Joel 2:32 - Ohiatonhseratokénti

³² Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Joel 2:32 ပူးပေါင်းရင်းမြစ်များ

Genesis 4:26

Ne Seth wahoneʼkenterontseraién꞉taʼne, Enosh wahoná꞉tonkwe. Eʼthó꞉ne nonkweʼshón꞉ʼa taiontáhsawen wá꞉ʼonste ne Roiá꞉ner raosénna nó꞉nen enhonterén꞉naien.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Isaiah 10:22

Iahwerohátien ne shonkwetaʼshón꞉has Israerʼronónke kwáh né꞉ne tsi natekatsinetarotháron nonesarón꞉kwah ne kaniatarakheʼkówa, tohkàra khók niʼiákon ténhtien. Ne Kakaronniátshera kahianerenhseríhshon ne rahotirihwáke, thiʼtsioró꞉ron ne karihwaʼkwahrihshióntshera.

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Isaiah 11:16

Kwáh thóh nón꞉we nenhiohatátseke ne iohahowánen né꞉ne Assyria nón꞉we nènhtewe asèken né꞉ne iatehonathaténron rahonkwetaʼshónhas raoʼtirihwàke, tsi kí né nihiotónhne NʼIsraerʼró꞉nons nó꞉nen sathontahonténhti ne tsi tsiohontsáien ne Egypt.

Isaiah 4:2

Né éʼtho enwenhniseráteke ne raonhá꞉te ne Roiá꞉ner kwáh kí í꞉ken tsi enwatehiáron tánon enkowanénhake ó꞉ni enwatʼkatotseriʼióhake tánon enhiorihwanerakwáhtonhke, tánon tsi nahoténsons ne kaienthóseras watonhniátha nonhontsáke kwáh kí ne enhontenáieste tánon ne raotiʼiatanerakwátshera enkénhake niaʼtehonathaténron NʼIsraerʼronónke.

Isaiah 46:13

Taká꞉we ákta wá꞉tsien nakatesenhniéntshera, iáh ahí꞉non nió꞉re téthewes, tánon naká꞉wenk kahiatakenátshera iáh thaʼionísko; Kwáh thóh éntsien ne kaiatakenátshera ne Zion nón꞉we, asèken ne Israel né naʼtsatanerakwáhtshera í꞉ken.

Jeremiah 31:7

Ne Roiá꞉ner ráton, “Tesehwahriwákʼkwas natonnahráhtshera ne Israel, ne ahonháʼa tkasennowáhnenh akahonhà꞉ke nonkweshónha. Tesehwahríhwak ne sehwahrénnas ne kanonhwerahtóntshera, ‘Ne Roiá꞉ner wahshakonónhsthaʼte ne rahonkwetahshón꞉a; wahshaʼkoniákenʼthe tsi nihiákonh ne iaʼtehiakothaténron.’

Jeremiah 33:3

“Taskenáhthon, tánon tenkonrihwahsehrákwahse; kwáh enkonriorhiánion ne ionerahkwahténions ó꞉ni ne iorihwahnerahkwahténions nètho ne kwáh iáh othènen tesehriwahientéri.

Amos 9:8

Tesakokánere ne Roiá꞉ner Rawenni꞉io tsi nihotirihwaneraháts꞉kon kí꞉ken kanakerahserá꞉ien, tánon kwáh enkerihwátonhte tsi niiohóntsa —nek khók iáh kwáh takhehiátonhte nonhkweshón꞉as Nisraeró꞉nonke, rá꞉ton ne Roiá꞉ner.

Obadiah 1:17

Ók tsi ionontáhere ne Zion ótiaʼkeʼs enhieʼniá꞉kenʼne, tánon kwáh enionatatokénhtiʼke. Tsi tahawatsiratátie ne Jacob tsi kwáh enhonawenkhón꞉weke nohóntsa.

Obadiah 1:21

Tánon tsi niiá꞉kon ne sehshakoʼniakénhton kwáh kiʼ ienhatinontá꞉raʼne tsi Ionón꞉te ne Zion ne ne tahatiiaʼtoréhthake tsi ionón꞉te ne Esau; tánon ne tsi kanakerahserá꞉ien kwáh Roiá꞉ner enhowenkhón꞉weke.

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

John 10:16

Sekon eso ȣakenaskȣaien nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientake saiatat oni nensakoststeristake.

John 4:22

Neh seȣasennaiens tsinahoten nʼiah teseȣaienteri: nok nii, neh nii iakȣasennaiens tsinahoten iakȣaienteri, aseken Sitaerononke entkaientakȣe ne kaiatakennhatsera.

Acts 15:17

Tánon akwékon ne thiʼhiakotiokwaténion nonkwesónhas akonháke nentʼthónne, rathikwékon ne iáh tehatiʼsitaeʼró꞉nons neh iekhenáton I꞉i akonkwéta enhónton.

Acts 2:39

Asèken ne Rawení꞉io tsi sewararatsʼtén꞉ni ó꞉ni ne ieʼtsiʼiohokónha, tánon ó꞉ni tsi niháti ne ahinónsherons tathinakeréhnion—kwáh tsi niháti ne Roiá꞉ner onkwaʼní꞉io ne raónha sakohonkaráwis rahonháke niá꞉ien.”

Romans 11:26

Kén kíʼ ní꞉ioht tsi ensatiniákenʼne ne Israerʼró꞉nons. Tsi niwáthon neh Kahiatonseratokén꞉ti, “Ne Shakoiathákwas Zion non néntʼtre tánon enháthonte ne kariwaneraháktseras tsi nithoʼtwatsirínon ne Jacob.

Romans 11:5

Kwáh káti sékon neh sáka nónwa nikaháwis. Kénk niháti iateshonatháteron tsi nikáien ne Rawenni꞉io sakoiatarákwen ne rahoténrat iorihonníʼon.

Romans 11:7

Onkáti ne kénhen? Ne Israerʼró꞉non iáh tehothitsénron tsi nahóten ronʼnésaskwe. Kénk nihothitiókwa tsi nisakohiatarákwen ne Rawenni꞉io wahathitsénri; ronátsiakes wathontahonthákwekʼte tsi nisakónaskwe ne Rawenni꞉io.

Romans 9:24

Asèken í꞉i nètho tsiónkwe neh tesonkwanáton, iáh tòhka kén nek khók tsi natehóntere ne Sitaeró꞉nons nók neh ó꞉ni neh iáh tehatisitaeronons.

Romans 9:27

Tanon Isaiah wahanikonraiénthaʼte tsi nòkwa ne Israel, “Tòhka ó꞉ni thóh nahionthonkwetaʼkáteke neh Israel tsi níkon tekanesaronkhótharon neh ahtsakthóntie neh kaniatarakhekówa, nók khiʼkenk nenhatíhake enhathiniákenʼne;

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;

Hebrews 12:22

Khé꞉khok, Tsi ionontáhere ne Zion nontáh꞉se tánon ne rahonátakon ne ronhnheʼónwe Ní꞉io, ne karonhiakékha Jerusalem, skát꞉ke ne tewenniawehetsheráksens niháti ratironhiakerónons.