John 10:14 - Ohiatonhseratokénti

¹⁴ Kehnonnhatseriio nʼii, keienteris naketsenen, oni ionkienteri nʼononha.

Ne Saint John 1804

¹⁴ Iih naah ne ranonghnatyeghtseriyoh, oni kheyenderi aketsèna-ogon ok oni ne yonkyenderi.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁴ Kehnonnhatseriio nʼii, keienteris naketsenen, oni ionkienteri nʼononha.

John 10:14 ပူးပေါင်းရင်းမြစ်များ

Psalms 1:6

Asèken ne Roiá꞉ner ranikonrahrá꞉tsies tsi rotihatátse ne tionkwetaiéris, ók ne tsi rotihatátsie ne hionkwetahétʼken thóh né nón꞉we nieiawéhnon tsi iohatátsie natkaronhniátshera.

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Nahum 1:7

Ne Roiá꞉ner tsi thoriwaié꞉ri, kwáh roiataní꞉ron tsi nitesakones ne wenhniserontákwen ne tekanikòn꞉rare; teshá꞉kones tsi niiá꞉kon ne raonhà꞉ke ienhiontekwáhsen,

John 10:11

Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.

John 10:13

Neh ȣahonni ȣahateko ne tsi rannhatsera, iah othenon tehannhatens ne katsenen.

John 10:27

Konronkas naketsenen nakeȣenna, kheienteris oni nʼii, nok nononha ionknonteraties.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 17:8

Aseken sekheȣennaȣi tsinikon takeȣennaȣi, nok rotiiena; thonetakon oni tsi iseke teȣakientakon tsi ise oni teskatorion.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 3:19

Oriwí꞉io, tsi enwáton nahisateriéntaraʼne ne rahonhoronkwátsera—iahwerohátsien tsi kwáh iáh nonwénton thakananónhake niaʼiáwene꞉ne—neh káti kwáh iaʼtekaiérik tsi satʼtháwa ne Rawenni꞉io rahonhoronkwátsera.

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

2 Timothy 1:12

tánon neh kíʼ ahoríhwah wahkeronhiáken kí꞉ken nahorihoténsons. Onk sékon kíʼ wahkenikonraníron, tioríhwah wahkateriéntare ónhka thiʼietákwen, tánon kwáh orihwí꞉io wahkónni rohkwénion nahatiatanónstathe tsi nióre ne tewenniseráte tsi nahóten rakeniahesáʼon.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.

Revelation 2:19

“Wakaterièn꞉tare ne saioʼténhseras—ne sanoronkwáhtiera, tsi thishetákwen, sathatsiothénstha, tánon sanikonkátste. Wakaterièn꞉tare nonáhken tsi saioténhen tsi sénha kaioʼtenhserowá꞉nen tsi ní꞉iot ne shontontié꞉renhte.

Revelation 2:2

“Wakaterièn꞉tare tsi nisahioʼtenhseró꞉tens, tánon satakátstaton niatasotʼten. Wakaterièn꞉tare tsi iáh thasehiathakátsthate ne wahét꞉ken tsi nihontié꞉ra; ní꞉se waseiatenientén tsi niiá꞉kon né꞉ne ionthatenatónhkwa ionteriwanhótha ók iáh kíʼ neh tè꞉ken, tánon wahonwatiiaʼtatshén꞉ri rotinó꞉wenhs.

Revelation 2:9

“Wakaterièn꞉tare tsi ne saronhiakensera ó꞉ni ne sathentétshera, ethosà꞉ne tsi sakwátshe. Wakaterièn꞉tare tsi niieshasenhnatʼsatha tsi niiá꞉kon ne ne iónton ratishitaheró꞉nons tánon iáh kíʼ ronón꞉ha tè꞉ken, ók né꞉ne Ótkon raotióhkwakon.

Revelation 3:1

“Tánon raonhà꞉ke ne Raronhiakeró꞉non thóh nón꞉we nononsatokenhtí꞉ke ne Sardis shiá꞉ton: Ne kíʼ ne raoteriwanhothátshera ne raónha tesakoniarotá꞉ron ne tsá꞉ta niwatonhnhetsherá꞉ke ne ronwahiò꞉tense Ní꞉io tánon raónha rahá꞉we ne tsá꞉ta nikatsistóhkwake: “Wakaterièn꞉tare ne sahioʼténhsera; wakaterièn꞉tare tsi ní꞉iot nashón꞉neke, ók senhé꞉ion.

Revelation 3:15

“Wakaterièn꞉tare ne saioʼténhseras; ní꞉se kakniká꞉ien aiowiostóhake khek naiotarihénhake. Kaská꞉neks né꞉tho ní꞉se kakniká꞉ien akénhake iowísto kheks ioʼtarí꞉hen.

Revelation 3:8

“Wakaterièn꞉tare ne saioʼténhseras. Satkáto, Wakonién꞉hase sahén꞉ton ne tekanonhóntion, né꞉tho iáh ónhka taiekwé꞉ni ahonsaienhó꞉ton. Wakaterièn꞉tare tsi kenk nishashatsténhsera, tánon kíʼ satienawátston nakewén꞉na ó꞉ni iáh tesatonhní꞉en natsén꞉na.