Joel 2:8 - Ohiatonhseratokénti

⁸ Iáh tsiatehontatkwahthánions, ne satihiatatʼtions tsi nón꞉we nienhón꞉ne; nó꞉nen ienhatiiatienénhne raonasárake tánon iáh thahó꞉then tehotikarewá꞉ton.

Joel 2:8 ပူးပေါင်းရင်းမြစ်များ

2 Chronicles 23:10

Thóh waʼshakóteron ne ronhnónhkwe ratihawáʼnions nasarekówas tehonakwahtaséhton nó꞉henton Nononsatokentikowane, né nahontahonwá꞉ne ne ronnontí꞉io.

2 Chronicles 32:5

Né ronnontí꞉io Hezekiah sén꞉ha isiʼnónhwe tsi nonhsahatateshastsʼténhseron tsi nihohénroʼte tsi sahakwahtaʼkwenháton ne tsi tekenstenhró꞉tes watenhénhraiens, thóh ostenhrá꞉kes wahatenikatonhniánions; tánon aktónhtie tsi watenhénhraien shé꞉kon ó꞉ia sahatenhenrónhni: tánon iahawénhthate, tánon sahakwahthakwahniónhko tsi watenhénraiens ne tsi ionhontsáien né kananóntʼtons ne tsitʼkarahkwínekens nòkwahti ne atenatakáhionhke ne Jerusalem. Tánon iawetatʼtsáni né kaiénhkweris ó꞉ni ne tehioniatasthákwah waronhniánion.

Nehemiah 4:17

Tsi nihá꞉ti ne shontonsónhniskwe tánon tsi nihá꞉ti né꞉ne rotikete nononwénhseras, satinentʼtsakaríhti khók rotikarenonhátie norié꞉nia tánon ne satínents kakará꞉ti né꞉ne rotiienawá꞉kon notshikwára.

Nehemiah 4:23

Tánon khéhs ní꞉i khéhs ne iatiathatekénha khéhs nakenátsera khéhs ne rakenikónhrare ronhnón꞉ha ne tionkwatswanónhne iáh nonwénton tehionkwatieronhniáshion, kwáh iekaníhare iehatiháskwe ne ronteriiotháhkwa nó꞉nen enhontawénha.

Job Tánon ne Raoronhiakensera 33:18

nahanónstate tsi ronónhne tsi nokwáh natsatónhkwakon, ne tsi ronhnón꞉nhe tó꞉sa ashareʼkó꞉wa ahiakowénhtho.

Job Tánon ne Raoronhiakensera 36:12

Ók tó꞉ka iáh tahontahonsáthate, kwáh kí ne eniakótonhte nasareʼkó꞉wa, tánon tsi enhonhní꞉heie iáh othé꞉non tahotiién꞉tahke nathokhátshera.

Proverbs 30:27

Tsistá꞉rare: iáh tehotí꞉ien ne ronontí꞉io nek tsi ratinenhrahserón꞉nis kiʼ tsi rón꞉ne.

Song of Songs 4:13

Ne tesarenhárons ne ne kaʼkwiraiéntons ne wéso iotenénhas káʼhiks akwéʼkon ne ne kwáh wahí꞉ios, ne ne kwáh waʼkénres iontsatakonhonstákwas.

Isaiah 5:27

Iah ónhka tsi niháti tatehotiwisenhéion, iáh ónhka thatehotiʼiathénhtons, Iáh ón꞉ka tehotiserénhtaras khés nahotitásheke, iáh nénska natsatáhna iáh tahiosaréhshonke, iah ó꞉ni ne ronrashitorókstha òna thaʼtakaiákon;

Joel 2:7

Tsi ní꞉ioht ne ronterí꞉ios ratitátke; tsi ní꞉ioht ne ronterí꞉ios iathontawénhrate ne tsi wathenhénrote nosthénra. Ne satihiatatʼtions kwáh ioʼthakwahrí꞉shion tsi nihotinenhraseronhnihátie, iáh thatehotihiathéntons tsi ní꞉ioht tsi ronathahítake.

Joel 2:9

Iathotisterí꞉hen ne tsitkanatowanénhke, ratitatkenóntie aʼthenhenratʼthátse ne tsi wathenhenró꞉te nosténhra; wahatirát꞉then ne tsi kanonshó꞉tons, iahontawehiathánion ne tsi kanonstonhkwahkarónhtons tsi ní꞉ioht ne ratinénskwas.