John 11:51 - Ohiatonhseratokénti

⁵¹ Iah raonha tehotennikonra tsi nahoten ȣahenron; nok tanon ne tsi raonha Ratsihenstatsikoȣa kenhne nʼethone, tsi kati niiot ne ȣahonikonrahentete nok tahonenne tahatrori tsi sakaȣenheiasere ne Iesos ne Sitaeronon.

Ne Saint John 1804

⁵¹ Ok ne ken yagh raonhha raonigonra ten hodadi: ok ethone sayoghserat raonhha yaweght rakowanen ne Cohenà, wahharighwatròri tsi rarighwakènse nene Jesus aghrenhheye ne akoriwa nʼetho ne aka-oghwhentsyoden;

Neh Nase Tsi Shokȣatakȣen 1880 (4 Gospels by Joseph Onasakenrat)

⁵¹ Iah raonha tehotennikonra tsi nahoten ȣahenron; nok tanon ne tsi raonha Ratsihenstatsikoȣa kenhne nʼethone, tsi kati niiot ne ȣahonikonrahentete nok tahonenne tahatrori tsi sakaȣenheiasere ne Iesos no Sitaeronon.

John 11:51 ပူးပေါင်းရင်းမြစ်များ

Exodus 28:30

Thóh sewátha ne Urim ó꞉ni ne Thummim ne tsi tewatentskwenaʼnáktha, né káti ne Aaron kwáh enhaháwake nónen entʼthatáwehiate tsi nónhwe ní꞉kes ne watiathatokénti. Né kwáh tó꞉ken tsi nikaháwis kwáh tiókonhthe tsi enhósthonke ne tehatentskwenaʼnák꞉tha, né káti nahónton ne tahahiató꞉rethe tsi niwakenikonhró꞉ten tsi nòkwah ne onhkweshón꞉ʼas ne lsraerʼró꞉nonʼke.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Numbers 22:28

Ethòne ónen ne Roiá꞉ner tahá꞉wenh ne tewahóntes nahakwéni ahatáti, tánon wahawénhase ne Balaam, “Ónh nikonhieráse? Ónh nihiotsiéren tsi áhsenh nihiorihwáke waskenonhwenhserário?”

Numbers 24:2

Tánon washakóken nonhkweshón꞉ʼas NÍsraerʼró꞉nonke sók sotitiokwát꞉tson tsi ní꞉ioht tsi ronatatohserótons. Né꞉ne rahonikónhra ne Rawenni꞉io tsiakoniaró꞉taron,

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

John 10:15

Tsi kiniiot tsi rakienteri ne Rakeniha eh oni nʼii nihiienteri ne Rakeniha. Nok aketsenenhokon keiaȣis tsi konnhe.

John 11:49

Ethone Saiatat Caiph ronȣaiasts, neh ratsihenstoȣanenne neh sikahaȣis, tahatati, ȣahenron: iah othenon teseȣanikonraientas.

John 18:13

Nok oksaok Annke niiahonȣasarine: aseken raȣennhonsa kenhne ne Caïph, neh ratsihenstoȣanen kenhne neh sikahaȣis.

1 Corinthians 13:2

Tó꞉ka ó꞉ni ahionkáwiʼke nakʼkweniésehke akaterihwahnót꞉take; akʼkhá꞉wahke akwékon natokhátshera ó꞉ni ahonkenikonrahientásehke ne ioterihwahséhtons; ahontiéntahke ne tewetákwen tsi nahteiotonwenhtióhon nahʼiorhiá꞉neron tsi ionontarónnions—ók tóhka iáh tewáhtien ne kanoronkwátshera, kwáh kíʼ iáh thènen thekástha nakonháke.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

1 Samuel 23:9

Nó꞉nenh ne Táwit saharihwáronhke nètho Saul tsi roteristahientáhtsies ne karihwahetkénhsera tsi nó꞉kwah ne raón꞉ha, wahawénhase ne ratsihénstatsi Abiathar, “Tasáf tí꞉ken ateniʼiónta kénʼen.”

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.