John 10:16 - Ohiatonhseratokénti

¹⁶ Sekon eso ȣakenaskȣaien nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientake saiatat oni nensakoststeristake.

Ne Saint John 1804

¹⁶ Ok òya ne werha wakenaghfgwayen, nene yagh kengh ten kontyendaghkwa; neoni enskeyathewe rononha oni enyonkewennaronke; enskat ok enkenhak ne kontyendaghkwa ok shayadat ne ranonghnatye.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Sekon eso ȣakenaskȣaicn nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientako saiatat oni nensakosts-teristake.

John 10:16 ပူးပေါင်းရင်းမြစ်များ

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

Psalms 86:9

Í꞉se ratikwékon sehiatíshon nonkweshón꞉has, ká꞉ti kwáh shonháke nòkwah nentʼtón꞉ne tánon sahénton thenhontʼtsákeʼte, Ó Saiá꞉ner, tánon kwáh eniesasenhnatokéntisʼte.

Ecclesiastes 12:11

Tsi nihónen né ronhtenikonhratʼthókas kwáh thóh ní꞉hiot tsi nihiohiothí꞉ie nètho kanákare ne róntstha ne teiotinahkaronhtónha sakotinikónhrahre, tánon ne tkaró꞉ronhs nokarahkáhions thóh nikaríhwes iohiá꞉nere tsi ní꞉ioht ne kwáh íken ioníronh tsi kanónhwaroʼthe. Rawenni꞉io totkáwen, tsi nikáien ne tewakwékon sonhkwanikonhrahráties.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 43:6

Kwáh enkénhase nothorèke, “Sehiát꞉kaf,” tánon nenhtiéne, “Tó꞉sa shehiótats; tontashehiaténhaf nakenekenteronhtseraʼshónhas nahinónsons nió꞉re ít꞉ken tánon ne khehiohokónhas tionatʼtonhwísens ne tsi ieiotonhontiotʼtaníhon iekónhnes—

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Isaiah 56:8

Né kí aoríhwa rá꞉ton ne Roiá꞉ner Rawenni꞉io, tsi rahónha sehsakoiataróhroks ne iontatsatinekénhon NʼIsraerʼronónke, kwáh kí enkheiataróhroʼke nakorénhsons ne raoʼtirihwá꞉ke tseshá꞉tiʼte ne onenk ronwatiiatarorón.

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Ezekiel 34:23

Kwáh enkhenonhtiʼiotséron tsi ní꞉ioht nakenhátshera Táwit né káti ne énskat khók ahiotiʼiéntake ne ranónnhe, tánon kwáh rahónʼa ensakotenhnikonhráhren.

Ezekiel 34:6

Káti nahkhitsenenhókonhs tsiatehionahréhnions ne tsi hionhniarónhnions ó꞉ni tsi iononhténions. Kwáh tsatehionahréhnion tsi kakónhsonhte ne tsi ionhwenhtsáte, tánon iáh ónhka teskonhwahtihiatishá꞉konh tó꞉ka ó꞉ni nahionteniénten nahonsakonhwahtihiatatʼtsénhri.

Ezekiel 37:22

Kwáh ensekhewenónhni né skentiókwak khók enkénhake ne tsi ionhwenhtsáte, tsi ionhnontarónnions ne Israel. Kwáh saiáta khók ne Ronhnontí꞉io enhotiʼiéntahke né enhsakokʼkórasthe, tánon iáh ónenh tekentiókwahke tahonshakénhake tó꞉ka ó꞉ni tékeni tsi ní꞉ioht tsi tahathinahkerahseróhren.

Ezekiel 37:24

Né Ronhnontí꞉io tsi ní꞉ioht nakenhátshera Táwit né raotinonhí꞉io enkénhake. Kwáh ratikwékon sahotiríhwa enkénhake saiáta khók ensakotʼkórasthe tánon kwáh enhioriwahtokénhake tsi enhontewénhnarahkwe natianerénseras.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Zechariah 2:11

Ne thóh nenhkahá꞉wike iakotiohkowá꞉nen rahonhà꞉ke ne Roiá꞉ner niénhien tánon rahonkwè꞉tah enhiónton. Skátke entewenterontake, tánon ensehwaterienʼtá꞉rahne tsi raónha thakató꞉rion ne tionhá꞉ke.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Luke 15:8

Ok ne ens ne tsiothonȣisen oieri niioȣistaien, enskat aioti, iah ontekenh oksaok takahaseroten nok aontonteȣeienton aionheȣe tsiniiore iaonsakatsenri.

John 10:11

Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.

John 10:2

Kenh kaien nakȣa tsi kannhokaronte nitres tsi iehataȣeiata, neh tohiken tokenske rahotsenenhokon ne teiotinakarontonha.

John 10:27

Konronkas naketsenen nakeȣenna, kheienteris oni nʼii, nok nononha ionknonteraties.

John 10:3

Enhonnhotonkȣase ne tehonnhohaien, ronȣaȣennaienteri ne teiotinakarontonha; akȣa oni entesakohnatonhnion tsi iensakohnonke ne raotsenenhokon nok astste niienshakoiatenhaȣe.

John 10:4

Nok nonen sakoiatinekenhon ne rahotsenenhokon, ohentonson ȣare, nok ronȣanonteraties ne rahotsenenhokon aseken ronȣaienteri.

John 10:5

Iah tanon tahonȣasere neiah tehonȣaienteri; ok eken tanon enkonteko, aseken iah teiakotiȣennaienteri ne thiiete.

John 11:52

Iah oni neh ok teken ne Sitaeronon, neh oni nasakoiataroroke nok oni iatasakoiestste ne Niio sakoienhokonha nʼok tiiateiakorehnihonne.

John 17:20

Iah rononha ok tekheiaterennaiennis, neh oni tsiniiakon nentiaketakȣe nʼaksennakon tsi ensakohnatati.

John 6:37

Tsinikon rakaȣis ne Rakeniha, akȣekon enȣakrane, nok iah tahonsahiiatinekenȣe nenhakeniahese:

Acts 15:14

Simon kwáh ónkwak wahanikonraiénthate tsi niʼiawén꞉en ne kwáh tsiotierénton ne Rawenni꞉io tsi wahsakótenre ne iáh tehatiʼsitaeʼró꞉nons neh nasakohiataráko ne raónha raotiókwa ahónton.

Acts 18:10

Asèken tenikwékon. Iáh ónka taiekwéni naiesakaréwaʼthe, Asèken iakotiokowánen neh kén꞉en kanátakon I꞉i akonkwétas.”

Acts 22:14

Wahénron, ‘Neh Ronwaní꞉io ne ietʼthisotʼthonʼokonkén꞉en iahiatarákwen nahisathókense tsi nihonikonróten, nahóken ne rohthonkwetakwaríshion rahonhátsera, tánon natsewénʼnaronke tsi nenʼhiatháraʼse.

Romans 11:25

Kwáh seh kariwasetánion naʼteriwakwarisióntshera, tewatenrosónhas, tsi nahóten ne kwáh tewakathonwentió꞉ni naihsewateriéntaraʼne, asèken neh ensewanónstate ne tóhsa aihsewathatenontónʼnionse tsi nahisewakthókhake. Tsi nihonatenontsistaniráton ne Israerʼró꞉nons iáh kíʼ tsehiotkontákwen, nók thóh khók nikaríwes tsi nióre ne iáh tehatisitaeronons tekaiatoreton tonihati ne Rawenní꞉ioke nienhón꞉ne.

2 Thessalonians 2:13

Teiontonwenhtióhon ne tiókonthe tahsakwanonweratónseke ne Rawenni꞉io níse sewahriwáhke, tewatenroʼshónʼa, í꞉se ne Roiá꞉ner tsi sewahnorónkwah. Asèhken í꞉se tisewahtierénton ne Rawenni꞉io tsi sewahiataráhkwen ne kwáh sontontáshahwen naisewahniákenthe ne Rawenni꞉io raoshatsʼténsera ne í꞉se rahonkwetatokénti aisewáton ó꞉ni tsi tisewetákwen ne oriwiʼioʼónwe.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

1 Tiér 2:10

Ieióhene iáh níse Rawenni꞉io rahonkwéta tekènne, nók ónen kíʼ rahónha rahonkwéta sewatónʼon; ieióhene iáh tesewateriéntarakwe ne Rawení꞉io raotaniténrat.

1 Tiér 2:25

Neh thisisewatiérenskwe ne teiotinakarontóna ne ionatiatatónhonne, nók ónen thetsitsihiaténha natsisewásere ne sakonón꞉ne ne teiotinakarontónhas ó꞉ni ne ranónne ne sewatónnhets.

1 Tiér 5:4

Tánon nónen enhathotáshon ne Ohénton írate ne Sakonón꞉ne kentiókwa, enshèna ne ioriwanerákwat oronhónkwa neh꞉ne iáh nonwénton tahióti naoswatʼthétsera.

Revelation 3:20

Satahón꞉satat! Thóh í꞉kete tsi kanonkáronhte, wakenhoháien; tó꞉ka ensathón꞉teʼne nakewén꞉na tánon tensanonhónti, Kwáh ní꞉i ienkoniatawehiáten tánon tentiatónhte, ó꞉ni ní꞉se skátne ní꞉i.