Joel 2:26 - Ohiatonhseratokénti

²⁶ Ní꞉se kwáh wé꞉so thenshatskà꞉hon tsi nió꞉re iathensaié꞉rise, tánon thensatenonwerá꞉ton ne raoshén꞉na ne Roiá꞉ner Saní꞉io í꞉ken, rahónha rohiothénhen ne iorihwanerakwahténions ne sarihwá꞉ke. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanateháte.

Joel 2:26 ပူးပေါင်းရင်းမြစ်များ

Genesis 33:11

Ahsatʼthonʼtátsheke tsénah nahkatathawí꞉tshera tsi tsesahawitenhni, tsioríhwa ne Rawenni꞉io tsi nithoriwaieri nakónhake, tánon thá꞉kawi akwé꞉kon tsi natewakatón꞉hontsoni.” Jacob wahó꞉rehke tánon wahá꞉iena.

Nehemiah 9:25

Tánon wahontiaʼtakweʼní꞉ioste ne tsi kanatowá꞉nens tánon ne tekenstenró꞉tons watenhenráien kwáh tiohontsí꞉ios tánon wahontiaʼtakweʼní꞉ioste ne tsi kanónshote ne titkáhere ioiá꞉neres tánon skátne nonawerashón꞉as, tsi kanenharaientóhseron tánon ne iakeiewátha karontaʼshón꞉as tánon ne wahiaienthóhserons tsi nihiawetowá꞉nen. Tánon wahón꞉neke tánon kwáh wahoná꞉tahne tánon wahonréhsen tánon tsi nahonerienhtí꞉io thóh tsi nateiotenonhianí꞉ton tisarihwaié꞉ri.

Psalms 103:5

rahónha thakatkawénhnis ne ioiáneres kwáh tsi nikaríwes enkónnheke né káti ne tiókonhte ahontonhtionhionháka tánon akesháststeke tsi ní꞉ioht nakweksʼkówa.

Psalms 116:7

Nón꞉wa entkwéni ne shé꞉kon tahontakaterakáren tsioríhwa ne Roiá꞉ner tsi nihioiánere tsi nihakatiéraʼse, asèken ne Roiá꞉ner kwáh ioiánere tsi tehakerihwásnieʼse.

Psalms 13:6

Kwáh kíʼ tenhirihwákwahse ne Roiá꞉ner, tsioríhwa tsi nahatiatatériste.

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

Psalms 37:19

Iáh tahóthen tahotinorónsten nó꞉nen enwáh꞉we ne tahiontkári, ne tewenhniserónhte natonhkarhiá꞉kon kwáh enhiotsénike tsi nenhothikwaiéntake.

Psalms 67:5

Ánion akahontsakwékon nónkwe teiesanonweráton, Ó Sewenní꞉io; ánion akahontsakwékon teiesanonweráton.

Psalms 72:18

Tehonwaʼnonhweráton ne Roiá꞉ner, ne Sakoní꞉io í꞉ken NIsraeronónke! Rahonhatsíwa kíʼ tsi nihaieránions ne iorihwaʼnerakwahthénions.

Proverbs 13:25

Ne thotirihwaié꞉ri tiótkon rotí꞉ien nahò꞉ten ahón꞉neke, nok ne iáh tethotirihwaié꞉ri tiótkon rontonhkáriaʼks.

Song of Songs 5:1

Táke nakhétakon, tiatenósen, aktsikhéta, waʼkatateróʼrohkse ne wenhienaʼnórons skane ne wenienaʼkonhonson, wáʼkehke nakáʼwenk ohtskeréwak skátʼne naʼkahónha nakʼtsikéta, wakʼnekíra naʼknéka onenharákeri skátʼne nonónhta. Tesewatskà꞉on, O ateróhseras, tánon sewanekí꞉ra; sewanekí꞉ra wesóhak, O sewaténros!

Isaiah 25:1

Ó Saiá꞉ner, í꞉se ná꞉ke Ní꞉io í꞉ken; ní꞉i Kwáh enkonsenhnakaráthate, ní꞉i kwáh tenkonshennanerá꞉kwaʼte; asèken iorihwanerakwahténions tsi nisatieránion, tisatenonkónhni tsi nisheiatonhniánion tsi nahoténsons ne ionnhé꞉nions ne wahonhní꞉se tkènhne, iorihwatóken tánon tokenhskeʼónwe í꞉ken.

Isaiah 29:22

Ne káti wahón꞉ni rá꞉ton ne Roiá꞉ner, ónka shoiatákwen ne Abraham, tsi niʼiotiéren tsi ronónhshote ne Jacob: Iáh ónenh tetsió꞉wenk ne Jacob ahonsahatehénseʼke, iáh ónenh tetsiówenk ne rakonsàke tahonsahatskenenhnatónhten.

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Isaiah 54:4

Tó꞉sa saterónhsek, asèken ní꞉se kwáh kí iáh thaʼsatéhen; tó꞉sa sanikonrókten, asèken iáh kí thaʼseronhiáken natehénsera; asèken ensanikónren natehénsera ne kenshiʼtisahiónha, tánon natehénsera tsi saterehónskon ní꞉se kwáh kí iáh shé꞉kon tahonsasheʼhiárake.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Leviticus 25:19

Nonhóntsa entkáhaʼwe ne kaientʼthó꞉tsheras, tánon kwáh tsík nahoténsons enshaiénthake násehke tánon skénhnenk tsi enshiterónhthake.

Leviticus 26:26

Kwáh entkhonkwí꞉iakʼse, nèkati noiéri nikónhti énskak khók iontenatharonhtákwa entsotiʼiéntake nakwékon akonhtenatarónhten tsi naʼtahionatonhontsóniʼke. Kwáh tenkonhtenónhianiʼte, tánon nó꞉nen akwékon sewanatará꞉kon, shé꞉kon kíʼ ensewatonhkarhiáseʼke.

Leviticus 26:5

Ne saientʼthótseras thóh nióre tsi enwesóhake kwáh shé꞉kon enshenatsiʼiákseʼke nó꞉nen ienkáhewe nasenenharáko, tánon shé꞉kon senenharakwáseke tsi ienskáhewe nahonshasenatsaiéntʼtho. Kwáh thóh tsi nenhkónhake tsi niatahisaiériʼse ná꞉sehke tsi naʼtesatonhontsóni, tánon skenenhkówat tsi ní꞉ioht tsi ensiterónhthake ne sonhontsáke.

Micah 6:14

Kwáh tenhsatskáhon ók iáh kíʼ tahisáthan, tánon natonkarhiá꞉kon kwáh ienkashá꞉hate ne tiatá꞉kon; tánon tsi nahó꞉ten nasateweién꞉ton, ók iáh kí takanonstátonke, tánon tsi nahó꞉ten nasenonsthá꞉te, kwáh kí asárake ienkatiaʼkwaríhsi.

Zephaniah 3:11

Ne é꞉tho enwenhniserá꞉teke, kwáh iáh tesatehénsehke nakwé꞉kon tsi nisahiothénhen ne tsi thóh nitsawéhnon tsi wasehrihwanérake ne tsi naskatkónten; asè꞉ken ethò꞉ne kwáh é꞉ren enkheiathenháwite ne sewanenhrí꞉hen ne ionhtatón꞉ni ne iontaʼtsenhnakaráhtats, tánon iáh shé꞉kon nahonsashatatkowánenhke nakenonhtatokentíke.

Zechariah 9:15

Ne Roiá꞉ner Roshatstenhserowá꞉nen kwáh enteshá꞉konhe ne rahonkweʼtashón꞉ʼa tsi ní꞉ioht ne iontrenhostáhkwa. Kwáh enhonahkástehke ó꞉ni enshakotishén꞉ni tsi nihá꞉ti ne ronwahtinenhʼhió꞉ias. Ethò꞉ne enhatinehkí꞉ra tsi nenhontenhnikonhró꞉ri, tánon tenhothihénrehte tsi shí꞉ken ní꞉ioht ne iakohnonhwahrathón꞉on. Kwáh thóh ní꞉ioht tsi enhothinekáthane tsi ní꞉ioht tsi ionahnónhon ne katʼtse tsi wahtenekwensaráhkwen ne konwatsatakʼtsaháton kaʼtshé꞉nen, kwáh thóh ní꞉ioht tsi tenhothinhokwensokó꞉tonke tsi ní꞉ioht ne ientsienharáhkwa tekahiosá꞉ien.

Zechariah 9:17

O tsi nenhiohianeréhake ó꞉ni enwatʼkathotseriió꞉hake nonwénhtsa! Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.

Romans 10:11

Nowenʼnatokénti wáton, “Onhkakíʼok nenthonwétakwe iáh tahonsahiontateriwásten.”

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

Romans 9:33

nowennaʼtokénti neh watroriátha: “Satkátho, watsiéntatse tho nón꞉we Zion onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko. Onhkakíʼok nenthonwétakwe iáh tahonsahiontateriwásten.”

Deuteronomy 11:15

tánon entkahonʼtánio ne sewahentà꞉kes ne sewatshenenó꞉kons akónhneke. Kwáh tsi ní꞉kon tesewatonwenhtsóni ne káhkhwa tsi ensewaiéntake.

Deuteronomy 12:12

Sewatsenhnonhníhak thóh rahohénton, skátke ne ietsihiohokónhas, sewanátsheras, tánon ne Levites nahatihiaʼtó꞉tens ne thóh sewanatá꞉kon ratinákere; sewehiárak né꞉tho Levites tsi iáh othé꞉nen tahononhontsaiéntaʼne nahonawenhkón꞉weke.

Deuteronomy 12:18

Í꞉se tánon ne ietsihienʼokón꞉as, skátke ne sewaná꞉tsheras tánon ne levites ne sewanatá꞉konhs ratinákeres, ne enhón꞉neke kí꞉ken kariwihiosehʼokónhas thóh ne kók rahohénton ne Roiá꞉ner sewaNí꞉io, nénska kók tsi nón꞉we nenhonwasénhnaien tsi nihoráhkwen ne Roiá꞉ner sewaNí꞉io. Tánon thóh nón꞉we tsi ensewatsenhnonhníhak orihwakwé꞉kon tsi nisewahiotèn꞉en.

Deuteronomy 12:7

Thóh rahohén꞉ton ne Roiá꞉ner sewaNí꞉io, tsi raónha tsi sewahiatateríston, í꞉se tánon ne sewahwá꞉tsires kwáh tensewatská꞉hon tánon ensewanonwè꞉ne ne ioiáneres tsi nisewahioʼténhen.

Deuteronomy 8:10

Tánon kwáh ensathonhón꞉hake, tánon tentienonhwerá꞉ton ne Roiá꞉ner saNí꞉io ne ionhontsí꞉io thiá꞉wi.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

1 Sawátis 2:28

Hén, kwá ienokónha, rahónhak khók tetiateriwasónterak, nekáti nónen entathaténeste kwá aionkwanikonraníronke iáh tatahionthonwentióhake natsitewataséten tsi nahionkwatehén꞉en neh nón tewenniserónte nónen tèntre.