John 1:29 - Ohiatonhseratokénti

²⁹ Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

Ne Saint John 1804

²⁹ Tsi wa-orhenne John tehokànere Jesus karo tehhaweghtane, ok wahhenron tsyatkaghtho ne Yehovah raosehh nene eren tehhahhawightha oghwhentjagwegon akorighwanneraksera.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁹ Tsi ȣahorhonne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣanera-aksera.

John 1:29 ပူးပေါင်းရင်းမြစ်များ

Exodus 28:38

Aaron rahkenkwahráke nónhwe nénhratsthe, ne káti Ní꞉i ne Watiá꞉ner, entiéna akwékon tsi niʼhionkawíhon ne lsraerʼró꞉nons tsi hiontiaʼthakweniʼióston, iekaníhare tó꞉ka nonhkweshón꞉ʼa énska tahonterientawénrie tsi nenhatíʼtate.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Isaiah 53:7

Ronwahwiʼsáton tánon ronwaronhiakénton, nek kík sá꞉ka iáh thaʼtehotskwékʼshion; kwáh tsi ní꞉ioht ne tehonakaronhtónha owí꞉ra iahonwasárihne né tsi tseriós꞉tha, tánon kwáh tsi ní꞉ioht ne teiotinaʼkaronhtónhas nètho kónhnete raohénton ne sakononwé꞉riaks kwáh thatehiothó꞉te, ká꞉ti kwáh iáh tatehotskwékʼshion.

Hosea 14:2

Iasewáhaf nowén꞉nas tánon rahonhà꞉ke ne Roiá꞉ner nionshá꞉sewe; tsi sewénhas, “Akwé꞉kon é꞉ren sáwit ne kanhí꞉tshera; ne tséna nahó꞉then ne ioiánere, tánon kwáh kí ienhiakwáhthate tsi nitsakwahtateriwastá꞉ni.

Leviticus 10:17

“Onhnihiotséren tsi iáh thóh nónhwe thaʼtesewatskáhons tsi nónhwe nihiotokénti íken ne karihwáneren aorihwáke tsi iewatkáwen? Kwáh íken tsi iotokénti íken, tánon ne Roiá꞉ner í꞉se theʼtsisewáwi né nahón꞉ton né꞉ren ahonsakahawíthonhke naʼkorihwanerahaʼkʼtsheras ne ienákere kanakeraserákon.

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

Numbers 18:1

Ne Roiá꞉ner wahawénhase ne Aaron, “Í꞉se, tánon ne sehiohʼokónhas, tánon ne Levites ónenk tsi ensewaronhiáken tsi nienhiáwenhne tó꞉ka ne thènen kaʼníkon tekeníneren tsi sewahióte natohsehrákon tsi nónhwe nikíteron; ók í꞉se kík tánon ne sehiohʼokónhas ensewaronhiáken tsi nienhiáwenhne tsi sewahióte tsi sewatsihénstatsis íken.

Numbers 18:23

Kénhen ienwatáshawen nekhók ne Levites tenhatirihwásniene natóhsehra tánon kwáh enkananónhake tsi enhonterihwastériste. Né kí꞉ken ne iehiotkonhtákwen kaianerénhsera né ó꞉ni iakóton tsi ienhsatwatsírihne. Ne Levites kwáh nènhne iehiotkonhtákwen tsi iáh thahotiʼienthatsheraiénhtake NÍsraerʼró꞉nonke,

Numbers 21:9

Káti ne Mahís ne wahaniarónhniate ne tehiotwístaron notsínekwar karístatsi tánon kanakarahkénhiate iarohá꞉ren. Nónhka nóniare iakoká꞉rion enhiekenʼénhion ne tehiotwístaron karístatsi óniare hionhniáton tánon kíʼ entseiewénhtane.

Matthew 1:21

Nok roskenraketa enkenhake nenhioȣiraientane; Iesos enhtsenatonkȣe: Asekenraonha sariȣatontane ne kariȣaneren.

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

John 1:35

Tsi are saiorhenne, ȣathatane ne Saȣatis teniiase ronnene ne raotiokȣa.

John 1:36

Nok tehakanere tsi rotoheststonhatie ne Iesos, ȣahenron: Neh kehiken ne Niio Roienha.

John 1:43

Tsi ȣahorhenne Galile niionsare ne Iesos, eh ȣahoken ne Philip, ȣahaȣenhase oni neneh: takser.

John 2:1

ASEN nonta onakenke taiontennioten Cana Galile nonȣe, etho iȣeskȣe ne Iesos ronistenha.

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

John 4:42

Nok skonȣennihakȣe ne tsiothonȣisen: iah onen ise tesaȣenna tetsiakȣasere: aseken akȣa ii onen sakȣaȣennaronken, nok ionkȣaterientare tsi tokenske nehe ne Keristos sesakoskontakohe nʼonkȣe.

John 6:51

Ii ne kanatarok ne ionnhe, nehne karonhiake nitiaȣenon; toka onkakiok neh enhanatarake henronnheke onȣe, nok ne kanatarok nenthiion neh nakȣa ii akeȣaronk, neh oni ne kheiaȣire naiakonnhekȣen nonkȣe okon.

Acts 8:32

Neh kí꞉ken nahowenʼnasónhas nohiatonseratokénti tsi nónwe nihowennaʼnotátie: “Kwáh neh teshiatiéren ne teiotinakarontónha iakonwahiaténhawe nakonwanonwariákhon, Tsi ní꞉ioht ne teiotinakarontónha owíra kwáh thatehiothóte nónen konwanonwérias. Iáh neh tsiowén꞉na teháwen.

1 Corinthians 15:3

Wahtiohétsthen tsi nahóten wahtienáhon, ne nahonháʼa tsorihowáhnen: nètho Kerístos tsi rahwenhéion né iorihónni nonkwahriwanerahákʼtshera, tsi nikahiáton Noriwatokentíke;

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Galatians 1:4

Neh nahónton kwáh skénnen ahonsashonkwátʼkaʼwe tsi nikariwáneren nónwa nikaháwis, Kerístos iaʼtehahiáti iahatatátʼkaʼwe waharonhiáken nonkwariwanerahákʼtsera, wahatewénnaraʼkwe tsi nithonikonró꞉ten nonkwaNí꞉io ó꞉ni Sonkwaníha.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

1 Timothy 2:6

iehothatatkáwen nahonsashakoniákenthe neh kwáh kentiokwaʼkwékon tsi niaʼteienekwésakes nonkwesónha. Kwáh tahiothoʼkéntaʼne neh iorihwaniráthon neh Ní꞉io tehothonwentió꞉ni kwáh niaʼtehionkwétake aieniákenʼne,

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 2:17

Ne kí꞉ken kéntons kwáh thóh nen ronnoténhne tsi ní꞉ioht ne rahonkwatasónha, ne nahónton nahoriwahtokénhake ó꞉ni nahotanitenrátskon tsi ratsihentowáhnen íken tsi nihoʼiótense ne Rawenni꞉io, nekáti nonkwesónhas nahonsahiontatenikónrense nakorihwahnerahákʼtshera.

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.

1 Tiér 1:19

neʼne iokaratʼtsáni roronhiakénton ne Kerístos, kwáh neh teskaieróntarakwe ne teotinakarontóna owíra kwáh iáh thènen tehoníkon iáh ó꞉ni thèʼnen tatehotherientawénrieh.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

1 Sawátis 3:5

Sahteriéntare ne Kerístos neh aoríwa roketóthon neh꞉ne ahéren ahonsahaháwite ne kariwáneren, tánon ne rahonháke kwá iáh thènen tekáien ne kariwáneren.

1 Sawátis 4:10

Kén kíʼ ní꞉ioht ne kanoronkwátsera: iáh neh tèken tsi atsitewanoronkwáʼon ne Rawenni꞉io, nók ne tsi sonkwanoronkwáʼon tánon thoteniénton ne Roiénha tsi nahiotónhake nahonsakanikonrén꞉en nonkwariwaneraháktsera.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 12:11

Ók ne ronwasenhniéton ne raón꞉ha ne raonekwénhsa ne teotinaʼkaronhtónha owí꞉ra tánon nowén꞉na ronatrorhiá꞉ton, tánon ronathateweienhnentá꞉on nahontsakwaríshion tsi ronhnón꞉nhe ó꞉ni nahonní꞉heie.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 14:1

Ethò꞉ne iakatkáto, tánon thóh í꞉rate teonakarontónha owí꞉ra tsi ionón꞉te ne Zion! Tánon ne ratikwé꞉kon ne énska tewenhniáwe kaiéri niwáhsen-kaié꞉ri niwenhniaweheʼtseráhsen nihá꞉ti né꞉ne rahónha tánon ne roʼní꞉ha raotishén꞉na ne tehonwatiiatónkwen ratikwenhká꞉rakes.

Revelation 14:10

kwáh ó꞉ni ronón꞉ha enhatinekí꞉ra ne notsí꞉tsa né꞉ne Rawenni꞉io raoterhiatitkhóntshera, tewawéhron kwáh iáh thatekanekaiéston ne kák꞉sakon ne raonakwáhtshera, ne ronón꞉ha kwáh enhon꞉watironhiákente ó꞉tsire enwátston tánon iontenathentásta thóh raotihén꞉ton ne roʼtiiatatokénhtis ratironhiakeró꞉nons tánon raohén꞉ton ne teonakarontónha owí꞉ra.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:7

Á꞉nion ionkwahtshennonníhak tánon ionkwatonhnhárak, tánon tetshí꞉tion ne kahiataterakwátsera, asè꞉kenh ne raoniák꞉tshera ne teiotinaʼkarontón꞉ʼa owí꞉ra ón꞉we, tánon ne ró꞉ne iakotateweiennenhtá꞉ʼon;

Revelation 19:9

Tánon ne raronhiakeró꞉non wahakénhase, “Shiá꞉ton kí꞉ken: Iakotaskáts ná꞉ha tsi niiá꞉kon ne ionthontonkará꞉wi tsi roʼthennió꞉te rokhwáhere ne teonakaronhtónha owí꞉ra.” Tánon wahakénhase, “Né kí꞉ken ne raowenhnaó꞉kons ne Ní꞉io.”

Revelation 21:14

Tánon tsi natewasón꞉tote ne kaʼnatowanenhke tekeni iawenhre niió꞉tinenhrá꞉ke tekaʼnenhiaseronhnion, tánon ne tsó꞉tinenhraktions thóh nón꞉we nihá꞉tisenhnaronhnions ne tekeniiá꞉wenhre nihá꞉tikwe ne ratikwé꞉konhne ne teiotinaká꞉rontonha owí꞉ra.

Revelation 21:27

Ók iáh thaʼhó꞉tens ne iáh teiót꞉kweniens kwáh iáh tsiá꞉hontaweiate, khehs nón꞉ka ne ne iakó꞉hiote nhó꞉nowen, ók nek khók tsi niiá꞉kon ne iesenná꞉re ne teiotinakaronhtón꞉ha raoiá꞉tonhserake ne ionnhe.

Revelation 21:9

Eʼthó꞉ne saiá꞉ta ne tsá꞉ta nihá꞉ti ratironhiakeró꞉nons ne raón꞉ha raksenhá꞉we ne tsá꞉ta nikák꞉sakes titkaʼhere ne tsá꞉ta níkons nonakénkha kanhratariné꞉tsheras tá꞉re tánon wahakénhase, “Káts, kwáh enkonnatónhase ne iakónkwe, ne ró꞉ne waʼtón꞉sere ne teiotinaʼkaronhtónha owí꞉ra.”

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.

Revelation 5:8

Ne nó꞉nen shiháhawe ne kahorohthakwenón꞉ni, ne kaié꞉ri nihá꞉ti ne ronón꞉nhe kárhios tánon ne tewáhsen nihá꞉ti ratirehtsá꞉rons wahatiiataién꞉taʼne raohénton ne teiotinaʼkaronhtón꞉ʼa, satiiatátions ratí꞉hawe ne onhowakó꞉wa tánon nowistanó꞉rons aké꞉ra titkáhereh wenhnekerá꞉kon, né꞉ne raonaterén꞉naient ne rotiiatatokéntis.

Revelation 6:1

Ethò꞉ne waí꞉ken ne teiotinaʼkaronhtónha owí꞉ra wathanhetsáke énska ne kanhekentó꞉ren, tánon waihiatón꞉teʼne saiá꞉ta ne rónhne kário iathohénrehte, kwáh thonihawenhnó꞉ten tsi ní꞉iót naʼká꞉wehre, “Káts!”

Revelation 6:16

ienhiahierón꞉nion tsi iononténion tánon tsi iostenhraréhnion, “Kasewatenontié꞉nent ontionhá꞉ke tánon takwaiatáset tsi rakonsón꞉te tsi niká꞉ien ne thóh renskwáhere nanitskwará꞉ne né꞉ne tó꞉sa asonkwáken tánon tsi natehaterhiatítʼkons né꞉tho teiotinaʼkaronhtón꞉a owí꞉ra;

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”