John 1:38 - Ohiatonhseratokénti

³⁸ Nok ne Iesos tontahatkarhateni, ȣahonikonraientane tsi ronȣanonteratie, ȣasakaȣenhase: Nahoten Seniniente? tontahonȣaȣennaȣeron ȣaniron: Rabbi! (neh sakat naiahiron, Saianer) kah nonȣe Tesiteron?

Ne Saint John 1804

³⁸ Ethone Jesus egh tʼensahhatyèrat ok teshakokànere ronwaghnonderatye ok washakawenhaghse oghnahhoten iseneghre? waghníron Rabbi, ne yaweght ayaìron ne onen tekawennadenyon, seweniyoh, kàh nonwe tesideron?

Neh Nase Tsi Shokȣatakȣen 1880 (4 Gospels by Joseph Onasakenrat)

³⁸ Nok ne Iesos tontahatkarhateni, ȣahonikon-raientane tsi ronȣanonteratie, ȣasakaȣenhase: Nahoten Seniniente? tontahonȣaȣennaȣeron ȣaniron: Rabbi! (neh sakat naiahiron, Saianer) kah nonȣe Tesiteron?

John 1:38 ပူးပေါင်းရင်းမြစ်များ

1 Kings 10:8

Tsi nióre tsi ionateraswí꞉io ne tesewénhterons! Ó꞉ni tsi nihonateraswí꞉io ne sanhatserahókons, né꞉ne tiotkonhónwe sahénton rónhnes tánon ronateraswí꞉hio nahonatʼthónteʼne ne satʼthokhátseras tsi nisathónhnions!

Psalms 27:4

Tioríhwa riʼrihwanonhtónhni ne Roiá꞉ner, nètho kwáh enkésahke: né꞉ne raonónskon ne Roiá꞉nerakiterón꞉take kwáh tsi niaʼtewenhniseráke tsi nikónnhes, né nakatkátho ne é ne Roiá꞉ner, ne nahirihwaʼnón꞉tonhse ne Rawenni꞉io nahakerihwakwahríshiaʼse akwé꞉kon tsi nihiotónhase.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 3:18

Nónhka aieié꞉na attokháhtshera ronatonhnháhere; attokháhtshera entiaka꞉wen natónhnhets.

Proverbs 8:34

Nónhka enionkwatahónhsatate tánon— nónhka niaʼtewenhniserá꞉ke ionkehrhá꞉re tsi wakatehnhoká꞉ronte tsi nón꞉we nikì꞉teron eniakotohnhá꞉rake.

Lamentations 5:19

Nók í꞉se, O Saiá꞉ner, sah Nontí꞉io tsi nénwe tánon ó꞉ni enskoráhake tsi nióre iehiótokʼte.

Luke 10:39

Enskat iokenshentakȣe Onȣari konȣaiasts, rasitakta nehne ontien, eh oni kenteron, nok iotaonsate ne Iesos raoȣenna.

Luke 14:25

Kentiokoȣanen are ronȣanonteratie: tontahatkarhateni, nok ȣasakaȣenhase.

Luke 15:20

Tonsahatane, sahatenti ronineha niionsare. Sekon ok ihnon satontare; ok naha tahoken ne Roniha, ȣathoniatasiharane tsi nahotenre; iathoterate nok iahoniasa oni ȣathonoronkȣanionton.

Luke 19:5

Nok nonen eh nonȣe Sharaȣe ne Iesos, ȣahatarakestsko nok Sahoken, ȣahaȣenhase: Zaché iosnorenn tasastsnent aseken sanonskon nonȣa enkataȣeiate.

Luke 22:61

Nok ne Roianer tontahatkarhateni ȣathotkaneren ne Tier; nok ne Tier sareiarane tsi nithotati: ohenton naontontati ne kitkit asen nenskatonnhiiase.

Luke 8:38

Nok notkon rotiennine, ȣahoneken nahnesheke; nok ne Iesos ok eken sahotekȣate nok ȣahenron.

John 1:37

Nok ne teniiase ne raotiokȣa, oni ne ronȣathonte tsiniiot tsi tahatati, oksaok Iesos sahonȣateranentakton.

John 1:39

Tontahenron: kasene nok tsiatkatto. Eh niiahane nok ȣaiatkatto tsinonȣe nihenterontakȣe; etho oni ne rononha ȣahiatien nehneh ȣenniserate, aseken onen oieri siioȣistahehatie tsini ȣatenniserine.

John 1:49

Nathanael tontahoȣennaȣeron, nok ȣahenron: Saianer! ise ne Niio Iaienha, ise iesanontiio nʼIsraerhaka.

John 12:21

Neh kati ȣahonȣaiatorenne ne Philippe Galileronon, Betsaida kanatakon nonȣe nihanakerekȣe, ȣahonȣaneken, ȣahonniron: Seȣenniio; iakȣaskaneks nʼasakȣaken Iesos.

John 18:4

Nok ne Iesos roterientaratsion tsini hoiataȣensere, iahatenti nok ȣahenron: Onka hetsiseȣaiatisaks?

John 18:7

Sekon tontasakoriȣanontonse: onka hetsiseȣaiatisaks? nok tontahonniron: Iesos Nazaretronon.

John 3:2

Asonthenne ȣahoiatorenne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon ne Niio.

John 3:26

Etho sahonneȣe tsi, renteron ne Saȣatis, shontonne: Saianer, Sakohnekȣahesta se ken oni neneh onen thohiken tiseneskȣe ihsi nakaihionhati Jourdan neh oni ne hetseriȣanirati, akȣa oni ihken tsi raonkȣetanakerens.

John 4:31

Onen nehne ne raotiokȣa ronȣasteronȣi ronton: Saianer! tesastskaon niha.

John 6:25

Ȣahonniron nonen siiaonȣaiatatsenri ihsi nakaniatarati: Saianer! katke kentho nitisa?

Acts 10:21

Sók kíʼ ne Tiér hiahátsʼnente tánon wasakawénhaʼse ne ronnónkwe, “Í꞉i neh kónkwe ne takwahiathísaks. Nontiéren tsi kén꞉en tésewe?”

Acts 10:29

Káti nónen siaskínonke, kwáh iáh thènen tatewakerihóron. Konriwanontónnis káti nontiéren tsi iaskínonke?”

Ruth 1:16

Tontakariʼwaserá꞉ko ne Ruth, “Tóhsa takeriʼwanón꞉tons nakoniá꞉tkawe! Takeríhon naiétene. Tsi nón꞉ nienhénhse tho kiʼ niʼ ní꞉i nienhén꞉ke tsi nón꞉ nenhsiʼteróntake tho kiʼ enkiʼteróntake. Sonkweʼtaʼshón꞉ʼa í꞉ʼi꞉ ó꞉ni akonkweʼtaʼshón꞉ʼa enwá꞉ton tánon Saní꞉io í꞉ʼi ó꞉ní Akení꞉io enwá꞉ton.