John 12:26 - Ohiatonhseratokénti

²⁶ Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

Ne Saint John 1804

²⁶ Togat nonken onghka ne ongwe rakheghsnyese, kinyoh raksere; ok tsi nonwe niih enkeseke, etho oni aghreseke ne rinhase: onghka kiok ne ongwe rakheghsnyese, raonha naah ne Ragenihha enhokonnyenghst.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁶ Onka rakeriȣaȣase raknonteratie ki, nok tsi-nonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

John 12:26 ပူးပေါင်းရင်းမြစ်များ

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Proverbs 27:18

Tesahrhó꞉ton kí꞉ken tsionʼnionwarontonhakowa kehrite tanon enshahianenhtane nashaiake ne tsionʼnionwarontakowa. Ratihnhá꞉tshera tehshakotíhshnie ne ratiiaʼtakweʼní꞉io enhonwatikwénienhsteʼ.

Numbers 14:24

Ók né kíʼ aoríhwa nakenhátshera Caleb tsi óia nènhne nironhnó꞉ten tánon iehokonhtáhkwen rorihwató꞉ken tsi nòkwah Ní꞉i, thóh kíʼ nienhihiaténhawe ne tsi tsionhontsáien ne iehotonhontsatkénhse, tánon tsi nienhatwatsiríhne enhonahtienawastónhake nonhóntsa

Numbers 32:11

‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Matthew 16:24

Ethone ne Iesos ȣasakaȣenhase ne raotiokȣa: Onka kiok enrerheke ahakateranentakten, akȣakiratateȣentet, nok ratketat ne raoiasa nok rakser.

Matthew 25:21

Nok ne Roianer ȣahenron: ioianere tsi seȣeienniio; kenh sane niioriȣaha nok ki taseriȣaierite eso kati enkonrihonten: satonnharen raotonnharatserakon ne Saianer!

St. Mark 8:34

Iasakononke nonkȣeokon oni ne raotiokȣa nok ȣahenron: Onkakiok enhienrheke rinonieratie, akȣa niare ratateȣentet nok terak ne raoiasa nok rakser.

Luke 12:37

Ronataskat neh nihatinnhatseroten, ronȣarhare ne Ronȣaianer nonen ensraȣe! Oriȣiio tsi kȣarori, akȣa neok nenshatiatannhake nok enshakohnonte, raonha oni enshakokkȣaerhase.

Luke 6:46

Oh nahoten ahoriȣake tsi seȣaton: Seȣenniio! Seȣenniio: iah se teskȣaȣennarakȣa.

Luke 9:23

Ok oni akȣekon thisakaȣennihakȣe: onkakiok enhienrheke rinonteratie, akȣaniare iontatateȣentet nakaonhatserakon, iontketat nakoiasa tsi ȣentatenion, nok ionkianenhaf.

John 10:27

Konronkas naketsenen nakeȣenna, kheienteris oni nʼii, nok nononha ionknonteraties.

John 13:16

Oriȣiio akȣa oriȣiio tsi kȣarori, tsi iah senha kannhatsera tehaiatanoron tsiniiot ne raiatakȣeniio, oni ne rariȣenhaȣi tsiniiot ne thotorion.

John 14:15

Toka takȣanoronkȣa seȣateȣeienton ki nakeriȣaokon.

John 14:3

Nok nonen enseȣakatention, enkȣanaktaseronnienni oni, tentke nok ienskȣaiatenhaȣe: nʼetho ki oni nise nonȣe naesehȣenterontake tsinonȣe nenkiterontake.

John 15:20

Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio. Toka ionkkenrenseronni enhiestsikenrenseronni ki oni nise; toka ionkeȣennarakȣen, enhiestsiȣennarakȣe ki oni nise.

John 17:24

Rakeni! Kaskaneks ne tsinihati takonkȣetaȣi, ne tsinonȣe nikiteron etho oni neneh ahatiterontake aiakȣakȣekonhake; naontkatho nakiatanerakȣatsera, neh nise takaȣi aseken ok siskehnonȣehon ohenton saontontonȣentsiatasaȣen.

John 21:22

Tontahenron ne Iesos: ok takanonton nahenterontake tsiniiore tentke, iah ki neneh othenon tesariȣake? taknonteratie nise.

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 14:18

Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.

2 Corinthians 4:5

Iáh í꞉ʼi teiakwataterihwahnotá꞉nis. Nonkwaterihwahnotáhtshera ne tho Ié꞉sos Kerístos, raónha ne Roiá꞉ner. Raónha ó꞉ni iahshonkwató꞉ri nakwaioʼténhse.

2 Corinthians 5:8

Teiotonhontsó꞉hon naionkwaʼnikonhrahnirónhake, aséʼken sénha ne tewarákwas ne taitewatekháhsi nonkwaierón꞉ta tánon Roiá꞉ner skátne iaonsetewenʼteróntake.

Galatians 1:10

Éhʼken ní꞉ioht tsi shí꞉ken ní꞉ioht ne kateniéntʼtha nakʼkwéni nónkwe ahionkeriwaníratʼtse? Kwáh iáh! Nahóten tewakathonwentió꞉ni nehne Rawenni꞉io ahakeriwaníratʼtse! Kateniéntʼta kén naksennowanénhake nonkwétake? Tóhkaʼ shékon ne kateniéntʼta neh naiáwenne, Iáh kíʼ tahihiotenséhake ne Kerístos.

Philippians 1:23

Kwá íken tsi iohníron tsi enkathaterákwase. Tewakathonwentióni nakiheie tanon Kerístos iahiakinikwékhaʼne, Asèken iawehthatsiáni ne iohiánere.

Colossians 3:24

Sewehiá꞉rak tsi Roiá꞉ner then tsi sewahriwaserá꞉kwase tsi nisakorahratstén꞉ni ne rahonkweʼtashón꞉a. Asè꞉ken Kerístos ne kwáh rahiatakweʼní꞉io neh tsioténse.

Colossians 4:12

Epaphras iatetsisewanonwerá꞉tons, ne nónhne ne sewentióhkwakon nón꞉we nihaiá꞉tare ó꞉ni rohiò꞉tense ne Kerístos Ié꞉sos. Tiotkonhón꞉we rokwísron tsi sewaterennaién꞉nis, rorihwanontón꞉nis ne Rawenni꞉io naisewarihwatokénhake, tsi kwáh tokén꞉en sewariwahienté꞉ri ó꞉ni kwáh iesewahkontákwen sewahriwiióston, kwáh iehiokontákwen tsi sewahwennaráh꞉kwa ne Rawenni꞉io.

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

1 Sawátis 5:3

Nonkwanoronkwátsera ne rahonháke ne Rawenni꞉io ne kéntons tsi entewatewénnaraʼkwe ne rahoriwahókons. Tánon ne rahoriwahókons iáh sóhtsi tehioníron nonkwariwáke,

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.