John 1:51 - Ohiatonhseratokénti

⁵¹ Ȣahaȣenhase oni: oriȣiio, oriȣiio tsi ȣakonrori: tsi ensatkatto tenhioteronhiakhasion eh niienshonenonhatie ne Niio Raoronhiakeronon enthonastsnentonhatie oni tsinonȣe nenhenterontake nʼonkȣe Roienha.

Ne Saint John 1804

⁵¹ Ok saghrenhaghse, togenske; agwagh togenske wakoghròri, onwa oghnagen ensewatkaghtho enteyoronghyokaràwen, ok ne Niyoh raotyonghkwa ne karonghyageghronon eneken yakaweghtonhatye ok tʼontsnenghtonhatye tsi íre ne ongwe ronwayeah.

Neh Nase Tsi Shokȣatakȣen 1880 (4 Gospels by Joseph Onasakenrat)

⁵¹ Ȣahaȣenhaso oni: oriȣiio, oriȣiio tsi ȣakonrori: tsi ensatkatto tenhioteronhiakhasion eh niienshone-nonhatie ne Niio Raoronhiakeronon en honastsnenton-hatie oni tsinonȣo nenhenterontake nʼOnkȣe Roienha.

John 1:51 ပူးပေါင်းရင်းမြစ်များ

Genesis 28:12

Tánon onekó꞉tah. Wahotétshen onhwentsà꞉ke kanekó꞉tote, ne kanekotakèn꞉iate tshieió꞉ken karonhiá꞉ke; tánon ne raoronhiaʼkerononhó꞉konʼs né Rawenni꞉io thóh tahonatsnenhtonhátie tánon sahotirathenhátie?

Ezekiel 1:1

Ne ásen-niwáhsen shiʼioserahkéhaton, ne kaieríhaton siwenhnitakéhaton, ne꞉ne wísk-khaton siwenhniserahkéhaton, skátʼke iákweskwe ne tionkhihianahkerahkwáhton ne꞉ne tsi kaniatarahtátse ne Chebar, ne tsi karonhiáte onhtenhothónko, kwáh ne ne ahonkatetʼtsénseke Rawenni꞉io waí꞉ken.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Matthew 25:31

Ne nonen tentre nʼOnkȣe Roienha enthoiatanerakȣatonhatie, tenthonȣanitiokȣatontie oni ne raoronhiakeronon okon, nok ethone enhennistskȣaren ne raonistskȣaratseranerakȣatserakon.

Matthew 26:24

Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.

Matthew 3:16

Nok nonen Sahatenekȣaheste, Satontahateskoko; nensok tontonteronhiakhasi, nok ne Saȣatis ȣahoken ne Niio Rahonikonratokenti Orite rotiatontakȣenhatie Karonhiake nontare.

Matthew 4:11

Ethone onen notkon ȣahotkaȣe, nok ok eh kanenraratie ne ratironhiakeronon oni ȣahonȣanonte.

Matthew 8:20

Tontahenron ne Iesos: Iohnatsonhionton naha ne Tsistso, nok kontsinakonni notsitenhokonha; Nok ne Niio Roienha akȣekon iah tehoien natkonsera.

Matthew 9:6

Neh kiok oni aeseȣatokatakȣe tsi rokȣeniatseraien ne Niio Roienha nonȣentsiake aonsaharakeȣe nʼiakohriȣaneren; Ethone ȣahaȣenhase, satkestsko, nok ionsashaf ne sanakta, nok sasatenti.

St. Mark 1:10

Nok akȣa neok sonsahateskoko, iahatkato ne Saȣatis tontonteronhiakhasi nok eh tahaiakenne ne Rotkon-Ronikonratokenti, Orite kenraken rotiatontakȣenhatie tsi ȣahotienhase ne Iesos.

St. Mark 14:62

Tahenron ne Iesos: II; nok henstsken nonkȣe Roienha tsi raȣeientetakon ne Niio henhenstskȣarake, oni nonen otsikerakeson natenthaȣenonhatie.

Luke 2:13

Nok ok eh iakaniionten rotitiokȣatsanit ratironhiakeronon Karonhiake tahatiientakȣe tehonȣanonȣeronnions ne Niio, ronton:

Luke 2:9

Ok taontierentsi kenh ȣahoketote Raronhiakeronon, akȣa oni ȣathotiȣannhake ne Niio raosȣathetsera, nok ȣathonatonharenron.

Luke 22:43

Nok Raronhiakeronon Karonhiake nontare ȣahonikonranirate.

Luke 22:69

Iatekakonte ki nonkȣe Roienha tsi ienshenstskȣarake tsi thaȣeientetakon oni raosastenserakon ne Niio.

Luke 24:4

Sekon ok kati etho niiotinerakohon, teniiase rotiiatanerakȣat eh ȣahotiketote.

Luke 3:21

Nok tsi iontenekȣahesta nonkȣeokon, etho oni neneh ȣahatenekȣaheste ne Iesos; nok tsinikariȣes roterennaien, tontonteronhiakhasi.

John 1:50

Tontahenron ne Iesos: neh tsi ȣakonrori tsi tekonkanerakȣe nʼokȣirokon sitesiterontakȣe neh ahoriȣa tasetakȣe; ensatkatoseron ne senha kariȣanorons tsiniiot ne kehiken.

John 10:1

ORIȢIIO akȣa oriȣiio tsi kȣarori; onka iah kannhohakȣeniioke tethataȣeiatakȣa tsinonh nikontiteron ne teiotinakarontonha, akte tanon nonȣe thaientakȣa tsi iehataȣeiata, neh tohiken naieron oni ranenskȣas.

John 10:7

Sekon kati ne Iesos ȣahenron: Oriȣiio akȣa oriȣiio tsi Ii ne tsi kannhokaronte tsi nonȣe nitkonnetta ne teiotinakarontonha.

John 13:16

Oriȣiio akȣa oriȣiio tsi kȣarori, tsi iah senha kannhatsera tehaiatanoron tsiniiot ne raiatakȣeniio, oni ne rariȣenhaȣi tsiniiot ne thotorion.

John 13:38

Tontahenron ne Iesos: ensateȣentete tsi sonnhe nʼii akeriȣake! Oriȣiio akȣa oriȣiio tsi konrori tsi iah taontontati ne kitkit nʼiah asen taskatonnihiiasere.

John 14:12

Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

John 16:20

Oriȣiio akȣa oriȣiio tsi kȣarori, tsi tenseȣasenthoseron, nok entsionsenanion; nok enhiontonnharonnion nonkȣeokon: katon enseȣanikonraksenseron, nok ki tanon atonnharatsera tenstiatteni ne seȣanikonraksentsera.

John 16:23

Nok ethone iah othenon taonsaskȣariȣanontonse, Oriȣiio, oriȣiio, tsi kȣarori akȣa tsi ok nahoten entsiseȣariȣanontonse ne Rakeniha nii aksennakon akȣekon entsitsion.

John 21:18

Oriȣiio, oriȣiio tsi konrori: ase sisonnhe satiatannhakskȣe tsi oni nitesenonȣes eh niieheseskȣe; nok nonen ensatiatisa tensateȣeiatate nok akoren enhiaiatannhake eh oni niienhiaiatenhaȣe tsinonȣe iah tiiesanontonnion.

John 3:3

Ȣahenron ne Iesos tsi tontahoȣennaȣeron: Oriȣiio tsi ȣakonrori tsi iah teiontaȣeiatane ne Niio raonakeraserakon ne iah ase tentsionnakerathe.

John 3:5

Tontahenron ne Iesos: Oriȣiio akȣa oriȣiio tsi konrori, ne iah tensrennakerathe nʼonekanosne nok kanikonrake, iah ki nonȣenton tiiahataȣeiate ne Karonhiake.

John 5:19

Tontasakoȣennaȣeron kati ne Iesos, ȣahenron: Oriȣiio akȣa Oriȣiio tsi kȣaroris: tsi iah othenon tahakȣeni ne Roienha ne raonhaa akenhake, ne iah tatahokanerake ne Roniha othenon nahaiere; aseken tsiki nenhaiere ne Roniha, eh ki nonhaiere ne Roienha.

John 5:27

Raonha oni rokȣeniatseraȣi ne tasakoiatorete, aseken Onkȣe Roienha.

John 6:26

Tontahenron ne Iesos tsi tontasakoȣennaȣeron: Oriȣiio oriȣiio, tsi kȣarori, tsi iah neh teskȣaiatisaktonhaties tsi ȣeseȣatkatto ne ioriȣanerakȣat, neh tanon tsi kȣanataranonten nok oni tsi seȣatahon.

John 6:32

Tontahenron ne Iesos tsi tontasakoȣennaȣeron: Oriȣiio akȣa oriȣiio tsi kȣaroris; iahse karonhiake tethonatarenha ne Moïs ne etsiseȣanataranonten. Rakeniha tanon tokenske etsiseȣanataranontens ne karonhiake nitiaȣenon.

John 6:47

Oriȣiio akȣa oriȣiio tsi kȣaroris, onka entretakȣe nʼaksennakon henronnheke onȣe.

John 6:53

Tontasakaȣenhase ne Iesos: Oriȣiio oriȣiio tsi kȣaroris niah tenseȣaȣarakhe nonkȣe Roienha raoȣaronk, iah oni tenseȣanekirane ne raonekȣensa iah ki taetsionnheke ne tsionhake.

John 8:34

Iesos tontasakoȣennaȣeron ȣahenron: oriȣiio akȣa oriȣiio tsi kȣaroris: onka kariȣaneren tsini hoierenhaties, kariȣanerenki ahostsenen tsi ronnhe.

John 8:51

Oriȣiio, oriȣiio tsi kȣaroris, onka enhakeȣennarakȣe, iah nonȣenton tharenheie.

John 8:58

Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sikenakere.

Acts 10:11

Tsi ní꞉ioht wahatʼkátho watewateronhiakʼkhási tánon tsi ní꞉ioht ne wenʼniatarowánen tahiotsʼnentonhátie kwáh tehiotekerónte tsi wakaiéntaʼne nonwentsiáke.

Acts 7:56

“Sewatʼkátho!” wahénron. “Wakatʼkátho watewateronhiakʼkhási tánon ne nónkwe roiénha tsi raweientethákwen ne Rawení꞉io Í꞉rahte!”

2 Thessalonians 1:7

tánon ént꞉hion naisatʼrákwase tsi nítion ne sewahronhiáken ó꞉ni nonkwahtiakhéson. Thó꞉ne kíʼ thóh nenháiere nónen ne Roiá꞉ner Ié꞉sos éntʼtho kéh꞉thote tsi karonhiáte skát꞉ke ne rotisatsʼtenserowáhnen raoroniakerononʼókons,

2 Thessalonians 1:9

Né꞉e enhatironhiákente ne karihwahieshátshera tsi nénweh enkariwahiesáton, tenhiakhokʼkháshion raiaták꞉ta ne Roiá꞉ner ó꞉ni tsi nòkwa ne ioriwahnerákwak raosatsʼténsera.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Jude 1:14

Raónha ne Enoch, ne tsatákhaton nierate tsi nitotʼwahtsirínon ne Á꞉ton, raʼonha ki iehoriwáken tsi nenhothiʼiatawe: “Ne Roiá꞉ner entesakoʼiaténhawe ne kwáh thó꞉ka niwenʼniawehetsheráhsen ne ronatiokowánen rahoronhiakerónons

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

Revelation 4:1

Onakénhke kíʼ wakatkáto, tánon tho karonhiá꞉ke watewatenonhón꞉ti! Tánon ne tontié꞉renhte nowén꞉na, tsi ne né꞉tho onkathón꞉teʼne wakʼthará꞉ni kwáh né꞉ne ieonrawátstha, wá꞉ton, “Kén꞉en taserákthen, tánon í꞉i enkonhnatónhase tsi nahó꞉ten ó꞉nenk tsi thóh nenhiá꞉wenhne nonakénhke kí꞉ken.”