheste, tánon kákʼnon neh asenʼniwenʼniawehetserásen nihionkwétaʼke sahonwanatsiátaraʼse neh siwenʼniseráte.

Acts 4:16

“Onʼnhaietʼthiiéraʼse kí꞉ken tenónkwe” wahtontateriwanóntonse. “Kwáh onkwetakwékon ne Jerusalem hiakoterientaráʼon kí꞉ken kwáh ísiʼnon tsi nihioriwanerákwat tsi nihotiʼiéren neh ronónha, tánon iáh taʼitewakwéni naʼitewathónniʼien.

Acts 4:33

Kwáh rotisatstenserowánen ne ratikweʼkónʼne tsi wahatiriwanírate tsi sotʼkhétskwen ne Roiá꞉ner Ié꞉sos, ó꞉ni ne Rawení꞉io iókwats tsi nasakohiatanóronsʼte ne kahiataterítsera kwáh ratikwékon.

Acts 4:4

Nók hiakotiokowánen ne wahakothónʼteʼne nateriwanothátsera tahiakétaʼkwe; tánon wahakotiokowána kákʼnon ne wísk tewenʼniawehetserásen.

Acts 5:15

Neh iorihonníʼon tsi niʼhotiʼieránions ne ratikwekónʼne, kanatakéson niatonwanaskwénhawe ne iakononwatʼtanión꞉ni tánon kanakʼthákes ó꞉ni kénstkares non nahonwatihiatiónʼnite neh nahónton nahonathasátarase nónen ne Tiér thóh nónwe nenhothohestonhátie.

Acts 6:7

Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.

Acts 8:7

Kwáh tehotihenrétha ne ratinikonratsens tsi sakonwatiʼiatiʼnekenwe tsi sakonatsennine nonkwesónhas, tánon hiakotiokowánen ne iakohiatakenhéion ó꞉ni ne iáh tèiens sahiontatétsente.

Acts 9:34

“Aeneas,” ne Tiér wahawénhase, “Ié꞉sos Kerístos enshiátsienʼte. Téstann tánon satenakʼtónni.” Kwáh óksak ne Aeneas wahatʼkhétsko.

Acts 9:40

Tiér akwékon átste nonsontáti hiahóti, tánon waʼtatentʼtsióten wahaterénnaien; etʼthóhʼne tonsahatʼkaraténi thoʼnionsahatiérate tsi non nikahiatáhere tánon wahénron, “Tabitha, satʼkétsko!” Thonsontʼkakwarísi, tánon nónen sahóken ne Tiér sonnitskóten.

Romans 15:19

Ne kasatsʼténsera tsini watieronnísta ne ioriwanerakwaténions, ó꞉ni nahosatsʼténsera ne Rawenni꞉io Rahonikónra. Tanon káti, tsi nitewakatʼtahínon ne Jerusalem tsi nióre ne Illyricum, kwáh tewakeriwasaháthon tsi wakateriwánote ne kariwí꞉ios ne Kerístos rahonháke.